ROME 5:18 - PATHIEN LEKHABU THIENGTHO (BSI)

¹⁸ Khutichun, khat sukkhelh ziekin, mawhchansakna vaihawmna chuh mi chengcheng chungah a hung um a; khutibang mah chun, khat diktat ziekin, hinna muh na’n, thiem chansakna thil thawnpiek chuh mi chengcheng chungah a hung um tai.

ROME 5:18 ပူးပေါင်းရင်းမြစ်များ

1 KORINTH 15:22

Adam a chuh, mi chengcheng a thih guol un, Krista a chun mi chengcheng sukhin a um ahi tai.

ROME 5:12

Khutichun, mi khat ziekin gitloh khawvel ah a lut a, chuleh, gitloh ziekin thihna a lut a; khutibang mah chun, mi chengcheng in thil a na sukkhelh tâk ziekun, thihna’n mi chengcheng a zel suok ta a.

ROME 5:15

Himahlele, thil thawnpiek chuh gitlohna tawh akibang kit puoi. Mi khat gitloh zieka bawn, mi tamtak a na thih u chun, Pathien lungsietna leh mi khat, Isu Krista lungsietna vanga thilpiek chuh mi tamtak chungah vuk in um ngêi ina.

ROME 5:19

Mi khat sukmawh ziek khan mi tamtak chuh migilo a hung hi tau a; khutibang mah chun, mi khat thu awih ziek khan mi tamtak chuh diktat hung hi’nau.

NASEPTE 13:39

kuole, a gingcha ta, bang chengah thiemchan sak in a um ui, ziehaw achun Mosi dân in thiemchan sak in na um thei puou hi.

HEBRAI 2:9

Himahlele, Isu chuh, Pathien hehpihna zieka mitin a dinga thi a hih theihna dingin, chawmkhat sung maia dingin vânsâwlchâkte sanga nuoinung zaw deuha siem in I muu hi. Tuhin vang chuh, thihna thuokna zieka lopina leh limbawlna lallukhuk chuh khuk saka um in I mu zaw tau ahi.

ROME 4:25

Isu chuh I gitloh ziekun thah in a um a, thiem I channa dingun kaihthawh in a um ta ngâl a.

JOHAN 1:7

Zie pa chuh vak thu hetsak dingin a hung a; amah vanga mi cheng cheng in a het u a, a ginchak theihna dingun.

JOHAN 12:32

Chun, kei lei apat a khaihkang a ka um chun, mi chengcheng ka kawmah hîp vek ing ka,” a ti a.

1 JOHAN 2:20

Krista apat in Thagau Thiengtho thau nuhna chuh na chang uh a, zieziekchun, na bawn un thudik chuh na he tau hi.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

JOHAN 3:26

Khutichun, Johan kawmah a chieh u a, a kawmah, “Rabbi, Jordan gala na kawma um, a thu nei hetsak khan ngaitie, zie pa khan mi a baptist a, mi chengcheng a kawmah a hung ui,” a tiu a.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

ROME 6:14

Gitlohna’n na chungu ah thu nei ding ahi ta puoh ngâl a, Dan vaihawmna nuoia um na hi ta puou a; lungsietna vaihawmna nuoia um na hi zaw ta ngâl u a.