ROME 8:3 - PATHIEN LEKHABU THIENGTHO (BSI)

³ Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

ROME 8:3 ပူးပေါင်းရင်းမြစ်များ

NASEPTE 13:39

kuole, a gingcha ta, bang chengah thiemchan sak in a um ui, ziehaw achun Mosi dân in thiemchan sak in na um thei puou hi.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

HEBRAI 10:14

Kithawihna thillat khat mai chun, gitlohna apat a sukthien sate chuh, kumlekhuo a dingin sukbukim in a um tau hi.

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

ROME 6:6

Ziehi he leuhing; I mihiem lui u chuh a mah tawh khetdên in a um ta a, gitloh puo sapum chuh sukmangthai a a um theihna dingin, tu a thak a gitloh suok a I um tâk loh na dingun.

GALATI 3:21

A hihloh leh, Dan chun Pathien thutiem haw chuh a dodal hi leh? Naisai lo e! Mi suhing thei Dan piek in um ta leh; zie Dan zawpna ziek chun mi, Pathien tawh kichama siem in um ta ding ahiu hi.

ROME 8:32

Amah chapa ngêi le sit lo a I bawn u a sika piepa chun. thil chengcheng le a thawn in ei pie tello ding ahi a ahim?

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

PHILIPPI 2:7

Mihiemte banga hung pieng in, suok tawbang in a kingainiem a, a mah leh amah a kisudawng zaw ta a.

HEBRAI 10:12

Krista chun vang, kumkhuo a dinga gitloh thawihna dinga set theih, kithawihna khat lân in, Pathien khut changlam ah a va chu zaw ta a.

HEBRAI 4:15

Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.

HEBRAI 2:17

Khutia chuh, mipite gitloh ngaihdam a hih theihna dinga, Pathien kawma a zenviel nasepna a chuh, Thiempu Lienpen, mi lainat thiem a hihna dingin, suohpihpa bang a hung um ahi zawi.

ROME 9:3

Ka suohpihte, phehlevo a ka chipihte sik in kei hi Krista kawm apat hansie dawl in um hiel leng ka ti ngâla.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 9:24

Khutichun, mitdûkpa chuh a vel sap kit u a, a kawmah, “Pathien pakchah! keihaw’n vang zie pa kha migilo a hi tih ka heu hi!” a tiu a.

MARK 15:27

Chun, amah tawh gucha nih, a changlam ah khat, a veilam ah khat a khêndên u a.

KISIMNA 28:22

chun, gitloh thawihna dingin kêlchal khat nanguh a dinga tatna hun siem sak dingin na lat dinguh ahi.

ROME 7:18

Keimah ah, (zie chuh ka phehlevo ah tihna ahi) thilpha him a um puoi tih ka hêi; thilpha hih nawpna chuh keimah ah a um na a, thilpha hihna vang chuh a um diek puoi.

KISIMNA 21:9

Khutichun Mosi chun sumeng gûl lim a siem a, khuom ah a khâi ta a; kuole, gûl chuk taphawt chun sumeng gul lim chuh a et u leh, a dam zel tau hi.