PAWTDAWKNA 9:22 - PATHIEN LEKHABU THIENGTHO (BSI)

²² Chun, Lalpa chun Mosi kawmah, “Van lam ah na khut vak tung inla, Aigupta gamsung cheng ahin, mihingte chung leh, ganhingte chung leh, lo a thai tincheng chunga chuh giel a hung kiek theihna ding in,” a ti a.

PAWTDAWKNA 9:22 ပူးပေါင်းရင်းမြစ်များ

THUPHUON 16:21

Giel lien tak, talent tawh kibang hiela gik hi van apat in mihiemte chungah a hung kie a, zie giel a gawtna ziek chun; mihiemte chun Pathien chuh a gensie tau a; zie gawtna chuh a nasa mah mah ngâl a.

PAWTDAWKNA 8:16

Chun, Lalpa’n Mosi a hopih a, Aron kawmah, “Na tiengkhut kha lam inla, lei a leivui hi zêp in, Aigupta gamsung a leivui cheng hi hik a hung suok theihna dingun, ti’n,” a ti a.

PAWTDAWKNA 8:5

Chun, Lalpa’n Mosi a hopih a, “Aron kawmah, ‘Na tiengkhut kha luipi chunghaw leh luicha leh tui lampi chung leh dîl chunghaw ah na khut in lam inla Aigupta gamsung ahin ukeng hun um sak hen,’ ti’n,” a ti a.

PAWTDAWKNA 7:19

Chun, Lalpa’n Mosi a hopih a, “Aron kawmah hiti hin gen in, Na tiengkhut chawi inla, Aigupta gama tui chunghaw ah, a dîl chunghawu ah, a tuikulhaw chung achun thisan a hung suok vek theih na dingin na tiengkhut kha tungdawk in; tichun Aigupta gamsung cheng chuh thisan in dim in tin, thing leh suong a kisiem kuong haw chule thisan in dim vek ina,” hun tih, a ti a.

PAWTDAWKNA 9:21

Khenkhat chun vang Lalpa hilhlawkna chuh a khawksa puou a, a suokteu leh a ganchateu chuh gam achun a um sak zing u a.

PAWTDAWKNA 10:21

Chun, Lalpa’n Mosi kawmah, “Van lam ah na khut vak tungin, ti a chuh thim nasatak mai a hung um a, Aigupta gam hi a hun khuh theihna dingin,” a ti a.

JOSHUA 10:11

Chun hiti hi ahi a, Amor te chuh Israel te masanga a taihsiet uh a, Beth-horon apat a chieh sukna lampi a a um lai u chun Lalpa’n van apat in giel lientak takin Azekah khuo tiengin a vak seh sak a, tichun, a thiu a; Israel chate’n chemzâm a a satlup sang un giel sehlup chuh a tamzaw hiel tau hi.