PHILIPPI 4:9 - PATHIEN LEKHABU THIENGTHO (BSI)

⁹ Na thil sin hawu, na thil muh hawu, na thil zak hawu, keimah a na thil muh hawu khale, zie tawbang ngêi kha hih sek un; tichun, lungmuonna Pathien chun nanguh hun umpih hen.

PHILIPPI 4:9 ပူးပေါင်းရင်းမြစ်များ

JAKOB 1:22

Himahlele, nangmau kithem in, a ngaithate mai hilo in, a thu zawpte hung hi zawu in.

PHILIPPI 3:17

Suohpihte, ka umdan late hung hiu un, nang haw dinga ettawn ding kei haw nei nei u a, ka umdan bang u a umte chuh entawn un.

2 PETER 1:10

Zieziekchun. suohpihte, Pathien hun sapna leh hun têlna chuh sudet dingin thatnawp suoh zawsem un; ziehaw chuh na hih uh le vang, bangmah tikin puk puo’n lau.

JOHAN 13:17

Zie tawbang thudik na het u chuh hih leu chin, bang tienga kipâkin na um ta phet ding um maw!

PHILIPPI 4:7

Tichun, Pathien, lungmuonna lungthim himhim a het sen loh khan, na lunggil u leh ngaihtuohna hawu chuh Krista Isu achun hun ven sak na’n a.

ROME 16:20

Khutichun, chamna Pathien chun, chawmlo kalin, Setan chuh na kêngpêk nuoi u ah hun tawh den sak pai zieng ina. I Lalpau Isu Krista lungsietna chuh na kawm u ah um hen.

2 KORINTH 13:11

A tawpna dingin, suohpihte, chibai! ka hun ngetna hi ngaithau unla; Pha bukim in um guou in, kituok takin um unla; thamuong takin um un. Hehpihna leh, chamna Pathien chuh na kawm u a um ding ahi.

LUKE 6:46

Chun, nangun ka thu zawp sâm lo a, bang zieka Lalpa, Lalpa, nei tih sek uh a?

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 7:21

“Lalpa, Lalpa, ei ti tacheng van gama lut zieng ding ahi puou a; ka pa van a um deih bang hihte vang lut un au.

2 THESSALONIKA 3:4

Thu ka hun piek tak uh kha na zawp sek u a, na zawp kit zel u le Lalpa achun ka hun ginchak uh na hiu hi.

1 THESSALONIKA 1:6

Chun, keimauhaw leh Lalpa umdan late na hiu a, chun, thuokgim mah mah leu chin le, Thagau thiengtho apat a thu hung chuh kipâk takin na na pawm tau a.

1 THESSALONIKA 5:23

Chun, chamna Pathien mawng chun, lam tin ah hun hih thiengtho hen la; chun, na thagau u leh, na lungthim uh leh, na sapum uh chuh I Lalpau Isu Krista hung tieng leh, paulap bei in a pum in humbit in um hen.

ROME 15:33

Chamna Pathien chuh na bawn u a kawmah um ta hen. Amen.

JOHAN 2:5

Ziephet chun, Isu nu chun tuonvaite kawmah, “Na kawm u a a gen tâk chuh hih zel un,” a ti a.

LUKE 8:21

Chun, Isu’n a kawm u ah, “Zie Pathien thu za a, zawpte hi ka nu leh ka suohpihte ahiu hi,” a ti a.

1 THESSALONIKA 2:14

Suohpihte, Judia gama Pathien sapchuom, Krista Isu a umte chunga thiltung kha nang haw chung ale hungtung ahi. Amau haw chun Judate laka a thuok bangun, nangun le, nangmau gama mite lak ah na thuok sek ngâl u a.

1 KORINTH 10:31

Khutichun, na nek un le, na dâwn un le, na thilhih chengcheng u chuh, Pathien lopina ding ngenin hih un.

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

NASEPTE 9:6

Khutichun, lau leh kilîng kawmin, “Lalpa bang hih dingin nei deih hi?” a ti a. Chun, Lalpa’n a kawmah, “Tho inla, khuo ah lut ah; tichun, na hih ding hun na hilh un au,” a ti a.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

1 KORINTH 14:33

Aziek chuh, Pathien chuh buoina Pathien ahi puoh a, chamna Pathien ahi zaw ngâl a. Sapchuom tin a mi thiengtho chengcheng te kawma a um bang hin.

JOHAN 15:14

Thu ka hun piek cheng na hih u chun, ka guolte hi’n lau.

1 JOHAN 3:22

Khutichun, a thupiekte I zawp ziekuh leh, amah kipahlam tak I hih sek ziekun, I nget takphawt uh chuh a kawm apat I mu sek ui.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

ISAI 8:10

Thil guong untin, bangmah hi diek puo’n a; thu gen untin, piting diek puo’n a; Pathien I kawm u ah a um ngâl a,” ti’n.

1 KORINTH 4:16

Zieziekchun, ka umdan entawn dingin ka hun nget na hiu hi.