ROME 2:1 - PATHIEN LEKHABU THIENGTHO (BSI)

¹ Zieziekchun, aw mihiem, mi awimawhpa kuo hileh chin le paulap na nei thei puoi; midang na awihmawhna achun, nangmah leh nangmah mawh kichansak na hi a puo. Nang mi awimawh hinle khutibang thil haw chuh na hih sek ngâla.

ROME 2:1 ပူးပေါင်းရင်းမြစ်များ

LUKE 6:37

“Awimawh kiu, khutichun, awihmawh in um puo’n lau; mi dangte mawhchansak kiu, khutichun, mawhchansak a um lo ding na hiu. Mi dangte ngaidam un, khutichun ngaihdam in um un lau.

ROME 2:3

Aw mihiem, zie tawbang thilhih sekte chunga thutan a pang sek ngâl in, nangin le zie thilte chuh na hih sek ngâl a. Pathien thutanna chuh pumpelh na kigingcha a ahim?

ROME 9:20

Ahi, himahlele, aw mihiem, Pathien dawng kit thei dingin kuo na hi a ahim? Thilsiem chun a siempa kawmah, “Bangati a tawbang ahi ei siem?” a ti thei dinga ahim?

JAKOB 4:11

Suohpihte, kigensie tuoh kiu in. Kuon le, a suohpih gensie’n, awimawh leh, Dan gensie leh awimawh ahi. Dan na awihmawh chun, Dan zawp na hi ta puoh a, a vaihawm a pang na hi zawi.

JAKOB 2:20

Aw mi manloh pa, thilhih tello a taksanna chuh bangmah ahi puoi tih na he nuom hi?

LUKE 19:22

Chun, amah chun a kawmah, ‘Suok gilo! nangmah kamsuok ngêi apat in mawh hun chan sak ding ka hi! migilo tak ka hi tih na he a, keia lo pi le ka la sek a, ka tuh loh pile ka ât sek hi.

1 KORINTH 7:16

Zie tawbang thil ahin, nang zi, gingcha mi zaw chun, na pasal na hukdam ding leh hukdam loh ding, bangti’n a na het theih ding? chun, nang pasal, gingcha mi zaw’nle, na zi na hukdam ding leh hukdam loh ding bangti’n a na het theih ding?

LUKE 12:14

Himahlele, Isu’n a dâwng a, “Mihiem, nang u chungah kuo a vaihawm ding leh sum hawm dinga ei siem?” a ti a.

ROME 2:2

Khutibang thilhih sekte chunga Pathien thutanna chuh a dik hi tih I he ngâl u a.

ROME 3:9

Ahih leh, amau haw sangin I pha chuom diek u a ahim? Naisai lo e; Judate leh Grikte chule gitloh suok a um ahiu ui tih ka sulang zaw ahi.

ROME 14:22

Taksanna na neih chuh, Pathien ma ah nangmah chauh het in nei mai ah. Eimah sie leh pha hetna lama mawh kichansak loh chuh hamphat-um ahi.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.