RUTH 1:16 - PATHIEN LEKHABU THIENGTHO (BSI)

¹⁶ Himahleh, Ruth chun, “Nang hun nusieh ding leh hun zui lo a vaikit dingin ei thêm dah hâmhâm in; na chieh na tâkah chieh ing ka ting, na giehna taphawt ah giek ing ka ting, na chite chuh ka chite hiu in tin, na Pathien chuh ka Pathien hi’n a.

RUTH 1:16 ပူးပေါင်းရင်းမြစ်များ

2 SAMUEL 15:21

Chun, Itai chun leng chu a dâwng a, “Lalpa hinna leh leng, ka pu hinna sâlin ka gen hi, leng, ka pu hi na umna tâk achun, thih leh thih hi’n tin, dam le dam hi’n tin, na suok hi le um zel ina” a ti a.

SAM LEHKHABU THE PSALMS 45:10

Aw, ka chanu, ngaitha’n la, ngaihtuoh inla, na nakhang dawh in; Na mite leh na pa inkawte chu hengilh in;

THUCHINGTE 17:17

Guolpha chun bangtik lai in le a lungsiet a, chun, inkuon kinaihpihte hi lungkhamna thuokpih dinga pieng ahi,

ISAI 14:1

Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.

DANIEL 2:47

Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.

DANIEL 3:29

“Zieziekchun mitin, namtin, pau tin in, Shadrak, Meshak leh Abednego te Pathien chunga thu phalo gen taphawt chuh sat nêl hiu intin, a inteu chuh thilsie kawihkhâwm tawbanga siem in um un au tin thupiek ka siem ahi: zie tawbanga hukdawk thei pathien dang mawng mawng a um puoh ngâl a,” a ti a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

HOSEA 13:4

Kei hi Lalpa na Pathien uh, Aigupta gama pata hun puidawkpa chuh ka hi. Kei tihloh chuh Pathien dang na nei puou ui. Kei chauh hi a hun hukdampa chuh ka hi.

ZEKARIA 8:23

Zie nihaw achun hiti hi hung hi’n tin, namtin apat mi sawm te chun Juda mi khat chuh a puonmawng in tuzui un tin, a kawmah, ‘Pathien na kawmah a um hi tih, ka het ziekun, kei un le na chiehna achun hun zui ung kau,’ ti’n au,” a ti a.

MATTHAI 8:19

Chun, dân sinsaktu khat a hung a, a kawmah, “Sinsakpa, na chiehna lam chengah hun zui ing ka,” a ti a.

JOHAN 13:37

Peter in a kawmah, “Lalpa, bangati a e tu a le ka hun zuih theih loh ding? Nangmah ziekin ka hinna chan ing ka,” a ti a.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

JOSHUA 24:18

Tichun Lalpa’n ka masang ngêi uh ahin namtin, zie gam a um Amor te ngêi chuh a nawhdawk suok kêi a; zieziekchun ahi kei uh haw’n le Lalpa na hi ka sep dinguh; amah chuh ka Pathien uh ahi ngâl a,” a tiu a, a dâwng u a.

THUPHUON 14:4

Ziete haw chuh numei tawh kisubuok lote, nungak thiengtho bang a hi ngâl uh a. Ziete haw chun Belamno chuh a chiehna lam chengah a zui uh a. Ziete haw chuh Pathien a ding leh, Belamno a dinga gah masa hi dinga lei apat a tatdawkte chuh ahiu hi.

RUTH 1:15

“Ngaitie, na mo chanpih nu chuh a chipihte kawm leh a pathien kawm lam achun a vaikit ta a; nang le amah chuh zui inla chieh kit mai ta’n,” a ti a.

RUTH 1:17

Na thihna na ah thi’ng ka ting, zie tak achun ei vui mai ding ahiu; nang leh kei hi thihna tihloh in thil dang in ei khen ding chun Lalpa’n a lawh lawh ei lawh mai hen la, zie sanga nasa zaw chun le,” a ti a.

RUTH 2:6

Chun, buh âtte laka lawiupa chun, “Moab nungak, Moab gam apat Naomi kawma hung khah ahi.

RUTH 4:15

Chun, amah chuh na hinna tungdawk leh na teklam a hun chawm pa hung hi’n tin, na monu nang hun hehpih a, chapa sagih sanga nanga dinga phazaw chun amah chuh a hing ta ngâl a,” a tiu a.