ROME 12:9 - PATHIEN LEKHABU THIENGTHO (BSI)

⁹ Hehpihna chuh gukhahna tello hi hen. Gitloh hawu unla, apha lam chuh tuchak un.

ROME 12:9 ပူးပေါင်းရင်းမြစ်များ

SAM LEHKHABU THE PSALMS 34:14

Gitloh taihsan inla, thilpha hih in; Chamna hawl inla, delhzui zelin.

1 PETER 4:8

Bang cheng sangin, gunchuh takin kihehpih tuoh chiet unla, hehpihna’n gitloh tamtak a melhkhuh thei ngâl a.

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

1 THESSALONIKA 5:21

Thil bang cheng chuh phawchien zawu inla, a phata pawm det un la;

SAM LEHKHABU THE PSALMS 101:3

Thil phalo mawng mawng ka mitmuh achun kawih puo’ng ka: Chieh pet haw thilhih chuh ka haw a; Keimah ahin bek puo’n a.

SAM LEHKHABU THE PSALMS 97:10

Lalpa chun gitloh hawte chu a hehpih a; Amah chun a mithiengtho te hinna chu a vawppha sek a; Amah chuh minunsie haw khut apat a humbit sek a,

AMOS 5:15

Gitlohna chuh hawu unla, phatna ngainau unla, kulh kawt ah dikna chuh tung dingun: Joseph te inkuon a mi, a na damsunte chunga chun Lalpa Sepaihte haw Pathien chun lungsietna nei ding ahi ngâl a.

HEBRAI 12:14

Mi chengcheng tawh kichama umna leh thienthona delh un, zie thienthona lo chun kuoma’n Lalpa mu puo’n au.

2 KORINTH 8:8

Thupie lam sanga ka gen ahi puoh a, mi dang phachuom ngaihna’n, na lungsietnau tak zie chule patep dinga ka hun gen zawk ahi.

1 THESSALONIKA 5:15

Kuoma’n, kuo gitloh le, gitloh a dinthuk lo dingin chingthei un, na thil kihih sak tuoh na lam uh leh, mi chengcheng chunga na hih sakna lam uh ale, a phata delh zing zawu in.

2 KORINTH 6:6

Keimau mawng in Pathien zenviel te ka hihnau chuh, thienthona te, hetna te, thawkhatna te leh nunnemna te chun ka sulang sek ui. Thagau thiengtho leh lungsietna diktak leh,

HEBRAI 1:9

Diktatna chuh na ngailul a, Sukkhelhna vang chuh na haw a. Zieziekchun, Pathien, na Pathien chun, Na lawite sang chun Lawpna thau a hun nuh tam zawk ahi,” tih leh,

SAM LEHKHABU THE PSALMS 119:104

Na hilhgaihna thu haw ziekin hetthiemna ka nei sek a: Zieziekchun umdan diklo tin cheng hi ka hâwi.

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

THUCHINGTE 8:13

Lalpa kihchak chuh gitloh hawt hi ahi a, chapona leh kiletsakna chuh ka haw a, gitlohna lampi leh pau chapo chu tawh.

SAM LEHKHABU THE PSALMS 119:163

Zuou hi ka hawa, ka kihdak hi, Na dân vang chuh ka ngainai.

THUCHINGTE 26:25

Thu pha tak a gen in le gingcha diek ki’n, a lungthim achun thil kihdak-um sagih a selgu zing ngâl a.

SAM LEHKHABU THE PSALMS 55:21

A kam chuh nawituikhal bangin a nâl a, Himahleh, kidona lungthim a pu zing u a; a thugen u chuh sathau sangin a nâl zaw a, himahleh, chemzâm zuk dawk sa ahi ngâla.

SAM LEHKHABU THE PSALMS 36:4

A zâlkhun achun thil gilo a suongtuoh seka, Lampi phalo a chun a chieh hâmhâm a; gitloh na chuh a kihdak puoi.

1 THESSALONIKA 2:3

Na kawm u a ka thugen u hi, thil diklo apat ahim, utna thiengtho lo apat ahim a hi puoh a; kuomah lepbawl guo le ka hi diek puou hi.

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

JOHAN 12:6

Mi gimtheite a khawksak zieka zie thu hi a gen ahi puoi, gucha ahi a, dangkadip a vawp a, a sunga kikawih haw chuh a lak sek ziekin ahi zawi.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

MATTHAI 26:49

Tichun, Isu chuh a va zuon pai zieng a, “Chibai, Rabbi,” ti’n, a châwp tuntun a.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.