ROME 2:6 - PATHIEN LEKHABU THIENGTHO (BSI)

⁶ Pathien chun mitin, a thilhih bang zel un ditkit ding ahi ngâl a.

ROME 2:6 ပူးပေါင်းရင်းမြစ်များ

SAM LEHKHABU THE PSALMS 62:12

Aw Lalpa, zahngaihna hile nanga mah ahi: Mitin a thilhih dungzui chiet in na din sek ngâl a.

JEREMIA 32:19

Lemguotthiem leh thilhih thei tak na hi a, mihing chate umdan chengcheng muchien pa: mitin a umdan u leh a thilhih dungzui u a din sek pa.

2 KORINTH 5:10

Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

JEREMIA 17:10

Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

THUPHUON 22:12

“Ngaitie! hung vak zieng ding ka hi ie! mitin, a thilhih dungzui chiet uh a piek dingin, ka kipahman ka kawmah a um hi.

THUPHUON 20:12

Chuleh, mithi te, a lien a neu in, lalchutphah ma a ding le ka mu a. Tichun, Lehkhabu chuh a keu uh a; chun, lehkhabu dang, Hinna Lehkhabu chule a keu uh a; tichun, mithi te chuh, lehkhabu haw a zik lut, a thilhih dungzui zel uh a vaihawm sak in a um tau hi.

1 KORINTH 3:8

Himahlele, a phutpa leh tuia chawm pa chuh pumkhat ahiu hi; Pathien in a nasep guol zel un kipahman pie gêl gêl ding ahi ngâl a.

JOB LEHKHABU THE BOOK OF JOB 34:11

Mi a thilhih bang zel un dinthuk intin, Mi cheng chuh a umdan uh bang zelin a chung u ah tun sak ding ahi ngâl a.

EZEKIEL 18:30

“Zieziekchun, Aw Israel insung mite haw, mitin a umdan bang zela na chung u a vaihawm ding ka hi, Lalpa Pathien chun a tii. Lunghei unla, na bawhsietna teu chengcheng chuh haihsan un; phatlohna chuh na siet lawh lohna dingun.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

THUCHINGTE 24:12

“Zie chuh ka he puoi,” na tih mai chun chuh, Pathien in na ngaihtuohna chuh helo ding ahim? Na lungthim ngaihtuohna he pa chun hun vaihawm sak ina. Mitin a thilhih bang zelin dinthuk lo ding ahim?

ROME 14:22

Taksanna na neih chuh, Pathien ma ah nangmah chauh het in nei mai ah. Eimah sie leh pha hetna lama mawh kichansak loh chuh hamphat-um ahi.

THUCHINGTE 24:2

A lungthim u chun pawng-bawlna a ngaihtuoh u a, a mûk u chun mi suknatna ding thu mai a gen sek ui.

PAWTDAWKNA 32:34

Himahlele, tuhin chieh inla, chiehna ding ka hun hilhna mun akhan mipite hi va pui phawt in. Ngaitie, ka vânsâwlchâk in na ma pui zel in a, tih hezing in; amahvang chuh, ka hun vehthak ni chuleh a gitlohnau ngêi achun gawt ding ka hi,” a ti a.

THUGENPA 3:17

Ka lungthim chun, “Pathien in mi dik leh mi nunsiete chungah vaihawm intin, thil cheng chenga ding leh, nasep tin cheng dingin hun a um ngâl a,” ka ti a.

EZEKIEL 18:20

Gitlohna hih taphawt chuh thi ding ahiu: chapa chun a pa gitlohna chuh thuok puo’n tin, pa chun le a chapa gitlohna chuh thuok puo’n a: mipha chun a phat man muntin, migilo chun a gitloh ziekin thuok ina.

EZEKIEL 36:19

Khutichun namte lak ah ka thehzak a, gamtin ah a kikhen zak tau a: a umdan u leh a thilhih hawu dungzui in a chung u ah thu ka tan ta a.

2 KORINTH 11:15

Khutichun, a suokte chule, diktatna vak bangin kisiem lamdang mahleu le, thilmak ahi puoi. A tâwp leh, a thilhih bangmah u chuh mu ding ahi ngâl u a.

2 TIMOTHE 4:14

Aleksandar, sumsan sunthiem khah ka chungah a gilo mah mah sek hi; Lalpa chun a thilhih dungzui in dinthuk ina;

THUCHINGTE 26:10

Pathien lopi thil bangkim Siemtu chun mingawlte chuh pie thuk in tin, mi gilote chule dinthuk ina.