ROME 1:16 - PATHIEN LEKHABU THIENGTHO (BSI)

¹⁶ Chanchin Pha chuh ka zahchâkpih puoh ngâl a; kuole a gingcha tapohte dingin hukdamna dinga Pathien thilhih theihna ahi ngâl a, a tûngin Juda mite dingin ahi a, chun, Grik mite dingin a hung hi kit a.

ROME 1:16 ပူးပေါင်းရင်းမြစ်များ

MARK 8:38

Kuole tulai khang zawlsaih hatte leh thilhih gilo nuomte lak ah keimah leh ka thu zahpih ta chuh, Mihiem Chapa hin, vânsâwlchâk thiengthote tawh, a Pa lopina a kivana a hung tieng leh, zie mihiem chuh hun zahpih thuk ina,” a ti a.

2 TIMOTHE 1:8

Khutichun, I Lalpau thu hetpih a pan chuh zahchâkpih ki’n la, kei, amah zieka suongkul lut hile ei zahchâkpih diek ki’n. Zie malak chun, Chanchin Pha zieka haksa thuok hi, Pathien in thuok theihna a hun piek bang zelin nei thuokpih zaw ta’n.

1 PETER 4:16

Himahlele, Kristien a hih ziekin thuok mahleh, zakcha kihen; Krista minpu na hih ziekuh chun, Pathien pakcha zawu hen.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

LUKE 9:26

Kuole, keimah leh ka thu zahpih ta chuh, Mihiem Chapa hin a lopina tawh, a Pa lopina tawh; a vânsâwlchâk thiengthote lopina tawh a hung tieng chuleh, zie pa chuh hun zahpih ina.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

1 KORINTH 2:4

Ka thu sinsak leh ka thugente kha mihiem chitna leh, thugen thiemna apat a gen ahi puoh a; himahleh thagau thilhih theihna diktak a hetsak ahi zaw kha.

1 KORINTH 2:2

Na kawm u a ka um sung khan, Isu Krista kross a a thihna thu tihloh, thil dang himhim het ka guo puoh kha.

ROME 10:17

Khutichun, ginchakna chuh, zakna vangin a hung um sek a, chun, zakna chuh Krista thu vangin a hung um sek hi.

HEBRAI 4:12

Pathien thu hi a hing a, thil a hih thei a, chemzâm hiem tuok sangin le a hiem a, hinna, thagau leh guh kisuktuohna, theng sukhen thei hiela sun thei ahi; chuleh, lunggel leh lungthim ngaihtuohte hetuok pai zieng thei ahi.

1 KORINTH 15:2

Zie chuh Chanchin Pha na kawm u a ka gensa khah ahi. Ka thu hun gen khah, na ginchak maimai uh hilo a, na pawm det uh a hih chun, zie mah achun hukdama um na hiu hi.

JEREMIA 23:29

Ka thu chuh mei tawbang hilo ahim? Suong sukgawpna sek tawbang hilo ahim? tih hi Lalpa kamsuok ahi.

GALATI 1:7

Himahleh, zie chuh, “Chanchin Pha,” ahi hiel puoh a; nangmau haw hun subuoi in, Krista Chanchin Pha suklamdan nuom, kuote ahim, na lak uh a a um ziekun zie chuh a gen ahi.

ROME 2:9

Mihiem thil gilo hih ta chengte chung achun gimtheihna leh natna hung um intin, Juda mite chungah um masa’n tin, chun Grikte chungah um ina.

NASEPTE 3:26

Khutichun, Pathien in a suok chuh a tel a, na lak u a mi tin, a gitlohnau lampi apat a kinunghei sak chieta, vangsak dingin, na kawm u ah a hun sawl masa ahi,” a ti a.

SAM LEHKHABU THE PSALMS 119:46

Na thu hetsak thu haw chuh lalte masang ah gen ing ka ting, Zakcha dawi puo’ng ka.

1 THESSALONIKA 2:13

Chun, zieziek hin Pathien kawmah kipahthu ka gen zing sek uh ahi: keihaw apat a Pathien thu na zak uh, na pawm lai u khan, mihiem thu pawm in na pawm puou a, Pathien thu pawm a na pawm zawk ziekun; zie chuh a dik him ngâl a. Nanguh, a gingchate chunga sempa chuh Pathien ahi.

ISAI 53:1

“Ka thugen uh kuo a gingcha? chuleh, Lalpa khut chuh kuo chungah ahim suklata a um?

1 TIMOTHE 1:11

Zie thu sinsak chuh, Chanchin pha a kimu, Pathien lopi leh vangsaka kipata Chanchin pha, zie phuong dinga vawp saka ka umna pên chuh ahi.

2 KORINTH 9:13

Zie lungsietna zenvielna nasep na sepnau hin a hun phawtchien tâk ziekin; mi tamtakin, Krista chanchin Pha dinga ginum taka nasep sek uh, leh amau haw ngêi leh, mi dangte chunga na thilphalnau a chan ziek u chun, Pathien kawmah lopina pie ding ahi ngâl u a.

2 KORINTH 2:12

Chun, Troas khuo ka tun phat chun, zie taka Chanchin Pha genna ding chun, Lalpa’n kawt ei hawn sak hi’n ka mu ngêi a.

1 KORINTH 9:18

Khutichuh a hih leh, ka muh ding bang ahi ta die leh? Man beia Chanchin Pha genna dinga hun pha; Chanchin Pha gen zieka ka muh ding kilawm mawng chuh ngek lo a ka umna hi ahi.

1 KORINTH 9:12

Mi dangte’n bawn zie tawbang thil chuh nangmau apat a a kinep u chun, kei un nei zawsem lo ding ka hiu hi? Himahlele, zie thuneihna chuh ka mang puou hi. Krista Chanchin Pha chuh dala a um lohna dingin, thil bang cheng ka thuok hâm hâm sek zawu hi.

ROME 15:29

Chun, na kawm u a ka hung tieng chu leh, Krista Chanchin Pha a vangsakna bukim puo’n hung ding ka hi tih ka hêi.

ROME 15:19

Ziehaw chuh, thu leh thilhih in leh, melchikna leh thilmakte leh, Pathien Thagau Thiengtho mang in a hih a. Chun, Jerusalem apat a, Illurikam gam tienga ka zin lai in le, Krista Chanchin Pha chuh bukim takin ka gen zo tai.

2 TIMOTHE 1:16

Lalpa chun Onesphora inkawte kawm achun zahngaihna sulang hen, amah chun tamtak vei ei suhalh ta ngâl a. Chun, suongkul a ka um hile ei zahchâkpih diek puoh a;

ROME 4:11

Khutichun, zektan loh a a um lai apat in, diktatna a mui tih hetna’n, zektan melchikna chuh a mu zaw ahi. Zieziekchun, zektan loh hi leu le, a gingcha cheng chengte pa ahih theih na dingin, diktatna chuh amau a ding ale guot ahi.

SAM LEHKHABU THE PSALMS 110:2

Lalpa chun a lopina mawlh chuh Zion tâng apat in a sawldawk a: “Nang in nang mah hun dote lak ah vaihawm inla.”

JOHAN 7:35

Ziephet chun, Judate chuh a kiho u a, “I muh loh dingun zie pa hi hawia chieh ding a hi? Grik khawpite a I miteu chênna a chuh chieh in, Grikte chuh a va sinsak ding a hi die?