PAWTDAWKNA 8:27 - PATHIEN LEKHABU THIENGTHO (BSI)

²⁷ Thalek ni thum lam achun va chieh ka ting un, Lalpa ka Pathien un hih dinga ei piek bang bangin a kawmah va kithawi ing kau,” a ti a.

PAWTDAWKNA 8:27 ပူးပေါင်းရင်းမြစ်များ

PAWTDAWKNA 3:18

Khutichun, amau chun na thugen a na ngaithau in tin, chun, nang leh Israel upate chuh Aigupta lengpa kawmah chieh un na tin, a kawmah, “Lalpa, Hebraite Pathien chuh ka kawmah a hung kilak a; zieziekchun gamthip ni thum lam ah, Lalpa ka Pathien uh kawma ka va kithawih theihna dingun, lungsiet takin ei chiehsak in,” tiu in.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

THIEMPUDANTE 10:1

Chun, Aron chapate, Nadab leh Abihu chun a meilaknau kuong chuh a lau a, a chung achun mei-âm a kawih u a, gimlim a buok u a, tichun, Lalpa masang ah a thupiek loh in mei thienglo chuh a mang u a.

PAWTDAWKNA 34:11

Tuni a ka hun thupiek ding hi pawm in, na masang achun Amor te, Kanaan te, Hit te, Periz te, Hiv te, Jebus te nawhdawk ing ka.

PAWTDAWKNA 10:26

Ka ganchateu ka puih ngêi ngêi dinguh ahi a, khat chale nusieh thei puo’ng kau. Keimau ngêi in, Lalpa ka Pathien uh ka hona ding uh gancha chuh ka kitel ding uh ahi. A mun ka tun mau chun, bang tawbang hi mat ding ahim tih ka he puoh ngâl u a,” a ti a.

PAWTDAWKNA 5:1

Zie nung chun Mosi leh Aron chuh lengpa kawmah a va chieh u a, a kawmah, “Lalpa Israel te Pathien in hiti hin a tii, ‘Ka mite hi thalek a ka kawma hung kut dingin hun sawl in,’ a tii,” ti’n a gen u a.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

PAWTDAWKNA 5:3

Chun, amau chun, “Hebraite Pathien ka kawm u ah a hung kilak a, thalek ni thum lam ah Lalpa ka Pathien u kawmah ka va kithawih theihna dingun lungsiet takin ei chieh sak in; khutilochun, ka chung u ahin natna hi ahim, chemzâm ahim hun lênsak kha’n a,” a tiu a.