PHILIPPI 3:9 - PATHIEN LEKHABU THIENGTHO (BSI)

⁹ Amah tawh pumkhata ka um theihna dingin. Keimah diktatna, Dan thu zawp zieka diktatna chuh ka nei ta puoi. Himahlele, tuhin, Krista taksanna zieka diktatna, Pathien apat a diktatna ngêi, taksanna zieka um ngêi chuh ka nei tai.

PHILIPPI 3:9 ပူးပေါင်းရင်းမြစ်များ

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

GALATI 2:16

Himahleh, Dan thilhih ziekin mi, hukdam in a um puoh a, Isu Krista taksanna ziek mai in mi, thiemchang a um ahi zawu hi tih, I he ngâl uh a. Eihaw’n le, Dan thilhih ziek hilo in, Krista taksanna zieka thiem changa I um theihna dingun, Krista chuh I ginchak uh ahi ngâl a. Dan thilhih haw ziekin kuomah, thiem chang himhim um ding ahi puoh ngâl a.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

ROME 1:17

Zie mah achun taksan zawk diekna’n Pathien diktatna chuh ahung kilang a, “Mi diktat chuh ginna’n hing ina” tih zik guol khan.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

JEREMIA 33:16

Zie ni haw achun Juda chuh hukbit in um intin, Jerusalem chuh bit takin um in a. Chun, a min dingin, ‘Lalpa CHU I DIKTATNAU AHI,’ tih hi hi’n a.

TITA 3:5

ei uh ei hukdam ta a. Zie chuh eimau mawng in thil I hih phat ziekuh hilo in, himahleh, amah mawng hehpihna chun, Thagau Thiengtho a pienthakna leh hinna thak a chuh ei sil in, ei hukdam I hi tau hi.

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

PHILIPPI 3:6

Dan lam achun Pharisai ka hi a; gunchuhna lam achun sapchuom haw sugimthei pên ka hi a; Dan thu a diktatna lam achun paulap bei ka hi ngâl a.

ROME 10:10

Mite’n lunggil in a gingchau a, diktatna a mu sek ui; kam in a phuong u a, hukdamna a mu sek ui.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

JEREMIA 23:6

A hun sungin Juda chuh hukdam hiu un tin, Israel chuh bit takin um ina. Chun, ziehi a min a sapna dinguh chuh a hi: ‘LALPA CHUH I DIKTATNAU AHI’ tih hi.

THUGENPA 7:20

Khawvela hin kuomah thil sukkhelh nei kha lo a, thilhih dik zing a um puoi.

MATTHAI 9:13

Khutichun, chieh un la, Pathien lehkhabu a, Kithawihna deihlo in, lungsietna ka deih hi tih umzie hi va mudawk un, mi diktatte sam dinga hung ka hi puoh a, mi gilote sam dinga hung ka hizaw a puo,” a ti a.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

SAM LEHKHABU THE PSALMS 143:2

Na sawntawlawi chung ahin vaihawm ki’n la; Na mitmuh achun mihing mawng mawng thiemchang um ding ahi puoh ngâl a.

SAM LEHKHABU THE PSALMS 19:12

Himahleh, kuo a amau thil hihkhelh he thei ding? Gitlohna kisel haw lak ahin ei thielngim in.

SAM LEHKHABU THE PSALMS 14:3

Lam diklo lam ah a kihei vek tau a; a bawn un a petmang zo tau a; Kuo mah thilpha hih himhim a um puou, khat cha le a um puou:

2 KHANGTHUBU 32:25

Himahleh Hezekia chu, Lalpa’n amah dinga a thilhih chung a a kipahna sulang ding chun a chapo ta mah mah a, zieziekchun Juda leh Jerusalem a mipite chu a hung kingainiem tau a,

1 LENGTE 8:46

“Na chunga thil a hihkhelh u a, (kuomah gitlohna neilo a um puoh ngâla) a chung u a na lungnat a, melma khuta na piek a, melmate’n gamla tak ah ahim, naicha ah ahim sala a puih u a,

THILSIEMBUL 7:23

Tichun, lei chunga thilhing tincheng, mihing leh ganguol, leia bawkvakte chung leng vachate cheng tawh sukmang in a um tau a; Noah leh lawng a a kawma um haw chauh chuh a suokcha tau hi.

1 JOHAN 3:4

Kuole, thil sukhiel ta’n, dân le a sukhiel sek hi; gitloh hi dân suksietna ahi ngâl a.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

JAKOB 3:2

I bawnchau in thil tamtak chuh, I na sukhiel sek uh a. Himahlele, kuo’n le, thugen lama a sukkhelh loh chun, zie pa chuh a kikhantit a hi a, a sapumpi huitup thei mi le ahi.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

ROME 16:7

Chun, ka Juda chanpihte, Andronikas leh Junias, ka suongkul lutpihte khah nei hun chibai sak un; amau chuh sawlchakte laka minthang tak a hiu a, kei sanga Krista a um masa ahiu ui.

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.

2 KHANGTHUBU 32:31

Babulon gam apat a palai a gama thilmak umte dawng dinga a hung un le, Pathien in a nungchang patepna dingin amah thu thun a thah tha zaw ta ahi.

DAN NIHNA 27:26

“ ‘Zie dân thu hi zui a pawm det lo taphawt chuh gausap in um hen,’ ti’n tin un. “Chun, mipite chengcheng chun, ‘Amen’ ana tih dinguh ahi.