ROME 4:16 - PATHIEN LEKHABU THIENGTHO (BSI)

¹⁶ Thutiem chuh ginna a kinga ahi a, zieziekchun, thutiem chuh Abraham leh a suonte dinga thil thawnpiek a ngaih ahi a, Dan thupiek zuite mai hilo in, Abraham guola ginchakna neite chengcheng dingin le a hung hi tai. Abraham chuh I bawn chau a dingin thagau lama I pau ahung hi tai.

ROME 4:16 ပူးပေါင်းရင်းမြစ်များ

EPHESI 2:8

Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

GALATI 3:22

Himahlele, Pathien Lehkhathu’n, khawvel pumpi chuh, gitloh thilhih theihna thu nuoi ah a um vek tau a; khutichun Isu Krista taksanna zieka thutiem chuh, a gingcha chengte kawma pieka um ahi, a ti ngâl a.

ROME 9:8

Zie chuh, phehlevo a chate chuh Pathien chate ahiu ui tihna ahi puoh a, thutiem chate chuh Abraham suona san ahi zawu tihna ahi.

TITA 3:7

Khutichun, a lungsietna zieka thiemchan saka na um in; kumsawt a hin kinepna dungzuia goluoh dinga siem in um thei hitiu.

EPHESI 2:5

I sukkhelhna hawu zieka thi I hih nasan un le. Krista tawh thakhat in ei na suhing ta a. hehpihna ziekin hukdam na hi tau hi.

ROME 15:8

Ziehi ka gen chuh ahi: Pathien in I pu I pateu kawma a thutiem khah sudet ding leh,

ROME 5:1

Zieziekchun, taksanna zieka thiemchang I hih tâk ziekun, I Lalpau Isu Krista vangin Pathien tawh kicham I hitau hi.

ISAI 51:2

Na pileputeu, Abraham leh Sarah nanguh hun suonte khah ngaihtuoh un. Abraham ka sap lai khan cha a nei puoh a, himahlele, ka vangsak a, cha tamtak leh suon tamtak nei in ka siem ta a.

2 PETER 1:10

Zieziekchun. suohpihte, Pathien hun sapna leh hun têlna chuh sudet dingin thatnawp suoh zawsem un; ziehaw chuh na hih uh le vang, bangmah tikin puk puo’n lau.

ROME 4:11

Khutichun, zektan loh a a um lai apat in, diktatna a mui tih hetna’n, zektan melchikna chuh a mu zaw ahi. Zieziekchun, zektan loh hi leu le, a gingcha cheng chengte pa ahih theih na dingin, diktatna chuh amau a ding ale guot ahi.

LUKE 19:9

Chun, Isu’n a kawmah, “Tuni hin zie In ahin hukdamna a tung tai, amah hile Abraham chapa ahi ngâl a.

ROME 3:22

Zie chuh Pathien diktatna, Isu Krista taksan zieka gingcha ta chengte kawma suklata um chuh ahi; lamdanna himhim a um puoh a,

ROME 3:30

Hi e! zektante chuh a taksanna ziek u a thiemchan sak ding pa chuh Pathien khat mai a hih ngâl chun, Jentel te Pathien le hi ding ahi.

GALATI 3:14

Krista’n zie chuh, Pathien in Abraham kawma vangsakna a tiem khah Krista zâla Jentel te kawma piek a hih a, taksanna zieka Pathien Thagau tiem chuh I muh theihna dingun a hih ta ngâla.

GALATI 3:16

Zie tawbang mah chun, tuhin le, Pathien in Abraham leh a suon kawmah thutiem a na nei hi. Pathien Lehkhabu’n mi tampi huop in, “Suonte” a ti puoh a, mi khat mai gen in, “Na suon kawmah,” a ti zaw ahi; zie mi khat tih umzie chuh, “Krista,” tihna ahi.