ROME 5:9 - PATHIEN LEKHABU THIENGTHO (BSI)

⁹ Khutichun, a thisana thiem chansaka I um tâk nung u hin, amah vang chun Pathien lungnatna apat chun hukdam in um ngêi hitiu.

ROME 5:9 ပူးပေါင်းရင်းမြစ်များ

1 THESSALONIKA 1:10

A Chapa, mithi lak apat a kaih thawh. Pathien lungnat hungtung ding apat a ei hukdawk pên, a Chapa Isu, van apat a a hung ding na ngak uh a gen sausau uh ahi.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

EPHESI 2:13

Himahlele, tuhin, Krista Isu achun, nanguh gamla taka umte khah, Krista thisan chun hih naih in na hung um tau hi.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

ROME 5:1

Zieziekchun, taksanna zieka thiemchang I hih tâk ziekun, I Lalpau Isu Krista vangin Pathien tawh kicham I hitau hi.

ROME 1:18

Thutak, takkhanlo taka dalte, Pathien khawksak lohna leh, takkhanlohna chengcheng chung achun, van apat in Pathien lungnatna hung kilak ahi;

HEBRAI 9:22

Tichun, Dan thu vangin, thil chengcheng chuh thisana sukthien in a um sek a, thisan mang lo in, gitloh ngaihdamna himhim a um puoh ngâl a.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

ROME 8:30

Chun, a guotlawkte chuh a sama, chun, a sapte chuh thiem le a chansaka, chun thiem a chansakte chuh a limbawl hi.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

EPHESI 2:3

Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.