ROME 13:9 - PATHIEN LEKHABU THIENGTHO (BSI)

⁹ Zie thupiek, “Zawlsai kih, tuolthat kih; gucha kih, awtcha kih,” tih leh thupiek dang na um himhim haw hih, “Nangmah na kihehpih guolin na vengte na hehpih ding ahi,” tih hin a khaikhawm vek ngâl a.

ROME 13:9 ပူးပေါင်းရင်းမြစ်များ

MATTHAI 22:39

Chun, a bana a kibatpih chuh ziehi ahi, ‘Nangmah na kihehpih guolin, na vengte le na hehpih ding ahi,’ tih hi.

LUKE 10:27

Amah chun, “Lalpa na Pathien chuh na lunggil cheng chengin, na thagau chengcheng in, na hatna chengcheng in leh na ngaihtuoh na chengcheng in na hehpih ding ahi; chuleh, nangmah na kihehpih guolin na vengte le na hehpih ding ahi,” tih hi, a ti a.

MARK 12:31

A bana chuh ziehi ahi: ‘Nangmah na kihehpih guolin na vengte le na hehpih ding ahi,’ tih hi. Zie sanga thupiek lopi zaw hi a um puoi,” ti’n a dâwng a.

THIEMPUDANTE 19:18

Phuba na lak dinguh ahi puoh a, na chipihte hawtna lungthim le na vawp ding ahi puoi. Nang mah na kihehpih guolin na invengte na hehpih ding ahi zawi. Kei hi Lalpa chuh ka hi.

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

THIEMPUDANTE 19:34

Gamdang mi na lak u a chêngte chuh nanguh dingin na gam u a mi him ahih dinguh ahi; nangmah na kihehpih bang taka na hehpih ding ahi. Nang haw le Aigupta gama khan gamdang mi na hiu kha. Kei hi Lalpa na Pathien uh ka hi ngâl a.

LUKE 18:20

Thupiek haw chuh na he a puo: ‘Zawlsai kih; tuolthat kih; gucha kih; diklo takin mi dangte heksie kih; na nu leh na pa limbawl ah,’ tih haw hi,” a ti a.

MARK 10:19

Thupiek haw chuh na hêi: ‘Zawlsai kih, tuolthat kih, gucha kih, heksie kih, hetpihtu diklo in pang kih; na nu leh na pa limbawl ah,’ tih haw hi,” a ti a.