ROME 5:16 - PATHIEN LEKHABU THIENGTHO (BSI)

¹⁶ Chuleh, thilpiek chuh mi khat gitloh zieka thil hung um tawh le akibang kit puoi; mawhchansakna vaihawmna chuh mi khat ziekin a hung um a, thiemchansakna thil thawnpiek vang chuh, gitloh tamtak ziekin a hung um zaw ta ngâl a.

ROME 5:16 ပူးပေါင်းရင်းမြစ်များ

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

JAKOB 2:10

Kuo’n le, Dan zawp kim mahleh, thu khata a sukkhelh chun, a bawncha a mawhchang a um a hih tho ziekin.

GALATI 3:10

Dan thilhih a kinga taphawtte chuh, hansie nuoia um ahi “Dan Lehkhabu a kizik chengcheng zawp lo taphawt chuh, hansie nuoia um ahiu hi!” tih zik ahi ngâla.

1 KORINTH 11:32

Himahlele, vaihawm saka I um un le; khawvel mite tawh mawhchang a I um khawm lohna dingun, Lalpa thunun in I um sek ui.

MATTHAI 6:14

“Mi a sukkhelhnau na ngaihdam u chun, na Pau van a um inle hun ngaidam ina.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

KISIMNA 7:15

Hâlmang thillat dingin bâwngchal tuoi khat, belamchal khat, belamno achal kum khata upa khat,