PHILIPPI 3:2 - PATHIEN LEKHABU THIENGTHO (BSI)

² Uicha te lak achun chingthei un; thil phalo bawlte lak achun le chingthei un!

PHILIPPI 3:2 ပူးပေါင်းရင်းမြစ်များ

2 KORINTH 11:13

Khutibang mite chuh, sawlchak tak tak ahi puou a, lepchieh thu a a nasepteu gen a, Krista sawlchak diktak hite guola. amau kisiemkawmte ahi zawu hi.

TITA 1:16

“Pathien ka heu ui,” ti’n a pang sek u a, himahleh, a thilhih teu chun a haw sek ui. Muhdah um leh thu awilote ahiu a, thilpha hih dinga titna nei lo hielte ahiu ui.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

GALATI 5:15

Himahlele, na kikiettuoh uh a, na kinektuoh u chun, chingthei un, khutilochun, kisumangthai tuoh kha’n lau.

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

SAM LEHKHABU THE PSALMS 22:16

Ui haw chun ei um suok ngâl u a: Thil phalo hih um khawm haw chun ei um chak kêi u a; Ka khut leh keng haw hi a sun pawp u a.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

SAM LEHKHABU THE PSALMS 22:20

Ka hinna hi chemzâm lak achun humbit inla; Ka hinna hi uicha thilhih theihna lak achun humbit inla.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.

1 TIMOTHE 1:19

Chun, taksanna dettak leh, sielephahetna thieng tak chuh vawp zingin. Mi khenkhatte’n a sielephahetnau chuh ngaihsak lo in, taksanna lam achun kuong kek bangin a keksie sek ui.

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

ROME 2:28

Ahih leh, Juda mi, zektan diktak chuh kuo ahi leh? A pawlawng maia Juda mi hi chuh Juda mi tak ahi puoi, a pawlawng mai a zektan chuh zektan taktak ahi diek puoi.

MATTHAI 7:6

“Uicha thil thienglim pie kiu; vawk masanga le na tuikawk suong uh paih kiu in, khutilochun chil sie khau in tin, kihei in hun pîk tel kha’n au.

THUCHINGTE 26:11

Uicha a luok lama a vaihkit guolin; mingawl chun a ngawl dân a sulang kit sek hi.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

2 PETER 2:22

“Uicha a luok lam ah a kîkkit a, vawkpi kibuol ngimsa le, buonthuok laka kibuol dingin a kîkkit hi,” tih paunak diktak tawbang hi a chunguh a hung um ahi tai.

MATTHAI 24:10

Zie tieng chu leh mi tamtak puk un tin, kimatsak tuoh un tin; kimudah tuoh un au!

SAM LEHKHABU THE PSALMS 119:115

Nang haw thil phalo hih te haw, ei taihsan un; Ka Pathien thupiekte ka vawpphat theihna dingin.