PAWTDAWKNA 9:23 - PATHIEN LEKHABU THIENGTHO (BSI)

²³ Tichun, Mosi’n a tiengkhut chuh van lam ah a vak tung a, chun, Lalpa’n van pi a git sak a, gielpi a kiek sak a, tichun, lei achun mei a hung kie a, Lalpa’n Aigupta gam chung achun giel a kiek sak ta a.

PAWTDAWKNA 9:23 ပူးပေါင်းရင်းမြစ်များ

SAM LEHKHABU THE PSALMS 18:13

Lalpa chun van a git saka, Chungnung pên pa’n a Aw a suoh a; Gielte leh mei-âmte a kie hut hut a;

JOSHUA 10:11

Chun hiti hi ahi a, Amor te chuh Israel te masanga a taihsiet uh a, Beth-horon apat a chieh sukna lampi a a um lai u chun Lalpa’n van apat in giel lientak takin Azekah khuo tiengin a vak seh sak a, tichun, a thiu a; Israel chate’n chemzâm a a satlup sang un giel sehlup chuh a tamzaw hiel tau hi.

EZEKIEL 38:22

Chun, hipi leh thisan suohna’n a chungah thu tan ka ting; amah leh a sepaih hawn haw leh a kawma mi tamtak te chung achun guohpi vanawn leh gielpi nasatak leh mei leh kât zuk sak ing ka.

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

SAM LEHKHABU THE PSALMS 148:8

Mei leh giel haw, vuk kie leh meipi haw, A thu zui sek huihpite haw:

SAM LEHKHABU THE PSALMS 77:18

Na van gi husa chuh chinpei ah a um a; Na kawlphe haw chun khawvel hi a salh zawt zawt a, Lei hi kilîng in a kithing dul dul a.

SAM LEHKHABU THE PSALMS 29:3

Lalpa aw chuh tui chung haw achun a gi a: Lopi na Pathien chuh ahung gi dul dul a, Lalpa ngêi chuh tui tamtak chung haw achun a hung gi a.

THUPHUON 16:21

Giel lien tak, talent tawh kibang hiela gik hi van apat in mihiemte chungah a hung kie a, zie giel a gawtna ziek chun; mihiemte chun Pathien chuh a gensie tau a; zie gawtna chuh a nasa mah mah ngâl a.

PAWTDAWKNA 20:18

Chun, mipite chun van-gi leh kawlphe leh pengkun gite, tânga meikhu te chu a muh phet un, lau in a kilîng u a, gamla tak ah a ding tau a.

PAWTDAWKNA 19:16

Chun, a ni thum ni zingkal chun hiti hi a hung hi a, van ahung gi a, kâwl ahung phe a, tâng chung achun meipi a hung zing mepmup a, pengkun ngeih tak in a hung gi a; tichun, mipi giehmun a um chengcheng chuh lau in kilîng tau hi.

THUPHUON 16:18

Tichun, kawlphe leh, aw gi leh, vangi a hung uma, chun, leiling nasatak le a hung um ta a! Leichung a mihiem siem a thak, khuti hiela leiling nasa chuh a um kha ngei puoi; zie chuh leiling nasa pên ahi!

THILSIEMBUL 19:24

Tichun, Lalpa’n Sodom leh Gomorra chung achun van a Lalpa kawm apat chun mei leh kât a zuk sak ta a.

PAWTDAWKNA 9:18

Ngaitie, zing leh tuhun vel hin, giel tampi, Aigupta gam um tûnga pata, tutieng ale na kie kha lo chuh kiek sak ing ka.

PAWTDAWKNA 9:24

Khutichun, gielpi, mei leh giel kihel, nasa tak mai chuh, Aigupta gam chung achun, Aigupta gam thusim a le khutibang himhim ana um khalo chuh a hung um ta a.

JOB LEHKHABU THE BOOK OF JOB 37:13

Hilhgaihna ding ahim, a gam ziekin ahim, A hihloh leh lungsietna ziek ahim in a hun um sak ahi.

SAM LEHKHABU THE PSALMS 147:17

A vukkhal chuh changbuong guolin a paih dawk sek a: Amah vawt na masang achun kuo a ding thei ding?