ROME 5:2 - PATHIEN LEKHABU THIENGTHO (BSI)

² Amah ziek mah chun, zie lungsietna a I din detnau ahin, taksanna’n I lut tau a; Pathien lopina kinem in kipâkin um hitiu.

ROME 5:2 ပူးပေါင်းရင်းမြစ်များ

EPHESI 2:18

Chun, Krista ziek mai in ahi, I bawn u a, Juda le, Jentel le, Thagau munkhata Pa kawma lut theihna I neih chiet tak uh hi.

EPHESI 3:12

Krista tawh pumkhata um in, amah I taksanna ziek u chun, nelna leh ngam tak a Pathien kawma lut theihna chuh I nei tau hi.

1 KORINTH 15:1

Chun, suohpihte, tuhin, Chanchin Pha na kawm u a ka gen, zie chuh na na lawp u a; ginna det taka na dinnau ngêi khah hun hetsak kit ka nawp ahi.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

ROME 12:12

Kinepna lam u achun kipâk takin um unla; gimtheih thuokna lam achun, thuokhat takin um unla; pauchamna lam achun paucham tuntun un la,

HEBRAI 3:6

Krista vang chuh, Pathien inkawte laka Chapa taksanum ahi. A inkawte chuh eimau haw hi I hiu a, a tâwp chana I hansannau leh, I kinepnau leh I suonnau hi dettaka I tukchak phawt u chun.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

JOHAN 10:9

Kei kawtkhak chuh ka hi. Kuole, keimah a lut ta chuh, humbit in um intin, lut in pawt intin, nek ding le kimuh ina.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

SAM LEHKHABU THE PSALMS 17:15

Ken vang chuh diktatna nei in na mel mu’ng ka ting: Nang mah batna nei a ka thawh dawk tieng le chuh lungkim kei ta’ng ka.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

ROME 5:5

Thagau thiengtho I kawm u a ei piek khan, Pathien hehpihna chuh I lunggil u a a sunthak tâk ziekin, zie kinepna chun ei sulungkham puoi.

ROME 3:23

Mi chengcheng in thil a hih gilo vek tau a, Pathien lopina châng zo lo ahi tau hi.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 10:7

Khutichun, Isu’n a kawm u ah a gen kit a, “Tihtakzet, tihtakzet in ka hilh na hiu hi: Kei hi belam kawtkhak chuh ka hii.

SAM LEHKHABU THE PSALMS 73:24

Nangin na lemguotna’n ei pui in na tin, Zie nung chuleh lopina a chun ei pui ding na hi.

THUPHUON 21:11

Pathien lopina a vak hi ei etsak a. A vak zie chuh, khisuong mantam pên Jasper suong tawbang, krustal suong banga val hi ahi.

THUPHUON 3:21

A zo tacheng ka lalchutphah chungah ka changlam ah chut sak ing ka, ken le ka zawh a, ka Pa kawma lalchutphah a ka chut guol khan.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

ROME 8:24

Zie kineppih dinga chuh hukdama um I hiu hi, himahlele, muh theih zing kinepna hi kinepna dik ahi puoi. Mi’n a muh zingsa chuh, bangti’n a a na kinep theih ding?

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

MATTHAI 25:21

A pu chun a kawmah, ‘Suok pha leh taksanum, na hih pha ie; tawmchah chungah taksan na um in, tamtak chungah hun um sak ing ka, na pu kipahna ah lut ah,’ a ti a.

EPHESI 6:13

Zieziekchun, ni phalo chuh a hungtun phat leh, na do zawhna dingun leh, na hih zawh suok kêi nung u ale, na din theihna dingun, Pathien gâlvan bukim chuh kilak un.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

ROME 14:4

Mi dang suokte chunga vaihawm dingin, kuo na hi a ahi? A din leh a puk chuh a pu thu ahi ngâl a. Himahlele, amah chuh dinsak in um ina, Lalpa chun a dinsak thei ngâl a.

THUCHINGTE 14:32

Migilo chuh a thil hihkhelh achun paih lut in um intin, himahleh mipha chun vang a thihna achun kinepna a nei sek hi.

HABAKKUK 3:18

Lalpa achun kipâk zel ing ka ting ka hukdamna Pathien achun kipâk takin um zel ing ka.

ROME 11:20

Ahi, a ginchak loh ziekun sukbawt in a um u a, nang na taksanna vangin na hing ahi.