ROME 5:12 - PATHIEN LEKHABU THIENGTHO (BSI)

¹² Khutichun, mi khat ziekin gitloh khawvel ah a lut a, chuleh, gitloh ziekin thihna a lut a; khutibang mah chun, mi chengcheng in thil a na sukkhelh tâk ziekun, thihna’n mi chengcheng a zel suok ta a.

ROME 5:12 ပူးပေါင်းရင်းမြစ်များ

ROME 5:19

Mi khat sukmawh ziek khan mi tamtak chuh migilo a hung hi tau a; khutibang mah chun, mi khat thu awih ziek khan mi tamtak chuh diktat hung hi’nau.

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

ROME 3:23

Mi chengcheng in thil a hih gilo vek tau a, Pathien lopina châng zo lo ahi tau hi.

JAKOB 1:15

Tichun, utna chun no a hun vawp a, gitloh a hun hing sek a; gitloh chuh a hung let tieng leh, thihna a hing sek hi.

THILSIEMBUL 2:17

Himahleh, asie leh apha hetna thinggah vang hi chuh na nek loh ding ahi; na nek a ahih chun, na nek ni ni leh thi ngêi ngêi ding na hi,” ti’n thu a pie a.

SAM LEHKHABU THE PSALMS 51:5

Ngaitie, gitlohna a hinthak in ka um a; Ka nu’n gitloh na’n nau in ei vawp a.

THILSIEMBUL 3:19

Chun, leia na vaihkit ma chengin na maia khawsa-ul luong in nek ding kimuh ta’n la; leia pata lâkdawk na hi ngâla; leivui na hi a, leia vaikit ding na hi,” a ti a.

THILSIEMBUL 3:6

Tichun, numei chun thinggah chuh nek tuok tak ahi tih leh mitla tak leh duhchak um tak, misuching thei ahi tih a het phet chun, agah chuh a lo a, a ne ta a, a pasal le a pie a, amah chun le a ne ta a.

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

JAKOB 3:2

I bawnchau in thil tamtak chuh, I na sukhiel sek uh a. Himahlele, kuo’n le, thugen lama a sukkhelh loh chun, zie pa chuh a kikhantit a hi a, a sapumpi huitup thei mi le ahi.

EZEKIEL 18:4

Ngaitiem u, hinna chengcheng hi keia ahi, pa hinna keia ahih guol mah in chapa hinna le keia ahi: chun, gitlohna hih taphawt chuh thi’n au.

ROME 5:18

Khutichun, khat sukkhelh ziekin, mawhchansakna vaihawmna chuh mi chengcheng chungah a hung um a; khutibang mah chun, khat diktat ziekin, hinna muh na’n, thiem chansakna thil thawnpiek chuh mi chengcheng chungah a hung um tai.

ROME 6:21

Tu a na thil zahpih hawu ahin, zielai khan gah bang ahim na muh sek uh leh? Zie thil haw tawpna khah thihna ahi sek a puo.

1 KORINTH 15:56

Thihna gu chuh gitloh ahi a; gitloh thilhih theihna chuh, Dan thu chuh ahi.

EPHESI 2:3

Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.