ROME 7:5 - PATHIEN LEKHABU THIENGTHO (BSI)

⁵ I mihinnau ngeina dana I hin lai u khan, Dan chun gitloh utchakna te hun chawktho in, I taksau ahin a hun sem a, tichun, thihna nasem ding chun I na phachuom mah mah sek uh ahi.

ROME 7:5 ပူးပေါင်းရင်းမြစ်များ

EPHESI 2:3

Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.

GALATI 5:24

Chun, Krista Isu a umte chun, phehlevo chuh, a gitloh ngaihtuohna leh a utchakna pum in a khêndên tau hi.

GALATI 3:10

Dan thilhih a kinga taphawtte chuh, hansie nuoia um ahi “Dan Lehkhabu a kizik chengcheng zawp lo taphawt chuh, hansie nuoia um ahiu hi!” tih zik ahi ngâla.

ROME 6:13

Na sapum bâkkaiteu le diktatlohna hiem mata dingin gitlohna kawmah pie phal diek kiu in. Zieziekchun, mithi lak apat a hing kit guolin, Pathien kawmah kipieu inla, na sapum bâkkaiteu chule diktatna hiem mat dingin Pathien kawmah pie phal zawu in.

ROME 6:21

Tu a na thil zahpih hawu ahin, zielai khan gah bang ahim na muh sek uh leh? Zie thil haw tawpna khah thihna ahi sek a puo.

1 JOHAN 3:4

Kuole, thil sukhiel ta’n, dân le a sukhiel sek hi; gitloh hi dân suksietna ahi ngâl a.

KOLOSSA 3:5

Khutichun, na sapum kahawu, leia um haw hi sulum un: kideihchakna haw buokna haw, hûkna haw, gitloh lungveina haw, huoihamna haw, (huoihamna chuh milim hona ahi ngâl a);

1 KORINTH 15:56

Thihna gu chuh gitloh ahi a; gitloh thilhih theihna chuh, Dan thu chuh ahi.

JAKOB 4:1

Na lak uh a kidona leh kinakna haw hi khawi apat a pawt sek a hi? Na sapum kahawu laka, kidona siem sek, nangmau haw utlam haw apat hung pawt sek hilo maw?

JAKOB 1:15

Tichun, utna chun no a hun vawp a, gitloh a hun hing sek a; gitloh chuh a hung let tieng leh, thihna a hing sek hi.

TITA 3:3

Ei uh le makhan ngawl tak leh thu a nung lo leh, diklo I hiu a. Utchakna leh, nawpna tincheng suok a um I hiu a. I hinkhuou chuh mi muhdahna leh itthikna’n I mang uh a; mi dangte’n ei hawu a, ei un le mi dangte I hawt kit uh ahi.

EPHESI 2:11

Zieziekchun, nanguh, pienphunga Jentel te, phehlevo a zek tan a, amau leh amau Zektan, kiti Judate’n, “Zektan loh” a hun tih teu haw, na malai umdan teu kha hezing un.

ROME 7:23

Himahleh, ka sapum kahaw ahin dân lamdang tak a um tih ka hêi, zie chun ka lungthim in pha a sak dante chuh a do sek hi. Tichun, gitlohna dân, ka sapum kahaw a nasem sek kawm achun suok in ei pui sek hi.

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

ROME 6:19

(Na phehlevo uh hatlohna ziekin, mihing dân in thu ka gen ahi); na sapum kahawu chuh pawlhchehna kawm leh, sukkhelhna dingin, sukkhelhna kawma suok a na piek phal guol u khan, tuhin, na sapum kahawu chuh thienthona dingin, diktatna kawmah suok in pie phal un.

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

ROME 4:15

Dan chun lungnatna a siem sek ngâl a; himahleh, Dan um lohna chun sukkhelhna le a um puoi.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

ROME 1:26

Zieziek hin, Pathien in zahhuoi taka a hûk uh phal in, a nungngat a; a numei teu nasan inle, a numei pienpih u chuh ngeina danlo guola um dingin a kihihlamdang u a;

JOHAN 3:6

Phehlevo a pieng ta, phehlevo a hi a, Thagau a pieng ta, thagau ahi.

MATTHAI 15:19

Lunggil a hin ngaihtuoh na gilo haw, tuolthahna haw, zawlsaihna haw, kideihchakna haw, gukchakna haw, kiheksietna haw, kigensietnahaw a hung pawt sek ngâl a.

2 KORINTH 10:3

Khawvela cheng hi leuhing le, khawvel deih dana galdo I hi puou hi tih I he ngâl u a.