RUTH 1:8 - PATHIEN LEKHABU THIENGTHO (BSI)

⁸ Tichun, Naomi chun a mote nih kieng achun, “Na nuteu In lam gel ah vaikit mai tiem u; mithi chung leh kei chunga na hih bang u hin, Lalpa chun na chung u ah nunnem takin hih thuk hen.

RUTH 1:8 ပူးပေါင်းရင်းမြစ်များ

2 SAMUEL 2:6

Tichun Lalpa chun na chung u ah lungsietna leh thutak latsak hen la: zie thil na hih ziek u hin ken le na phatnau man chu hun din ing ka.

EPHESI 5:22

Zite haw, Lalpa kawma na kituklut bang u hin, nangmau pasalte kawmah kitulut un.

KOLOSSA 3:18

Zite haw, nangmau pasalte kawm chiet ah kitulut un, zie chuh Lalpa a umte hih ding dawl ahi ngâl a.

KOLOSSA 3:24

Lalpa’n a mite dinga kipahman a kawih chuh hun pie ngêi ding a hi tih hezing un. A na nasep uh, na puu tak tak chuh Krista a hi zaw ngâl a.

RUTH 1:5

Chun, Mahlon leh Kilion chuh a thi gêl gêl tau a; tichun, zie numei chuh a chate nih leh a pasal chun a thihsan tau hi.

RUTH 1:7

Tichun, a umnau apat chun a mote nih chu tawh a hung pawt u a; Judai gama chieh kit dingin a kipan dawk tau hi.

RUTH 1:9

Lalpa chun na nih un pasal hun pie hen la, pasalte In a na khawsak theih na dingun hun lungsiet hen,” a ti a. Tichun, Naomi chun a châwp a; amau nih chuh aw ngeih tak in a kap tau hi.

RUTH 2:20

Chun, Naomi chun a monu kawm achun, “Lalpa mihing leh mithi chunga a nunnemna hai diek lo pa chun amah chuh vangsak hen,” a ti a. Chun, Naomi chun a kawmah “Zie pa chuh I chanau bulpen u leh I kinaihpih uh ahi a puo,” a ti a.

RUTH 3:10

Chun, Boaz chun, “Ka chanu, Lalpa’n hun vangsak hen.” “Tangval gimthei ahim, neizo ahim na zuih loh zie hih a tûng lai sangin le a nung lam hin na phatna na sulang zaw ta a.