ROME 3:9 - PATHIEN LEKHABU THIENGTHO (BSI)

⁹ Ahih leh, amau haw sangin I pha chuom diek u a ahim? Naisai lo e; Judate leh Grikte chule gitloh suok a um ahiu ui tih ka sulang zaw ahi.

ROME 3:9 ပူးပေါင်းရင်းမြစ်များ

GALATI 3:22

Himahlele, Pathien Lehkhathu’n, khawvel pumpi chuh, gitloh thilhih theihna thu nuoi ah a um vek tau a; khutichun Isu Krista taksanna zieka thutiem chuh, a gingcha chengte kawma pieka um ahi, a ti ngâl a.

ROME 6:15

Bangti’n ahi ta die leh? Dan vaihawmna nuoia um I hih loh u a. lungsietna vaihawmna nuoia um I hih zawk ziek u hin I gitloh dinguh ahi dem? Naisai lo e;

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

ROME 11:32

Chun, mi chengcheng chunga Pathien in a khuotuohna a latsak theihna dingin, mi chengcheng chuh thu awihlohna achun a na khakkhum vek tai.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

PHILIPPI 1:18

Abang chu hitaleh a khawk puoi! A lêm in ahim, a tak in ahim ahih theihna chin a Krista thu gen ahih phawt chun, ka kipâk a, kipâk zel ing ka.

GALATI 3:10

Dan thilhih a kinga taphawtte chuh, hansie nuoia um ahi “Dan Lehkhabu a kizik chengcheng zawp lo taphawt chuh, hansie nuoia um ahiu hi!” tih zik ahi ngâla.

1 KORINTH 14:15

Bangti’n ka hih ta die? Ka thagau in paucham ing ka ting, ka ngaihtuohna’n le paucham ing ka; ka thagau in la sang ka ting; ka ngaihtuohna’n le la sang ka.

1 KORINTH 10:19

Banga ka gen leh? milim ahim, a kawma an thillat ahim chuh bang thil ahi tih, ka gen hi?

1 KORINTH 4:7

Mi dangte sanga chungnung zaw a nang hun siem kuo ahi? Na thil neih chengcheng chuh Pathien hun piek hilo ahim? Khuti a hih ziek chun, bangti dana, na neihsa chuh thilpiek hilo guola kisuonpih thei ding na him?

ROME 11:7

Bangti ahi ta die leh? Israel mite chun a hawl u chuh a mu puou a. Telte vang chun a muu a, a dang chengcheng te chuh a chavai zo tau hi.

ROME 3:5

Himahlele, I diktat lohnau hin Pathien diktatna a suklat hawih zawk diek chun banga I gen dinguh? Pathien in mi a gawt hin, mi diktatlo ahi a ahim? (Mihiem dân guola ka gen ahi.)

ROME 1:18

Thutak, takkhanlo taka dalte, Pathien khawksak lohna leh, takkhanlohna chengcheng chung achun, van apat in Pathien lungnatna hung kilak ahi;

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

THUCHINGTE 20:9

“Ka sie leh pha hetna chuh a thieng a, ka gitlohna cheng apat ka thieng hi,” kuo a ti thei ding?

ROME 2:1

Zieziekchun, aw mihiem, mi awimawhpa kuo hileh chin le paulap na nei thei puoi; midang na awihmawhna achun, nangmah leh nangmah mawh kichansak na hi a puo. Nang mi awimawh hinle khutibang thil haw chuh na hih sek ngâla.

ROME 3:1

Ahih leh, Juda mi chun Jentel te sangin banga phatchuomna a neih chuom diek? Zektan le banga a phatchuomna?

ROME 7:14

Dan chuh thagau lam thil ahi tih I he ngâl u a, kei vang chuh, phehlevo lama mi, gitloh suok a khawtsa ka hi.