ROME 11:8 - PATHIEN LEKHABU THIENGTHO (BSI)

⁸ Pathien Lehkha thu’n, “Pathien in tuni tiengin, a kawm u ah vuonpaihna thagau a pie a, khuo muh theih lohna mitte leh, khuozak theih lohna bilte tawh,” ti a a gen guol khan.

ROME 11:8 ပူးပေါင်းရင်းမြစ်များ

DAN NIHNA 29:4

Ahihziekin, tuni tieng hin Lalpa’n hetthiemna lungthimte, muh theihna mitte leh het theihna bilte a hun piek loh na hiu hi.

ISAI 29:10

Lalpa chun, ihmut suokna thagau chuh na chunguh ah a sung tha a, na thiemgaute chuh mipite mit ahiu a, himahlele, nanguh thil mulawk theite, na mit uh ahun sukdûk sak ta a.

EZEKIEL 12:2

“Mihing chapa, helchîng inkuon, muh na ding mit nei ngâla mu diek lote, zak na ding bil nei ngâla za diek lote laka cheng na hi; helchîng inkuon himhim ahi ngâl u a.

LUKE 8:10

Chun, ama’n a kawm u ah, “Pathien gam thuguk chuh nang haw het vang phal ahi a, himahlele, mi dangte kawma chun vang tehkal thu maia piek ahi; en mah leu le a muh lohna dingun leh, ngaitha mah leu le, a zâk theih lohna dingun.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

NASEPTE 28:26

‘Chieh inla, zie chite kawma hin va gen ah: Bil in vang chuh zau in na tin uh, himahleh, hechien diek puo’n lau; muh chuh muu in tin uh, hedawk diek puo’n lau:

ISAI 6:9

Amah chun, chieh inla, zie chite hi hilh in, “Bil in a zak chuh zau in na tin, ahin la, a ngaihna vang chuh he puo’n lau; muu in na tin, himahleh, hechien puo’n lau,” a ti a.

2 LENGTE 17:41

Khutichun, zie mite chun Lalpa a ho u a, amau haw milim pathiente le a ho kawp zing u a, tuni chan gei hin, a suonteu chun, zie guol chun a hih zing tau hi.

2 LENGTE 17:34

Tuma lama a hihdan bangun tuni tieng hin a hih zing nalai u a. Lalpa chu a ho nuom puou a, Lalpa’n Jakob suon, Israel ti a a vawhte kawma a piek leh thupiek bangin le a hih diek puou hi.

EZEKIEL 20:26

Kithawihna a cha lutîl mei laka paih luta amau leh amau kisubuok in ka um sak ta a, lauhna a a hung dim u a, a tâwp leh Lalpa chuh ka hi tih a hun het theihna dingun.