PAWTDAWKNA 9:24 - PATHIEN LEKHABU THIENGTHO (BSI)

²⁴ Khutichun, gielpi, mei leh giel kihel, nasa tak mai chuh, Aigupta gam chung achun, Aigupta gam thusim a le khutibang himhim ana um khalo chuh a hung um ta a.

PAWTDAWKNA 9:24 ပူးပေါင်းရင်းမြစ်များ

MATTHAI 24:21

Zie tieng chu leh gimtheihna nasatak um ding a hi ngâl a; khutibanga nasa himhim chu, lei kisiem tûng apat, tu tieng hin a na um kha puoi, bangmah tikin um le hung um diek ta puo’n a.

PAWTDAWKNA 10:6

Chun, na In leh, na suokte In haw cheng leh, Aigupta mite In cheng achun dim suok untin; na suonte leh, na suonte suonteu inle lei kisiem apat tutieng ale khutibang chuh ana muh khâk nai loh u chuh,’ hung tung ina a tii,” a tiu a. Chun, a kihei a Pharaoh kawm apat chuh a pawt ta a.

PAWTDAWKNA 9:23

Tichun, Mosi’n a tiengkhut chuh van lam ah a vak tung a, chun, Lalpa’n van pi a git sak a, gielpi a kiek sak a, tichun, lei achun mei a hung kie a, Lalpa’n Aigupta gam chung achun giel a kiek sak ta a.

PAWTDAWKNA 9:18

Ngaitie, zing leh tuhun vel hin, giel tampi, Aigupta gam um tûnga pata, tutieng ale na kie kha lo chuh kiek sak ing ka.

PAWTDAWKNA 9:25

Giel chun, Aigupta gamsung cheng a, phul laka um chengcheng mihing leh sa haw chuh a sep a; phul laka thing tincheng chuh a bawng suok ta a.

EZEKIEL 13:13

Zieziekchun Lalpa Pathien chun hiti hin a tii: “Ka lungnat ziekin huihpi husie tak tak hun nun sak ing ka ting; ka lungnat ziekin a susie dingin guohpi-leh gielpi kithuoh hung zun au.

JOB LEHKHABU THE BOOK OF JOB 38:23

Zie chuh buoina hun a ding leh, Kido leh gâlpi huna dinga ka kawih khawl ahi.

SAM LEHKHABU THE PSALMS 18:13

Lalpa chun van a git saka, Chungnung pên pa’n a Aw a suoh a; Gielte leh mei-âmte a kie hut hut a;

SAM LEHKHABU THE PSALMS 105:32

A kawm u ah guoh thasang in giel a pie a, A gamsung u ah chun kawlphe a vak zawt zawt a,

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

EZEKIEL 1:4

Khutichun, ka vak et leh, ngaitie, mâllam apat in huihpi nasatak hung kipan ka mu a. Meipi nasatak apat hin kâwl a hung phe zawl zawl a, a kimvel chuh a vak pempum mai a. A sunga meikuong lailung lai tak chuh thik âm velvul tawbang ahi a.