RUTH 1:14 - PATHIEN LEKHABU THIENGTHO (BSI)

¹⁴ Chun, aw ngeih tak in a kap kit tau a; chun, Orpah chun a pi chuh a châwp a; himahleh, Ruth chun vang a tuchak kêi a.

RUTH 1:14 ပူးပေါင်းရင်းမြစ်များ

THUCHINGTE 18:24

Mi khenkhat chuh guolpha guolin a kisiem u a, himahleh guolpha tak tak chuh inkuon kinaihpih pên sanga kinai zaw a um hi.

MATTHAI 16:24

Chun, Isu’n a sinsakte kawmah, “Kuon le ei zuih a nawp leh, amah gimtheih khawksa lo in, a kross pu’n ei zui hen.

MATTHAI 10:37

“Kuole a nu ahim, a pa ahim kei sanga hehpih zaw chuh ka mi hi hâwi ahi puoi; kuole a chanu ahim, a chapa ahim kei ei hehpih sanga hehpih chule ka mi hi hâwi ahi diek puoi.

HEBRAI 10:39

Eihaw vang nungchawn a mangthai ding mi I hi puou a; taksanna nei a hukdam I hi ngâl uh a.

MATTHAI 19:22

Tangval chun zie thu chuh a het phetin, lungkham takin a chieh mang ta a, sum tamtak nei mi a hih ziekin.

ZEKARIA 8:23

Zie nihaw achun hiti hi hung hi’n tin, namtin apat mi sawm te chun Juda mi khat chuh a puonmawng in tuzui un tin, a kawmah, ‘Pathien na kawmah a um hi tih, ka het ziekun, kei un le na chiehna achun hun zui ung kau,’ ti’n au,” a ti a.

ISAI 14:1

Lalpa chun Jakob chuh lungsiet intin, Israel chuh tel in amau haw gam ngêi ah umsak ding ahi ngâl a. Amau haw gam ngêi ah chênsak kit intin, gamdang mite chuh a kawm u ah hung un tin, chêng khawm ta’n au.

THUCHINGTE 17:17

Guolpha chun bangtik lai in le a lungsiet a, chun, inkuon kinaihpihte hi lungkhamna thuokpih dinga pieng ahi,

1 LENGTE 19:20

Chun, Elisha chun a bâwngchalte chuh a taihsan a, Elijah chu a delh a, a kawmah, “Ka nu leh ka pa va châwp phawt tadih ing ka ting, tichun hun zui ing ka,” a ti a. Elijah chuh a kawmah, “Bang ka hun lawh a ahim? va chieh kin tan,” a ti a.

DAN NIHNA 10:20

Lalpa na Pathien chuh na lauh u a, a na nasep u a, amah chuh na tuk det u a, a min a na kihâksiel dinguh ahi.

2 TIMOTHE 4:10

Dema’n tulai khawvel thilte hi a ngaihlul ziekin ei taihsan ta a, Thessalonika khuo ah a chieh ta a; Kresken chuh Galati gam ah a chieh ta a;

NASEPTE 17:34

Himahlele, mi khenkhat chun amah a bel chak kêi tau a, a gingchau a; ziehaw laka abang chuh, Areopagi mi, Dionusias leh, numei khat a min Damaris leh, mi dang khenkhatte tawh ahiu hi.

THILSIEMBUL 31:55

Chun, zingkal matak in Laban chuh a tho a, a tute leh a chanute a châwp a, vang a pie a; tichun a kipan a, amah umna lam zuonin a chieh kit ta a.

THILSIEMBUL 31:28

Ka tute leh ka chanute ka châwp phal lo in ngawlhuoi takin ahi thil na hih hi.

DAN NIHNA 4:4

Ahih ziekin, Lalpa na Pathien uh tudet te cheng vang chuh tuni tieng hin hing leh dam in na um chiet u a.

RUTH 1:13

A pitit tiengun na um dinguh a ahim? Pasal bei in na um zing ding u a-ahim? Himaizen lo e! ka chanute, nang u ziekin ka lungkhamna a khawk diek hi, Lalpa khut chuh ka chunga kinga ahi ta hi,” a ti a.

RUTH 1:15

“Ngaitie, na mo chanpih nu chuh a chipihte kawm leh a pathien kawm lam achun a vaikit ta a; nang le amah chuh zui inla chieh kit mai ta’n,” a ti a.

2 SAMUEL 19:39

Chun, mipi chengcheng chu Jordan gâl a kai u a, chun, leng chule a galkai a: leng chun Barzillai chu a châwp a, vangsaka; chun amah mun lam ah a chieh kit ta a.

RUTH 1:7

Tichun, a umnau apat chun a mote nih chu tawh a hung pawt u a; Judai gama chieh kit dingin a kipan dawk tau hi.

RUTH 2:11

Chun, Boaz chun a dawng a, a kawmah, “Na pasal thih apat a na talpinu chunga na thilhih dante chengcheng mi’n ei hilh vek u a; chun, na nu leh pa leh na pienna gam hun taihsan a, na mi hêtkhâk lohte kawma na hung dân haw le.