PAWTDAWKNA 9:29 - PATHIEN LEKHABU THIENGTHO (BSI)

²⁹ Ziephet chun, Mosi’n a kawmah, “Khuo apat hi ka pawt phat leh, Lalpa lama ka khut zak in paucham ka ting, van gi haw chuh hai intin; giel le kie ta puo’n a; tichun, lei hih Lalpa a ahi tih he ta’n la.

PAWTDAWKNA 9:29 ပူးပေါင်းရင်းမြစ်များ

1 KORINTH 10:26

Lehkhabu thiengtho in, “Leisiet leh a sunga um chengcheng hi Lalpa a ahi,” a ti ngâl a.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

SAM LEHKHABU THE PSALMS 143:6

Ka khut haw hi nang lam ah ka zak sek a; Ka hinna hi gam gaw bangin nang mah ah a dangchâk sek hi.

1 LENGTE 8:38

Bang tawbang pauchamna leh ngetna hitaleh, mi khat pauchamna ahim, na mipi Israel te pauchamna hitaleh, kuo hileh a lunggil a natna nei a kihe a, zie In lam hi ngaa khut zak a a hung paucham tieng.

1 LENGTE 8:22

Chun, Solomon chuh Lalpa maichâm masang, Israel kikhawm khawm haw chengcheng muh in a ding a, van lam ah a khut a zak a:

DAN NIHNA 10:14

Ngaitiem u, van leh, vante van leh, lei leh a sunga um chengcheng hi a bawnin Lalpa na Pathien u a ahi.

1 KORINTH 10:28

Himahlele, kuo ahim khatin, “Ziehi kithawihna sa ahi,” ti a a hun hilh chun, a hun hetsakpa ziek chun leh, na sie leh pha hetna vang u chun ne kiu un.

SAM LEHKHABU THE PSALMS 135:6

Lalpa chun a nawp taphawt chu a hih sek hi, Van ale, lei a le, tuisuohgiet a le, tui thuk tak haw chengcheng ale,

SAM LEHKHABU THE PSALMS 50:12

“Gilkiel mah lengle hun hilh puo’ng ka: Lei leh a sunga thil um chengcheng hi keia ahi ngâla.

JOB LEHKHABU THE BOOK OF JOB 11:13

Na lunggil na kawih dik a ahih chun, Amah lam ah na bân zak ding na hi.

EZRA 9:5

Chun, nitâk lam kithawih hun chun ka lungkham na apat chun ka puonâk leh ka puonsilh sie chuh silh kawm in ka kipan dawka; chun, khupdin a Lalpa Pathien lam nga’n ka bân ka zak a.

PAWTDAWKNA 19:5

Zieziekchun, ka thu na ngaihthak takzet u a, ka thugawlh hi na pawm u chun, khawvel a nam chengcheng lak ahin keia dingin go têlchuom hi’n na tin un, keimah mite ngêi hi’n lau. Leisiet pumpi hi keia ahi ngâla.

PAWTDAWKNA 9:33

Chun, Mosi Pharaoh kawm apat leh khuo apat chun a pawt a, tichun, Lalpa lam ah a khut a zak a; tichun, van gi haw leh giel kie chuh a hung hai ta a, guoh chule a hai ta a.

PAWTDAWKNA 8:22

Chun, zie ni chuleh ka mite umna Gosen gam chuh khenchuom ing ka ting, zie chun tho himhim um puo’n a; tichun, lei chung ahin kei hi Lalpa chuh ka hi tih hun hethei in lau.

PAWTDAWKNA 20:11

Ni gup sungin Lalpa’n lei leh vante, tuisuohgiet leh a sunga um chengcheng te chuh a siem a, a ni sagih ni chun a châwl ta a. Zieziekchun, Lalpa hin chawlhni chuh a vangsak a, a hih thiengtho ta a.

PAWTDAWKNA 8:6

Khutichun, Aron chun Aigupta gama lui chunghaw achun a khut a zak a; tichun ukeng haw chuh a hung pawt u a, Aigupta gam a dâp suok tau a.