ROME 2:4 - PATHIEN LEKHABU THIENGTHO (BSI)

⁴ A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

ROME 2:4 ပူးပေါင်းရင်းမြစ်များ

2 PETER 3:9

Mi khenkhat in, Lalpa chuh muong a sak bangun, a thutiem hih ding chun a muong hiel puoi. Kuomah manthai deihlo a, mi chengcheng, a gitlohnau apat lunghei dinga deih zaw’n, nangmau haw zieka lungdieh a hi zaw ie.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

PAWTDAWKNA 34:6

Lalpa chun a masang lam achun a chiehpel a, “Kei hi Lalpa, Lalpa Pathien, zahngaihna a dim, lainat thei tak, dawhhat tak, lungsietna leh thutak a dim,

EPHESI 1:18

Na lungthim mit hawu sukvaka a hung um a, amah sapna kinepna haw, a mite kawma a tiem, go luoh ding lopi hauh zie haw, leh

EPHESI 2:7

Khutichun, hun hungtung zel dinga le, a hehpihna lopi dân, Krista a ei lungsietna ei uh ei etsak theihna dingin, zie chuh a hih ta ngâla.

EPHESI 1:7

Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

2 PETER 3:15

Chun, I Lalpau thuokhat zie chuh, hukdamna dinga hunlemchang a hun piek bangin ngai un; I suohpihpau deihtak Paul in le, a kawma Pathien in chitna a piek dungzuia, na kawmuh a a hun zik bang khan.

ROME 11:33

Pathien chitna leh hetna hauh dân chuh a nasa na e. A vaihawm haw chuh het theih guol leh, sut theih guol ahi mawh na e,

ROME 11:22

Khutichun, Pathien phat dân leh a ningkhel dân chuh ngaihtuoh in; a kipukte ding chun a ningkhel a, nang ding vang chun a phai, a phatna a na um zing chun. Himahlele, khuti banga chuh na um zing loh chun, nang le hun sat tha ding ahi ngâl a.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

THUGENPA 8:11

Thil phalo hihte chunga thutanna kintaka bawl ahih sek loh ziekin, mihing lungthim chuh thil phalo hih nawpna’n a dim hi.

2 PETER 3:3

A masapen in, ziehi heu in, ni nunung achun, mi, a hinnau amau deih banga puih manga umte hung kilang ding ahiu hi. Ziete haw chun hun nuihsan un tin uh,

1 PETER 3:20

Ziehaw chuh Noah kuong tuk laia, Pathien in thuokhat taka a ngak laia le, a thu zawp nuom lote thagau haw khah ahiu ui. Kuong achun mi tawmcha, a bawn u a giet chauh chuh, tui apat hukdawk in a um u a;

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

PHILIPPI 4:19

Chun, ka Pathien chun, Krista Isu achun, na tâksapna tin chenguh hun huksak ding ahi.

SAM LEHKHABU THE PSALMS 10:11

A lungthim chun, “Pathien in a hetngilh ahi; A mai chuh a sel a; bangmah tikin mu puo’n a,” a ti seka.

THUPHUON 3:20

Ngaitie! kawtkhak bula dingin ka kiu hi, kuo’nle ka aw a zak a, kawt a hawn chun, a kawmah lut ing ka ting, a kawmah nitâk an ne’ng ka ting, ama’n le ka kawmah ne’na.

1 TIMOTHE 1:16

Himahlele, Pathien chuh ka chunga zahngai in, kei, migilo pente laka gilopen chunga hi, Krista Isu thuokhhatna bukim chuh suklat ahi a; tunung a amah hun gingcha a, kumsawt hinna hung chang dingte etsakna dingin ei hun mang ta a.

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

ROME 6:15

Bangti’n ahi ta die leh? Dan vaihawmna nuoia um I hih loh u a. lungsietna vaihawmna nuoia um I hih zawk ziek u hin I gitloh dinguh ahi dem? Naisai lo e;

ROME 6:1

Bang I gen ta ding u leh? Lungsietna chuh a pun zawk theihna dingin gilo a I um zing dinguh ahim?

SAM LEHKHABU THE PSALMS 104:24

Aw Lalpa, na thilhih haw chuh a tam na mai zên e! Abawn un pilna a na siem chiet ahiu a: Lei chung hi na thilsiem a dim ahi.

KOLOSSA 2:2

Zie chuh, hansanna a a dim u a, lungsietna a a kikankhawm u a, lungmuonna hauhsakna bukim, hetchetna diktak zieka um chuh a neih theihna dingun ka hih ahi. Khutibang hin Pathien thuguk, Krista ngêi chuh he thei un au.

EPHESI 3:16

A Thagau zâla mihiem sungnung lama chuh a thilhih theihna a sukhat a na um theihna dingun ka ngên sek a,

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

ROME 10:12

Juda leh Grik mite chuh bangmah chan a lamdang chuom puoh ngâl u a. Lalpa khat chuh abawn u a chunga Lalpa ahi a; amah samte cheng chung achun phatna a hau ngâl sek a.

EZEKIEL 16:63

Khutichun, na thil hihsa chengcheng ngaihdamna ka hun siem sak tieng leh na hetzing a, na zahchâk zieka na kam na kât tâk lohna dingin,” Lalpa Pathien chun a tii.

JEREMIA 7:10

Tichun, zie In, keimah min kivawh ahin ka masang a dingin, zie thil tenum tin cheng hi hih kawm zelin, ‘Hukdam ka hi tai,’ ti ding na hiu maw?

KISIMNA 14:18

Lalpa chuh lungchuol tak lungsietna hau, gitlohnate, sukkhelhnate ngaidam sek, mihelte gawt loh a kawih lo; pate gitlohna ziek a chate leh tute suon thumna leh suon lina tienga le gawt sek ahi,’ ti a na gen bang khan.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

SAM LEHKHABU THE PSALMS 31:19

Aw, na phatna chuh a nasa na maizen e, nangmah a ginna ngate dinga na hih sak chu!

EZEKIEL 11:19

Chun, amau chuh lungthim khat pie’ng ka ting, chun, a sung u ah lungthim thak kawih ing ka. Chun, amau apat in lungthim suong guola tâk chuh la mang ing ka ting, lungthim nem amau pie’ng ka.

2 KORINTH 8:2

Khati a, buoina nasatak maia patepa a umna thuu leh; chagah tak mai himahleu le, a kipahnau luong let a, thilphalna nasatak mai a chan tâk zieu thute khah.

2 PETER 1:11

Khutibang chun, I Lalpau leh Hukdampa Isu Krista kumkhuo lalgam a lutna dinga thuneihna bukim chuh pieka um ding na hiu hi.

THUPHUON 2:21

Chun, lungheina dingin a kawmah hun ka tiem sak a. himahlele, a mi deihchak nawp chuh a haihsan nuom diek puoi.