PAWTDAWKNA 9:28 - PATHIEN LEKHABU THIENGTHO (BSI)

²⁸ Lalpa kawmah ngên un, zie van gi dul dul leh giel haw hi a hun tai; tichun nanguh hun pawtdawk sak ing ka ting, um sawt ta puo’n lau,” a ti a.

PAWTDAWKNA 9:28 ပူးပေါင်းရင်းမြစ်များ

PAWTDAWKNA 8:8

Khutichun Pharao’n Mosi leh Aron chuh a sap saka a, a kawm u ah, “Kei leh ka mite kawm apat ukeng hi lamang dingin Lalpa kawmah ngên tiem u; tichun, Lalpa kawma na kithawih theihna dingun mihaw hi pawtsak ing ka,” a ti a.

PAWTDAWKNA 10:17

Khutichun, ka gitlohna hi tuchung mai hin ei ngaidam un, ka hun nget na hiu hi, zie thihna hi ei lâkmang sak dingin Lalpa na Pathien u kawm achun ngên un,” a ti a.

PAWTDAWKNA 8:28

Chun, Pharaoh chun, “Thalek a Lalpa na Pathien kawm u a na va kithawih theihna dingun hun sawl ta veng ka ti leh; mahleh na chieh gamlat loh ding uh ahi; kei a dingin nei ngetsak in,” a ti a.

NASEPTE 8:24

Chun, Simon in, “Na thil gen u hi ka chunga bangmah a tun lohna dingin, nangun Lalpa kawmah ei paucham sak un,” ti’n a dâwng a.

PAWTDAWKNA 11:1

Chun, Lalpa’n Mosi kawm achun, “Pharaoh chung leh Aigupta chung ahin khatvei chuh hi vak lênsak kit ing ka; zie nung chuleh vang hun pawtdawk sak in au; a hun pawtdawk sak phat chuleh, zie apat hin na bawn un hun nawhdawk thawh hiel ina.

PAWTDAWKNA 8:25

Chun, Pharao’n Mosi leh Aron a sap saka, a kawm u ah, “Chieh tau inla, zie gamsung ahin na Pathien kawm u achun va kithawi mai tau in,” a ti a.

PAWTDAWKNA 10:8

Tichun, Mosi leh Aron chuh Pharaoh kawmah a puilut kit u a, a kawm u ah, “Chieh unla, Lalpa na Pathien u chuh va ho tau in; amahvang chuh, kuote ahim a chieh ding chuh?” a tiu a.

PAWTDAWKNA 10:24

Ziephet chun, Pharao’n Mosi chuh a sap saka, a kawmah, “Chieh tau inla, Lalpa chuh va ho tau in; na belam guolhawu leh na bâwng guolhawu vang chuh um u hen la: na zi leh chateu le na kawm u ah hung u hen,” a ti a.

1 SAMUEL 12:19

Chun, mipite chengcheng chun Samuel kawm achun, “Ka thih lohna dingun Lalpa na Pathien kawm achun na suokte dingin ngên in: zie thil phalo tak, leng ka na nget u hin ka gitlohna chengcheng uh behlap ka na hi tau hi,” a tiu a.

1 LENGTE 13:6

Chun, leng chun a dâwng a Pathien mi kawm achun, “Ka khut hi a hung dam kit theihna dingin Lalpa na Pathien kawmah ngên inla, nei paucham sak in,” a ti a. Pathien mi chun Lalpa kawmah a ngên a, tichun leng khut chu a hung dam ta a, a ma bang khan a hung um kit ta a.

JEREMIA 21:2

“Babulon leng Nebuknezar chun ei do ta ngâl a, Lalpa chun thilmak ahih sek bang khan, a kinungzuk sak mai mawh dem tih Lalpa ei na dawt sak hen,” ti’n.

PAWTDAWKNA 8:4

Tichun, ukeng haw chuh nang leh na mite leh na miliente chung achun chawm kai sausau in au,’ a tii, va ti’n,” a ti a.

KISIMNA 21:7

Mipite chuh Mosi kawmah a chieh u a, “Lalpa leh nangmah kalh a ka na pau tâk ziek u hin ka na gilo tau hi, gûl haw hi ka lak u apat sumang dingin Lalpa kawmah paucham in,” a tiu a. Khutichun mipite a ding chun Mosi chuh a paucham ta a.