ROME 9:4 - PATHIEN LEKHABU THIENGTHO (BSI)

⁴ Israel mi ahi ngâl u a, cha hihna le, Pathien nasepna le; thutiem chengcheng le amau haw a ahi ngâl a

ROME 9:4 ပူးပေါင်းရင်းမြစ်များ

EPHESI 2:12

Zie lai khan Krista lo in, Israel khuoletui tawh kitimat lo in na um u a, khawvel a kinepna bei leh Pathien neilo in, Pathien in a mite kawma a thutiem, thugawlh laka le chan na neih loh u leh Pathien beia na umteu kha hezing un.

SAM LEHKHABU THE PSALMS 147:19

A thu chuh Jakob kawmah a lat saka, A thuguot leh a vaihawm haw le Israel kawmah a lat sak sek hi.

ROME 9:6

Pathien thutiem chuh a lawhsam tai ti ka hi puoh a; Israel mi chengcheng chule Pathien mite ahi suok diek puou ui.

THILSIEMBUL 17:2

Tichun nang leh kei kal ah ka thu gawlh ing ka ting, nasa takin hun supung ing ka,” a ti a.

NASEPTE 2:39

Pathien thutiem khah, nang haw leh na chateu ding leh, gamla taka mi chengcheng ding leh, Lalpa I Pathien un a kawma a sap tapohte ding le ahi ngâl a,” a ti a.

DAN NIHNA 7:6

Lalpa na Pathien uh a dinga nam thiengtho na hi ngâl u a; lei chunga nam chengcheng laka amah a ding chuom a Lalpa na Pathien un a hun têl na hi ngâl u a.

PAWTDAWKNA 4:22

Tichun nangin Pharaoh kawmah, ‘Lalpa chun, Israel hi ka chapa, ka cha lutîl ahi’ a tii, ti a na gen ding ahi.

HEBRAI 9:1

Chun, thugawlh masa khan le, Pathien ho dân leh, Pathien hona dinga leia mun thiengtho chuh a um ngêi a.

SAM LEHKHABU THE PSALMS 89:3

“Ka mi tel chu tawh thugawlh ka siem a, Ka sawntawlawi David kawmah ka kihâksiel ta a;

1 LENGTE 8:11

Khutichun, thiempute chu meipi ziek chun nasem in a ding thei ta puou a, Lalpa In chu Lalpa lopina’n a luoh dim ta ngâl a.

ROME 8:15

Lau a um kit dingin suok hihna thagau mu na hi puou a, cha hihna thagau mu na hi zaw ngâl u a; zie thagau zal chun “Abba, Hepa” ti’n I kiko sek uh ahi.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

DAN NIHNA 14:1

Lalpa na Pathien uh chate na hiu a; mithi sûnna a na ki-ât keh dinguh ahi puoh a, na mit mul u le na met kawlh dinguh ahi puoi;

THILSIEMBUL 17:7

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.

HEBRAI 9:10

Ziehaw chuh nek leh dâwn leh kithiensakna dân chuom chuom hihdan mai a hih ziekin. Ziehaw chuh pawlam thila hihdan mai ahi a, zie chuh Pathien in dân thak a hun tundin masanga mat dinga guot ahi.

HEBRAI 9:3

Chun, puonzak nihna dân sung achun Puon-In, Mun Thiengtho pên a tih uh chuh a um hi.

JOHAN 1:47

Isu’n, Nathanael a kawma hung a muh chun, a chanchin a gen a, “En tiem u, Israel diktak, amah a diklohna him um lo chuh!” a ti a.

MATTHAI 21:33

“Tehkal thu dang ngai un, mi kuo ahim, gam nei khat a um a, zie pa chun grep huon a bawl a pal in a ûmkimvel a; grep thâwkna khûk a lai a, in sang a sa a, tichun a ngakte kawmah thawh lawh dingin a pie a, gam chuom ah a chieh ta a.

HOSEA 11:1

Lalpa chun, “Israel chuh a naupan lai apat in ka lungsiet a, Aigupta gam apat ka chapa dinga ka sap dawk ahi.

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

ISAI 60:19

“Sun laia na vak ding chuh nisa hita puo’n tin; zan a hun salhvak ding le thapi hita puo’n a; himahleh, kei, Lalpa hi kumlekhuo a dingin na vak hi tâng ka ting; chun, na Pathien u chuh na lopi nau hita’n a.

ISAI 46:3

Aw Jakob insung mite leh Israel insung a nutsieh a um tawmchah te, gilpi apat a ka puok a, sûl apat a ka kipawlpihte haw, ka thu hi ngaithau in!

ISAI 41:8

“Himahlele, nanguh Israel te, ka suok Jakob haw, ka mi tel, ka guolpa Abraham suonte na hiu a.

ISAI 5:2

A lei a laichuop a, suonghaw chuh a hawm ngim a; grep kek phapente a phut a, huon lailung achun venbuk a sa a, zie chun grep thawkna khuk le a lai a grep tak gah dingin a kinem a, himahleh, grep lêm ngen a hung gah zaw ta a.

SAM LEHKHABU THE PSALMS 90:16

Na nasep chuh na sawntawlawi haw kawmah kilang hen la, Na lopina thilhih theihna chuh a chateu kawmah lang hen.

SAM LEHKHABU THE PSALMS 89:34

Ka thugawlh chuh susie puo’ng ka ting, Ka mûk a thu pawt chuh hih zatchuom diek puo’ng ka.

SAM LEHKHABU THE PSALMS 78:61

A hatna chuh sal in a mat saka, A lopina chuh melma khut ah a piedawk behlap a.

SAM LEHKHABU THE PSALMS 73:1

Pathien chuh Israel chungah ana pha ngêi ie, Lunggil a thiengtho te chung achun.

SAM LEHKHABU THE PSALMS 63:2

Khutichun, mun thiengtho a chun ka hun en zing sek kha, Na thilhih theihna leh na lopina mu dingin.

NEHEMIA 13:29

Aw ka Pathien, amau chuh hezing in, thiempu dinmun leh thiempu thugawlh leh Levi te thugawlh haw chuh a subuok tau hi.

DAN NIHNA 31:16

Chun, Lalpa’n Mosi kawma chun, “Ngaitie, na pilepute kienga ipmu ding na hi ta a, zie mite hi kipan untin, a va umna dingteu gama pathiente chung achun zawl ei saihsan intin un, ei ngaihsak puo’n tin un, amau tawh ka thuthun chuh bawtsie’n au.

DAN NIHNA 29:14

Zie kihâksielna leh thuthun hi nanguh kawm maia ka thun ahi puoh a,

DAN NIHNA 29:1

Ziehaw hi Horeb tânga a kawm u a thu a thun tihloh a, Lalpa’n Moab gama Israel suonte kawma Mosi thu a thun sak thuthun thu haw chuh ahi:

KISIMNA 7:89

Khutichun kihona puon-In a Lalpa hopih dinga Mosi a lut tieng leh, Thuthun bawm chunga zahngaihna chutphah chunglama Cherub te nih kikal apat chun amah hun hopih in aw chuh a za a, a hopih ta a.

PAWTDAWKNA 40:34

Tichun, kikhawp khâwmna puon-In chuh meipi’n a hun tuom mepmup mai ta a, tichun, hobuk chuh Lalpa lopina’n a hung dim ta a.

PAWTDAWKNA 34:27

Chun, Lalpa’n Mosi kawmah, “Zie thu haw hi zikin: zie bang thu haw hin ahi nang leh Israel te kawma thu ka gawlh chuh,” a ti a.

PAWTDAWKNA 12:25

Chun, hiti hi hi’n tin, Lalpa’n hun piek dinga a tiemna gama chuh na lut tieng u leh zie thupiek hi na zuih zing ding uh ahi.

THILSIEMBUL 32:28

Amah chun, “Na min chuh Jakob hita puo’n tin, Israel hizaw ta’n a; Pathien leh mihing na suol a, na zo ta ngâl a,” a ti a.

THILSIEMBUL 17:10

Chun, ziehi kei leh nang leh na nunga na suonte kikala ka thugawlh na zawp ding u chuh ahi na lak u a pasal taphawt chuh a zek na tan dinguh ahi.

THILSIEMBUL 15:18

Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:

ROME 3:2

Lam tina dingin a phachuom hi; a masapen in, Pathien in a thu haw chuh Judate kawmah a vawpsak masapen a.

DAN NIHNA 4:13

A thuthun na zuih ding u a thu a hun piek, Thu sawm piek chuh na kawm u ah a phuong a, suongpek nih ah a zika.

EZEKIEL 1:28

Guoh zuk ni a mei chunga sakhizozum kilat dân tawbang hi a kimvela vak kilat dân chuh ahi Ziehi Lalpa lopina kibatpih kilat dân chuh ahi. Chun, zie chuh ka muh in khupbawk in ka puk a, thugenpa aw ka za a.

2 KORINTH 11:22

Hebrai mi ahiu maw? Kei le ka hi. Abraham suonte ahiu maw? Kei le ka hi.

GALATI 3:16

Zie tawbang mah chun, tuhin le, Pathien in Abraham leh a suon kawmah thutiem a na nei hi. Pathien Lehkhabu’n mi tampi huop in, “Suonte” a ti puoh a, mi khat mai gen in, “Na suon kawmah,” a ti zaw ahi; zie mi khat tih umzie chuh, “Krista,” tihna ahi.

HEBRAI 9:5

Thingkuong chunga chun, Zahngaihna chutphah chuh a thau zak khum in, Cherub lopitak nih a um u a. Himahlele, zie thu haw chuh tuhin, a kip a kâwi in gen thei puoi tiu.

HEBRAI 9:6

Zie thil haw kiguonggalh dân chuh khutibang chuh a hung hi ta a. Thiempute chuh ni cheng leh, Puon-In tuoh tîl achun, zenvielna nasem dingin a lut sek uh a.