ROME 7:8 - PATHIEN LEKHABU THIENGTHO (BSI)

⁸ Himahlele, gitlohna’n thupiek ziek chun hun lemchâng mu’n, ka sung ah awhchâkna tin cheng a umsak a. Dan lo chun gitlohna chuh a thi ahi.

ROME 7:8 ပူးပေါင်းရင်းမြစ်များ

ROME 7:11

Gitlohna’n thupiek vang chun hun lemchâng a mu a, tichun, ei thêm ta a; thupiek chuh mang in ei suklup ahi tai.

1 KORINTH 15:56

Thihna gu chuh gitloh ahi a; gitloh thilhih theihna chuh, Dan thu chuh ahi.

ROME 4:15

Dan chun lungnatna a siem sek ngâl a; himahleh, Dan um lohna chun sukkhelhna le a um puoi.

ROME 7:13

A hih leh, thilpha chun kei dingin thihna ahun tun ahi leh? Naisai lo e. Gitlohna chuh kei dingin thihna ahung hi zaw ta a; gitlohna chuh gitlohna ahi tih a lat theihna dingin, thilpha chuh mang in ei suklup zawk ahi. Khutichun, thupiek chuh mang in, gitlohna chuh gitlohna nasatak ahi tih a hun sulang zaw tai.

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

JOHAN 15:22

Kei a kawm u a hunga thu gen lo hi leng, gitloh nei lo ding ahiu a; tu’n vang chuh a gitlohnau ah paulap ding a nei ta puou hi.

ROME 7:17

Zieziekchun, ka thilhih hi keimah hih ahi puoh a, gitlohna keimah a um hin a hih ahi zawi.

JOHAN 15:24

Thil kuomah hih khâk loh cheng a kawm u ah hih kileng, gilo a thiemmawh kichanna nei lo ding ahiu a, tu’n vang chuh, amau in kei leh Pa chuh ka nih un ei mu tau a, hawt le ei haw a hi tau hi.

MARK 7:22

gukchakna te, awhchâkna te, nunsiette, kidawhabawlna te, hûkna te, mitthîpna te, gensietna te, kiletsaknate, ngawlna te, a hung pawt ngâl a;

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

ROME 7:9

Keimah ngêi le, makhan danlo in ka hing a, himahlele, thupiek chuh a hung um phetin, gitloh chuh a hung halh a, kei chuh ka thi ta a.