ROME 8:2 - PATHIEN LEKHABU THIENGTHO (BSI)

² Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

ROME 8:2 ပူးပေါင်းရင်းမြစ်များ

ROME 6:14

Gitlohna’n na chungu ah thu nei ding ahi ta puoh ngâl a, Dan vaihawmna nuoia um na hi ta puou a; lungsietna vaihawmna nuoia um na hi zaw ta ngâl u a.

2 KORINTH 3:17

Chun, “Lalpa” kiti hi Thagau ahi a, Lalpa thagau umna taka chun, chamtatna a um sek.

ROME 6:18

Gitloh suok apat pawt in, diktatna suokte na hung hi tau hi.

2 KORINTH 3:6

Amah mah chun thugawlh thak zenviel dingin ei butin sak a; dân lehkhathu mai hi zenviel ding hilo in, thagau lam zenviel dingin le ahi zawi. Lehkhathu mai chun a that sek a, thagau chun vang a suhing sek hi.

1 KORINTH 15:45

Zieziekchun, Pathien Lehkhabu’n, “Mihing masapen Adam chuh, hinna nei a siem in a um hi,” ti a a gen chuh; Adam nunung zaw chuh hinna piepa thagau chuh ahi.

JOHAN 8:36

Zieziekchun, Chapa’n ahun suohchak sak chun, suokcha tak tak un lau.

JOHAN 8:32

tichun, thutak hun heu in na tin uh, Thutak chun suok hun haihsak ina,” a ti a.

ROME 7:4

Khutichun, suohpihte, mi dang, Pathien lama I gah theihna dingun, mithi lak apat kaihthawhpa mawng khah na neih theihna dingun, Krista sapum vangin Dan lam ah suklup in na um tau hi.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

JOHAN 6:63

Hinna pietu chuh Thagau ahi a, mihiem thilhih theihna chuh bangmah a kân puoi. Na kawm u a ka thugen hi Thagau ahi a, chun, hinna le ahi.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

GALATI 5:1

Suok hilo dinga Krista’n ei pawtsak tâk ziekin, ding det unla suok namkawl a chun tâng kit ta kiu!

GALATI 2:19

Dan thupiek tawh kisai lam thil himhim achun, kei ka thi ta a; Dan thupiek mah chun ei suklup ahi tai, ti a chuh, Pathien ding maia ka hin zawk theihna dingin.

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

ROME 7:21

Khutichun, Dan chuh bang ahih ka he ta a; thilpha hih ka nawp lai in, gitlohna ka kawmah ahung um sek hi.

SAM LEHKHABU THE PSALMS 51:12

Nei hukdam kipahna chuh ei pie kit inla, Thagau thunuom in ei tuzing in.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

ROME 3:27

Ahih leh, kisuonna ding khawi ah a um hi? Pawlam a khâk khum in a um tai. Bang dân in ahi die leh? Thilhih dân in ahi die? Hilo e; taksanna dân in ahi zawi.

THUPHUON 11:11

Chun, ni thum leh a kim nung chun, Pathien apat a hinna hu chuh a sung u ah a lut a, tichun a ding dawk uh a, a mu taphawtte chun a lau mah mah tau hi.

ROME 7:23

Himahleh, ka sapum kahaw ahin dân lamdang tak a um tih ka hêi, zie chun ka lungthim in pha a sak dante chuh a do sek hi. Tichun, gitlohna dân, ka sapum kahaw a nasem sek kawm achun suok in ei pui sek hi.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

ROME 16:3

Prisilla leh Akuila, Krista Isu a ka naseppih, ka hinna hûkbitna dinga ngâwng dawh phalte nih kha.

GALATI 6:2

Na puokgik hawu chuh kidawntuoh un, khutichun, Krista Dan thu chuh zawp hi’n lau.

JAKOB 1:25

Himahlele, kuole, dân bukim, mite suohchak sak sek chuh guntaka en a, nasa taka ngaihsak a, ngaitha maimai hi a, hengilh pai zieng lo a, a tak taka hih sek pa chuh, zie pa mawng chuh a thilhih taphawt achun Pathien in vangsak zel ina.

EZEKIEL 1:21

Khutichun, thilhingte a chieh tieng uh ahim, a din tieng uh ahim, lei apat a dawpkanga a um tieng u leh kangtalai keng haw chule khutichun a um sek ui, thilhingte thagau chuh kangtalai keng haw achun a um ngâl a.