ROME 7:7 - PATHIEN LEKHABU THIENGTHO (BSI)

⁷ Banga I gen tâk dinguh? Dan chuh gitloh ahim leh? Naisai lo e. Himahlele, Dan chuh gitloh ei hetsak ahi zawi. Dan chun, “Awtcha kih” ti kileh, awhchâk hi helo ding ka hi ngâl a.

ROME 7:7 ပူးပေါင်းရင်းမြစ်များ

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

PAWTDAWKNA 20:17

“Na vengte In na awhchâk ding ahi puoh a, na vengte zi na awhchâk ding ahi puoi, a suokpa ahim, a suoknu ahim, a bâwngchal ahim, a sabiltung ahim, na vengte a himhim chuh na awhchâk ding ahi puoi,” ti’n.

ROME 4:15

Dan chun lungnatna a siem sek ngâl a; himahleh, Dan um lohna chun sukkhelhna le a um puoi.

1 KORINTH 15:56

Thihna gu chuh gitloh ahi a; gitloh thilhih theihna chuh, Dan thu chuh ahi.

DAN NIHNA 5:21

“ ‘Na invengte zi na awhchâk ding ahi puoh a, na invengte In ahim, lo ahim, suokpa ahim, suoknu, bâwngchal ahim, sabiltung ahim, na invengte thil bangmah na awhchâk ding ahi puoi,’ ti’n.

ROME 13:9

Zie thupiek, “Zawlsai kih, tuolthat kih; gucha kih, awtcha kih,” tih leh thupiek dang na um himhim haw hih, “Nangmah na kihehpih guolin na vengte na hehpih ding ahi,” tih hin a khaikhawm vek ngâl a.

ROME 7:8

Himahlele, gitlohna’n thupiek ziek chun hun lemchâng mu’n, ka sung ah awhchâkna tin cheng a umsak a. Dan lo chun gitlohna chuh a thi ahi.

1 THESSALONIKA 4:5

Pathien hephalo, Jentel te banga, utchakna thanghuoia kipie lo in.

ROME 3:5

Himahlele, I diktat lohnau hin Pathien diktatna a suklat hawih zawk diek chun banga I gen dinguh? Pathien in mi a gawt hin, mi diktatlo ahi a ahim? (Mihiem dân guola ka gen ahi.)

KOLOSSA 3:5

Khutichun, na sapum kahawu, leia um haw hi sulum un: kideihchakna haw buokna haw, hûkna haw, gitloh lungveina haw, huoihamna haw, (huoihamna chuh milim hona ahi ngâl a);

EPHESI 5:3

Himahlele, nanguh Pathien mipite na hi tau a, zieziekchun, kideihchak leh buokna chengcheng, huoihamna tawh, na laku ah gen le kigen puok kihe’n.

ROME 7:13

A hih leh, thilpha chun kei dingin thihna ahun tun ahi leh? Naisai lo e. Gitlohna chuh kei dingin thihna ahung hi zaw ta a; gitlohna chuh gitlohna ahi tih a lat theihna dingin, thilpha chuh mang in ei suklup zawk ahi. Khutichun, thupiek chuh mang in, gitlohna chuh gitlohna nasatak ahi tih a hun sulang zaw tai.

ROME 7:11

Gitlohna’n thupiek vang chun hun lemchâng a mu a, tichun, ei thêm ta a; thupiek chuh mang in ei suklup ahi tai.

ROME 7:5

I mihinnau ngeina dana I hin lai u khan, Dan chun gitloh utchakna te hun chawktho in, I taksau ahin a hun sem a, tichun, thihna nasem ding chun I na phachuom mah mah sek uh ahi.

ROME 6:15

Bangti’n ahi ta die leh? Dan vaihawmna nuoia um I hih loh u a. lungsietna vaihawmna nuoia um I hih zawk ziek u hin I gitloh dinguh ahi dem? Naisai lo e;

ROME 4:1

A hih leh, Abraham, phehlevo dana ei uh ei suonpa chun, bang a mûi I ti ding u le?

NASEPTE 20:33

Kuomah dangka le, sana le, silhlechen le ka awtcha ngei puoh kha.

LUKE 12:15

Chun, a bawn u a kawm achun, “Chingthei unla, awhchâkna himhim laka chun kivengphau un; sum hauh hi mihiemte hin lawh pên ahi puoh ngâl a,” a ti a.

MATTHAI 5:28

Ken chuh, ‘Kuole numei zawl mit a en ta chuh, lunggil in zawl a sai tai,’ tih ka hun hilh na hiu hi.

MIKA 2:2

Mi lo haw a awtchau a, a lâksak u a: In haw a awtchau a, a la mang zieng u a, mi leh a In teu leh, a go luoh ding teu natieng in a sugimthei uh ahi.

SAM LEHKHABU THE PSALMS 119:96

Phatbukimna chengcheng tawpna chu ka mu ta a; Ahi, na thupiek chuh a lopi mah mah hi.

2 SAMUEL 11:2

Chun, hiti hi a hi a, nitâk ni nem chun a zâlkhun apat David a tho a, leng In chungah a va vak viel a: chun, In chung apat chun numei khat kisil lai chu a vak mu a; zie numei chu melhawih tak ahi a.

JOSHUA 7:21

Gâllâk laka van Babulon gam puon phatak leh, dangka sekel zanih leh, sana tang sekel sawmnga bûk ka mu a, ka deih bêka ka na la ta mai hi; ngaitie, ka puon-In sunga lei a selguk ahi a, a nuoi ah dangka chuh a um hi,” a ti a.

THILSIEMBUL 3:6

Tichun, numei chun thinggah chuh nek tuok tak ahi tih leh mitla tak leh duhchak um tak, misuching thei ahi tih a het phet chun, agah chuh a lo a, a ne ta a, a pasal le a pie a, amah chun le a ne ta a.

LUKE 20:16

“Hung intin, a ngakte chuh that intin, a grep huon chuh huon ngak dangte kawmah pie’n a,” a ti a. Mipite chun zie chuh a zak phet un, “Ziehaw lâwm lâwm chuh tung kihen!” a tiu a.

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

HEBRAI 7:19

Mosi Dan chun bangmah sukbukim theih him a nei puoh ngâl a. Tuhin vang chuh Pathien I naih zawk theihna dingun, kinepna phazaw chuh piek in I um tau hi.