ROME 8:5 - PATHIEN LEKHABU THIENGTHO (BSI)

⁵ Phehlevo dana umte chun phehlevo lam thilte a lunggulh sek u a; thagau dana umte vang chun chuh thagau lam thilte a lunggulh sek ui.

ROME 8:5 ပူးပေါင်းရင်းမြစ်များ

1 KORINTH 2:14

Khawvel mi chun, Pathien Thagau lam thil haw chuh a lawp sek puou a, amah ngaih chun thil ngawlhuoi ahi a; Thagau a hetchil a hih ziekin a het theih loh him sek ahi.

JOHAN 3:6

Phehlevo a pieng ta, phehlevo a hi a, Thagau a pieng ta, thagau ahi.

ROME 8:9

Himahlele, Pathien Thagau nangmau a a um tak zet chun, phehlevo a um na hita puou a, Thagau a um na hi zawu hi. Amahvang chuh, kuole, Krista Thagau neilo chuh amah mi ahi puoi.

MARK 8:33

Himahleh, Isu chuh a kihei a, a sinsakte chuh a en a, Peter chuh a gai ta a, “Setan, ka nung ah chieh ah; na ngaihtuohna chuh Pathien apat a hung ahi puoh a, mihiem apat a hung ahi zaw ngâl a,” ti’n.

2 KORINTH 10:3

Khawvela cheng hi leuhing le, khawvel deih dana galdo I hi puou hi tih I he ngâl u a.

2 PETER 2:10

Taksa lama utchakna thanghuoi hihte leh, vaihawm sakna musitte vang chuh, Vaihawm Ni a dingin gawt kawma sit dân a he zawsem hi. Zie tawbang sinsaktu diklote chuh, ngawl hân leh amah kiletsakte ahiu a, chunglam lopina changte nasan le zahchâk lo in, a gensie zaw sek ui.

EPHESI 5:9

khawvak gahte chuh: phatna haw, diktatna haw leh thudik ahi.

1 KORINTH 15:48

Leia umte chuh, leia siem haw mel mah bang a puu a, van a umte chuh, van apat a hung mah bang khah ahi.

GALATI 5:17

Phehlevo hin, thagau dona lam a utcha sek a thagau inle phehlevo dona lam a utcha sek hi. Thil na hih nawp hawu chuh na hih theih lohna dingun, ziehaw chuh a kikalh sek ngâl u a.