ROME 7:11 - PATHIEN LEKHABU THIENGTHO (BSI)

¹¹ Gitlohna’n thupiek vang chun hun lemchâng a mu a, tichun, ei thêm ta a; thupiek chuh mang in ei suklup ahi tai.

ROME 7:11 ပူးပေါင်းရင်းမြစ်များ

THILSIEMBUL 3:13

Chun, Lalpa Pathien chun numei kawm achun, “Na thilhih hi bangti dân ahi ta?” a ti a. Numei chun, “Gûl in ei thêm a, ka na nek ahi,” a ti a.

ROME 7:8

Himahlele, gitlohna’n thupiek ziek chun hun lemchâng mu’n, ka sung ah awhchâkna tin cheng a umsak a. Dan lo chun gitlohna chuh a thi ahi.

HEBRAI 3:13

“Tuni,” a tih sung u hin, ni chengin kitîlkhoh tuoh zing zawu in, khutilochun, na lak uh a khatto hi, gitloh thepthak a, lungkhauh deuh deuh hung um kha’n lau.

JAKOB 1:26

Kuole, sakhuo khawksak a kingai a, a lei hup zo sam lo a, amah kithem zaw chuh, zie pa sakhuo ho dân chuh mawk mai ahi.

JAKOB 1:22

Himahlele, nangmau kithem in, a ngaithate mai hilo in, a thu zawpte hung hi zawu in.

ROME 7:13

A hih leh, thilpha chun kei dingin thihna ahun tun ahi leh? Naisai lo e. Gitlohna chuh kei dingin thihna ahung hi zaw ta a; gitlohna chuh gitlohna ahi tih a lat theihna dingin, thilpha chuh mang in ei suklup zawk ahi. Khutichun, thupiek chuh mang in, gitlohna chuh gitlohna nasatak ahi tih a hun sulang zaw tai.

JEREMIA 49:16

Na lauh-umna chuh thepna ahi a; lunggil a na chapo na chuh, Aw nang, kâwl sang chunga suong kal a tângsip a cheng sek; mupi guol in na bu chuh sang takin sieh mahleh chin, zie apat chun hun latha tho tho ding ka hi, tih hi Lalpa kamsuok ahi.”

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

ISAI 44:20

A vutte chuh na ne a, na ngawl dân chuh, na ngawl taluo a, panpih theih nei puoi. “Ka khuta milim pathien ka chawih hi pathien ei hiel puoi,” na ti nuom diek puoi.

EPHESI 4:22

Khutichun, malai a na umdan uh mihiem lui, a milem utna zieka sie deuh deuh kha hâwk dawk unla,

OBADIA 1:3

Aw nang, suongpi kek kal a cheng a, mun sang luohpa; ‘Kuo ahim leia ei luoi tha ding?’ Lungthima tipa, na lunggil uonna chun thepa um na hi tai.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.