ROME 12:3 - PATHIEN LEKHABU THIENGTHO (BSI)

³ Pathien in ei piek lungsietna vang hin, na bawn u a kawmah ka gen ahi: Na lak u a kuomah, na kingaihlul ding val u a kingailul lo in, Pathien in mitin kawma taksanna kilawm a piek guol zelin, chil taka ngaihtuoh zaw dingin ka tih chiet na hiu hi.

ROME 12:3 ပူးပေါင်းရင်းမြစ်များ

GALATI 6:3

Mi, amah bangmah hi sâm lo a, milien deuha a kingaih chun, amah kithem ahi.

THUCHINGTE 26:12

Mi amah leh amah pil kisa na mu kha? zie sang chun mingawl a chun kineppih na a um zawi.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

ROME 12:16

Lungthim munkhat in um chiet un. Kingaisang taluo kiu unla, mi neu neu kivawppih zawu in. Ching kisa taluo kih.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

THUGENPA 7:16

Dik kisa taluo ki’n la, kipilsak taluo diek ki’n, bang zieka nang leh nang kisusie ding na him?

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

JAKOB 4:6

Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

1 KORINTH 7:17

Bang hitaleh, mi tin, Lalpa’n thilpiek a piek bang chiet leh, Pathien in a sapna bang chiet u ah um chiet u he’n. Zie tawbang tak chuh ahi, sapchuomte chengcheng kawma ka sinsak sek chuh.

TITA 2:12

Kinepna thatnawp-um, I Pathien uh lopitak Hukdampa Isu Krista lopi hung kilâkna chuh ngak in,

TITA 2:2

Upate chuh kidêk thei, zahum, lungthim diktak, taksanna leh hehpihna leh thuokhatna nei hi dingin tîlkhoh ah.

2 KORINTH 12:7

Chun, thilmak ka muh haw zieka chuh, ka kisuon takluot lohna ding leh zie chuh Setan sawlchak in matchâk a ei mat a, ka chapo loh na dingin ka taksa ahin ling ei kipie ahi.

ROME 11:20

Ahi, a ginchak loh ziekun sukbawt in a um u a, nang na taksanna vangin na hing ahi.

ROME 1:5

Khutichun, namtin in a ginchak u a, thu zawp a a um theihna dingun, Pathien in Krista ziekin sawlchak hihna ei pie ahi.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

TITA 2:4

Numei naupang zaw deuhte chuh a pasalteu leh a chateu lungsiet a, thilpha hih kisin dingin tîl ah.

1 KORINTH 15:10

Himahlele, Pathien lungsietna vangin, ka hih hih ka hi tai; chun, a lungsietna ei piek chuh, a thawn in a um puoi. Khutih malak in, sawlchak dangte cheng sangin ka sep gim zawk bawn ahi, himahleh, keima’n ka sem puoh a, Pathien lungsietna chun keimah a a sep zawk ahi.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

EPHESI 4:16

Amah thuneihna nuoi achun, taksa bâk tinte chuh suktuoh in a uma, taksa pumpi chuh kizawpmat te chun zawp in a um a, tichun, bâktinte chun a hun sep tieng u leh, taksa pumpi chuh a hung khang lien a, tichun, lungsietna’n, amah leh amah a hung kitung ding sek hi.

LUKE 18:11

Pharisai chuh a ding dawka, amah mai in hiti hin a paucham ta a: ‘Pathien, mi dangte guola lepgu, diktatlo ahim, zawlsai ahim ka na hih loh ziekin, na chungah ka kipâk hi. Zie taka siehdawlpa tawbang khuh ka hih loh ziekin le ka hun pakchai.

TITA 2:6

Khutibang mah in, tangvalte chuh lungthim diktak pu dingin tîl ah.

1 TIMOTHE 2:15

Himahlele, numei chuh, taksanna leh, hehpihna leh thienthona nei a, lungthim thieng tak tawh mahni kithununa a um zing u chun, cha neihna ah hukdam in um un au.

1 TIMOTHE 2:9

Khutibang mah in, numei haw le, hawihtak a um a, a silhlechen thuu a chuh chingthei taka um a; kitûp taka kichei a, samphek ahim, sana kicheinate ahim, tuikawkchang mantam ahim; puon mantam tak haw a kichei lo in,

1 TIMOTHE 1:14

Tichun, I Lalpau chun, a zahngaihna nasatak chuh ka chunga hun sungtha’n, Krista Isu tawh kipumkhatna zieka I neih uh, taksanna leh lungsietna chuh ei pie ta a.

EPHESI 3:4

zie chuh na sim u chun, Krista thuguk te ka hetdan chuh he thei un lau.

2 KORINTH 12:13

Bang lam ah ahi leh, sapchuom dangte sanga na niem zawk diek nau, nanguh ka hun sukgiksak lohna thu kha a hihloh ngâl leh? Zie thu a ka sukkhelhna chuh ei ngaidam un.

1 KORINTH 3:10

Pathien in thil ei piek chuh mang in, In sa lawiupa ching tak guolin, ken suong ka phut a, mi dangin a chunga in a sak uh ahi. Himahlele, mi tin, a chunga a sak dân dingu achun chingthei chiet u he’n.

ROME 11:25

Suohpihte, zie thuguk hi na hetloh uh ka deih puoi; khutilochun, kichitsak kha’n lau. Jentel te bukimna a hungtun ma’n, Israel mi khenkhatte chung achun châtvaihna a hungtung tadih ahi, tih hi.

THUCHINGTE 25:27

Khuoizu dâwn tam takluot hi a pha puoh a; zie guol mah chun maipha hawl takluot le a pha puoi.

3 JOHAN 1:9

Sapchuomte kawm akhan huntieng chuh ka zik ta a; himahlele, a lak u a chungnun nuom sek, Diatrepha khan kei uh ei na pawm puoh ngâla.

KOLOSSA 2:13

Khatvei chuh, na gitlohnateu ziek leh, Jentel dân neilote na hih ziek un, thagau lama thi na hiu a. Himahlele, tuhin, Pathien in Krista tawh a hun sukhin khawm na hi tau hi. Pathien in I gitlohnateu chuh. ngaidam in,

KOLOSSA 1:29

Zie chuh hih zo dingin, keimah a sem sek, Krista’n hatna lopitak ei piek chuh mang in ka sem hâm hâm sek a hii.

EPHESI 3:2

Nang haw phatna dingin, Pathien in a lungsietna ziekin zie nasep hi ei piek ahi tih na he tau a.

2 KORINTH 10:13

Kei uh vang chuh, ka hihna khel u chun uong puo’ng ka ting uh; Pathien in ka nasepna dinguh a ei piek gamgi, nang haw tieng ale hun huoppha, zie sung maia chun um zing ing kau.

PHILIPPI 2:13

Amah kipahlam hih ut ding leh thu zawp dinga nangmau a sem pên chuh Pathien a hi ngâl a.