ROME 6:4 - PATHIEN LEKHABU THIENGTHO (BSI)

⁴ Zieziekchun, a thihna a baptistma I chanu’n, a mah tawh vuih in I um tau a; Pa lopina’n mithi lak apat Krista a kaihthawh guol khan, ei u le hinna thak a I um theihna dingun.

ROME 6:4 ပူးပေါင်းရင်းမြစ်များ

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

KOLOSSA 3:10

Mihiem thak chun na kivan ta ngâl u a. Zie mihiem thak chuh hetna bukim nei dingin, a siempa mah banga siem thak a um a hii.

ROME 7:6

Tuhin vang chuh, ei uh ei na tupa, Dan chuh thihsan in, I suokcha tau a. Lehkhazik lui mai banga nasem lo in, Thagau thak in I sem zaw tau hi.

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

ROME 6:9

Krista chuh mithi lak apat kaihthawh in a um a, thi kit ta puo’n a tih I he ngâl u a; thihna chun amah chungah thu a nei ta puoh ngâl a.

2 KORINTH 13:4

Amah chuh zawnkhalna ziekin, kross chungah khetdên in um mahleh, Pathien thilhih theihna ziekin a hing kit ta ngâla. Amah tawh pumkhata um in, kei u le ka hât puou a; himahleh, nang haw tawh kalthu achun Pathien thilhih theihna zieka, a hinna kikawppih dingte I hi ngâl u a.

ROME 6:3

Ei uh Krista Isu tawh pumkhata baptistma chang ta cheng chun, a thihna ah baptist in I um ui tih he lo na hiu maw?

1 JOHAN 2:6

“Pathien tawh pumkhat in ka um hi,” ti pên chuh, Krista um bang bangin a um ding ahi.

1 KORINTH 6:14

Pathien in, thihna apat Lalpa chuh a kaitho ta a, chun, ei u le a thilhih theihna’n ei kaitho ina.

ROME 8:11

Himahlele, mithi lak apat a Isu kaitho kit pa, Pathien Thagau chuh nangmau a um Thagau zal chun, na sapum uh thi theite chuh suhing ina.

EPHESI 4:17

Khutichun, Lalpa min in ka hun vauhilh na hiu hi: Jentel te chuh lungthim manloh pua a um bangun um ta kiu inla,

ROME 6:19

(Na phehlevo uh hatlohna ziekin, mihing dân in thu ka gen ahi); na sapum kahawu chuh pawlhchehna kawm leh, sukkhelhna dingin, sukkhelhna kawma suok a na piek phal guol u khan, tuhin, na sapum kahawu chuh thienthona dingin, diktatna kawmah suok in pie phal un.

JOHAN 11:40

Isu’n a kawmah, “Na ginchak chun, Pathien lopi zie mu’n la ka hun ti hilo ahim?” a ti a.

NASEPTE 2:24

Amah chuh Pathien in thihna kânna haw chuh a phel sak a, a kaitho ta a; amah chuh thihna tuk den guol a hih loh ziekin.

KOLOSSA 4:1

Lawiupate haw, nangun le van ah lawiupa na nei ui tih he’n, na suokteu chungah a thutak leh a kilawm hun phetin hih un.

EPHESI 5:8

Ma khan khawthim na hiu a, tuhin vang chuh Lalpa achun khawvak na hung hi tau hi. Khutichun, khawvak chate banga na um dinguh ahi;

JOHAN 2:11

Isu’n, zie a thilmak hih kipatna hi, Galili gam Kana khuo achun a hih a, a lopi zie a latsak a; tichun, a sinsakte’n a gingcha tau hi.

NASEPTE 2:32

Zie Isu chuh Pathien in thihna apat in a kaitho ngêi a, zie thudik hetpihte chuh I bawnchau hin I hiu ui.

ROME 6:8

Chun, Krista tawh I thih khawm tâk ngâl u chun, amah tawh hing khawm hitiu tih I gingcha ngâl u a.