ROME 2:16 - PATHIEN LEKHABU THIENGTHO (BSI)

¹⁶ Khutichun, Chanchin Pha ka gen guolin, mihiemte lunggil a thuguk te, Pathien in Isu Krista manga a hun vaihawm ni chu leh zie tawbang mah chuh hi ding ahi.

ROME 2:16 ပူးပေါင်းရင်းမြစ်များ

THUGENPA 12:14

I thilhih chengcheng uh, a sie leh a pha le, a gûka thilhih cheng le Pathien in ei vaihawm sak ding ahi ngâl a.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

NASEPTE 10:42

Chun, amah chuh, mi thite leh mi hingte chunga vaihawm dinga Pathien guot chuh ahi, tih mite kawma tângsappih leh hetsak dingin, Pathien in thu ei piek ahi.

LUKE 8:17

Phuon loh dinga îm bangmah a um puoh a, het loh ding leh lang lo dinga selguk le bangmah a um diek puoi.

1 PETER 4:5

Amau haw chun, mihing leh mithite ngaihtuoh dinga kisazosa, Pathien kawm achun a chanchin uh hun gen ding ahiu hi.

ROME 3:6

Naisai lo e! khuti a hih chun Pathien in bangti’n a khawvel vai a hawm ding?

SAM LEHKHABU THE PSALMS 98:9

Khawvel vaihawm dinga hung Lalpa masang achun: Khawvel hi diktat takin vaihawm sak intin, Khenchuom neilo in mi cheng cheng hi vaihawm sak ina.

2 PETER 2:9

Khutichun, Lalpa chun amah khawksakte chuh thepna apat hukdawk dân leh, mi nunsiete chuh Vaihawm Ni a ding chun gawt kawma sit dân a hêi;

2 TIMOTHE 4:1

Zieziekchun, Pathien mitmuh a mihingte leh mithite vaihawm sak ding pa, Krista Isu mitmuh achun, Leng guola vaihawm a hung kilak ding a hih ziekin, phachuomngai taka ka hun hilh na hi:

2 TIMOTHE 2:8

Isu Krista, David phung a mi chuh ka Chanchin Pha a kigen guola mithi lak apat thokitpa a um hi tih gel zingin.

1 TIMOTHE 1:11

Zie thu sinsak chuh, Chanchin pha a kimu, Pathien lopi leh vangsaka kipata Chanchin pha, zie phuong dinga vawp saka ka umna pên chuh ahi.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

JOHAN 12:48

Kuole, ei deih lo a, ka thugente pawm nuom lo chuh, a chungthuu tan sak ding khat a nei ui. Ni tawp ni chu leh, ka thugente ngêi hin ahi, amau haw chungthu a hun tan ding chuh!

HEBRAI 9:27

Chun, mihiem a dingin khatvei thih guot ahi a, zie nung chuleh vaihawm na um ding ahi.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

2 KORINTH 5:10

Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

THUGENPA 11:9

Khangdawngte haw, na vanglai niteu achun kipâk unla. Na vanglai nite achun na lungthim kipâk hen, na hih nawp cheng hih inla, na lungthim in a nawp dân cheng chuh zui inla, na mitin a etnawp phawt chuh en in. Himahlele, zie thil haw cheng chuh Pathien in vaihawmna a hun sulang ding ahi tih hezing in.

THUGENPA 3:17

Ka lungthim chun, “Pathien in mi dik leh mi nunsiete chungah vaihawm intin, thil cheng chenga ding leh, nasep tin cheng dingin hun a um ngâl a,” ka ti a.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

SAM LEHKHABU THE PSALMS 50:6

Tichun, vante khun a diktatna chu thangko pih un a, Amah Pathien mawng chuh vaihawmpa ahi ngâla. Selah

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

GALATI 1:11

Khutichun, suohpihte haw, ka Chanchin Pha gen kha, mihingte apat ahi puoi, tih ka hun hilh na hiu hi.

1 KORINTH 15:1

Chun, suohpihte, tuhin, Chanchin Pha na kawm u a ka gen, zie chuh na na lawp u a; ginna det taka na dinnau ngêi khah hun hetsak kit ka nawp ahi.