ROME 10:9 - PATHIEN LEKHABU THIENGTHO (BSI)

⁹ “Na kam in Isu chuh Lalpa ahi tih na phuon a, mithi lak apat Pathien in a kaitho hi tih, na lunggil a na ginchak chun hukdam in um inla,” tih hi.

ROME 10:9 ပူးပေါင်းရင်းမြစ်များ

LUKE 12:8

“Ka hilh na hiu hi, mite ma a ei panpih ta chuh, Pathien vânsâwlchâkte masangah Mihiem Chapa’n amah le panpih ina.

NASEPTE 16:31

Amau chun, “Lalpa Isu gingcha’n la, tichun, hukdam in um inla, nang leh na inkawte tawh,” a tiu a.

PHILIPPI 2:11

tichun, Pa Pathien lopina dingin, Isu Krista chuh Lal ahi, ti’n lei tin chengin phuong chiet un au.

1 PETER 1:21

Amah vanga, thihna apat kaithopa leh, lopina a puilutpa Pathien taksangte na hiu a; khutichun, na taksannau leh kinepnau chuh Pathien ah, sukdet a um ahi tai.

ROME 8:34

Kuo a mawh chansak ding? A thi khah Krista Isu ahi ngâl a. Ahi, thihna apat a tho kit a, Pathien changlama um a, ei gensak pa mah kha ahi.

ROME 14:11

Pathien Lehkhabu ah: “Lalpa chun, Mi tin cheng ka ma ah khun untin, Lei tin cheng le Pathien kawmah kiphuong un au ti a kihâksiel ka hi,” ti a zik ahi ngâl a.

1 KORINTH 12:3

Zieziekchun, kuole, Pathien Thagau puih a um ta chun, “Isu chuh hansie dawl ahi,” a ti ngei puou a; kuole, Thagau Thiengtho puih a um lo chun, “Isu chuh Lalpa ahi,” a ti thei diek puou ui, tih na hetuh ka nuom hi.

2 JOHAN 1:7

Themtu tamtak, Isu Krista chuh taksa pu’n a hung hi, tih panpih lote khah, khawvel ahin a hung suok dawk ta ngâl uh a. Khutibang mi chuh ahi, milem leh Krista dodilpa chuh.

JOHAN 9:22

Judate a lauh ziekun a nu leh a pa’n zie thu haw chuh a gen uh ahi; ziehaw chun, “Kuo’n le, Amah chuh Krista a hii, ti a gingcha ta chuh, kikhawpna In apat nawhdawk ngêi ngêi ding ahi,” ti’n a kithuguol suok kêi ta ngâl u a.

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

NASEPTE 2:24

Amah chuh Pathien in thihna kânna haw chuh a phel sak a, a kaitho ta a; amah chuh thihna tuk den guol a hih loh ziekin.

NASEPTE 2:32

Zie Isu chuh Pathien in thihna apat in a kaitho ngêi a, zie thudik hetpihte chuh I bawnchau hin I hiu ui.

ROME 4:24

Himahleh, mithi lak apat I Lalpau Isu kaithopa chuh I ginchak u a ahih chun, ei u ding inle diktata san hi ding ahi.

ROME 10:10

Mite’n lunggil in a gingchau a, diktatna a mu sek ui; kam in a phuong u a, hukdamna a mu sek ui.

ROME 14:9

Krista thihna leh, a hung hin kitna ziek chuh, mihing leh mithite Lalpa a hih theihna dingin ahi ngâl a.

1 JOHAN 4:15

Kuole, “Isu chuh Pathien Chapa a hii,” ti a pang ta chuh, amah achun Pathien a um zing a, Pathien le amah ah a um zing ahi.