ROME 3:3 - PATHIEN LEKHABU THIENGTHO (BSI)

³ A lak u a mi khenkhat ginumlo in um mahleu bang a ti chuom dinga ahim? A ginum loh ziek u chun Pathien chuh ginumlo mai ding ahi a ahim?

ROME 3:3 ပူးပေါင်းရင်းမြစ်များ

2 TIMOTHE 2:13

Eihaw taksan um lo in um mahleu hing, Amah chuh a taksanum zing hi; Amah leh amah a kithem thei puoh ngâl a,” tih hi.

HEBRAI 4:2

A kawmuh a gen guol mah khan, Chanchin Pha chuh eihaw kawma le gen ahi ngâl a. Thu kigen chuh a za nau a, himahleh, amau dingin bangmah phatchuomna a um puoi; a zak u chuh taksanna a a pawm loh ziek un.

ROME 9:6

Pathien thutiem chuh a lawhsam tai ti ka hi puoh a; Israel mi chengcheng chule Pathien mite ahi suok diek puou ui.

ISAI 55:11

Khutibang mah chun, ka kam apat a thu pawt chuh um intin, lawhsam in vaikit puo’n tin; Ka deih dante chuh subuting zaw’n tin; hih dinga ka sawlna achun lawhting zawn a.

2 THESSALONIKA 1:3

Suohpihte haw, nangmau haw chungchâng thu ahin, Pathien kawmah kipahthu gen zing ding him ka hiu hi. Zie chuh kei uh dingin hih ding kilawm mawng a hi a; na taksannau chuh nasa taka a hung khanlet tâk ziekin leh mi dangte chunga nangmau haw chietin hehpihna na neih uh chuh a hung pun zawksem tâk ziekin.

ROME 10:16

Himahlele, Chanchin Pha chuh a bawn un a awi suok puou. Isai in. “Lalpa, ka thugen uh kuo a gingcha?” a tih guol khan.

SAM LEHKHABU THE PSALMS 84:7

Hatna a kipatin hât zawk diek na ah a chieh sek u a, Zion Pathien âng a chun a kimuhsak chiet sek ui.

1 SAMUEL 15:29

Israel te lopina Pathien chu a lepchieh puoh a, a lungthim le a sang diek puoi. Mihiem a hi puoh a, a lunggel le a sang lam dang diek puoi,” a ti a.

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

MATTHAI 24:35

Lei leh van bei in tin, ka thu vang chuh bei puo’n a.

ROME 11:29

Pathien in a thil thawnpiek leh a sapna lam achun lung a hêi ngei puoh ngâl u a.

JOHAN 1:16

A bukimna I chang chiet ui, lungsietna chunga lungsiet sawnna tawh.