ROME 7:23 - PATHIEN LEKHABU THIENGTHO (BSI)

²³ Himahleh, ka sapum kahaw ahin dân lamdang tak a um tih ka hêi, zie chun ka lungthim in pha a sak dante chuh a do sek hi. Tichun, gitlohna dân, ka sapum kahaw a nasem sek kawm achun suok in ei pui sek hi.

ROME 7:23 ပူးပေါင်းရင်းမြစ်များ

GALATI 5:17

Phehlevo hin, thagau dona lam a utcha sek a thagau inle phehlevo dona lam a utcha sek hi. Thil na hih nawp hawu chuh na hih theih lohna dingun, ziehaw chuh a kikalh sek ngâl u a.

JAKOB 4:1

Na lak uh a kidona leh kinakna haw hi khawi apat a pawt sek a hi? Na sapum kahawu laka, kidona siem sek, nangmau haw utlam haw apat hung pawt sek hilo maw?

ROME 8:2

Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

ROME 6:19

(Na phehlevo uh hatlohna ziekin, mihing dân in thu ka gen ahi); na sapum kahawu chuh pawlhchehna kawm leh, sukkhelhna dingin, sukkhelhna kawma suok a na piek phal guol u khan, tuhin, na sapum kahawu chuh thienthona dingin, diktatna kawmah suok in pie phal un.

ROME 7:25

Isu Krista, I Lalpau vangin, Pathien kawmah kipahthu ka gen hi. Khutichun, keimah mawng in ka lungthim in, Pathien Dan na ka sem sek a, ka phehlevo vang chun gitlohna dân na ka sem sek hi.

1 PETER 2:11

Deihtakte, malzin leh khuolzin na hih ziekuh hin, thagau do sek pa phehlevo utnate hi haihsan dingin ka hun nget na hiu hi.

HEBRAI 12:4

Gitloh do in, thisan pawt khawp in na pang puou a,

ROME 7:21

Khutichun, Dan chuh bang ahih ka he ta a; thilpha hih ka nawp lai in, gitlohna ka kawmah ahung um sek hi.

ROME 7:5

I mihinnau ngeina dana I hin lai u khan, Dan chun gitloh utchakna te hun chawktho in, I taksau ahin a hun sem a, tichun, thihna nasem ding chun I na phachuom mah mah sek uh ahi.

ROME 6:13

Na sapum bâkkaiteu le diktatlohna hiem mata dingin gitlohna kawmah pie phal diek kiu in. Zieziekchun, mithi lak apat a hing kit guolin, Pathien kawmah kipieu inla, na sapum bâkkaiteu chule diktatna hiem mat dingin Pathien kawmah pie phal zawu in.

THUGENPA 7:20

Khawvela hin kuomah thil sukkhelh nei kha lo a, thilhih dik zing a um puoi.

SAM LEHKHABU THE PSALMS 142:7

Na min ka pahchak theihna dingin, ka hinna hi suongkul apat in la dawk inla; Tichun, mi diktatte chun ei ûmkimvel un tin; Ka chunga na phatna kiting tak ziek chun.

ROME 7:14

Dan chuh thagau lam thil ahi tih I he ngâl u a, kei vang chuh, phehlevo lama mi, gitloh suok a khawtsa ka hi.

JAKOB 3:2

I bawnchau in thil tamtak chuh, I na sukhiel sek uh a. Himahlele, kuo’n le, thugen lama a sukkhelh loh chun, zie pa chuh a kikhantit a hi a, a sapumpi huitup thei mi le ahi.