PAWTDAWKNA 8:15 - PATHIEN LEKHABU THIENGTHO (BSI)

¹⁵ Himahlele, Pharaoh chun ukeng chuh a bei tai tih a het phet chun a lungthim a sukhauh a, tichun a thuu a zawp nuom ta puoh a; Lalpa’n a gen tâksa guol khan.

PAWTDAWKNA 8:15 ပူးပေါင်းရင်းမြစ်များ

ISAI 26:10

Minunsie chuh deihsak in um mahleh, thil dik sin diek puo’n a: dikna gam achun diklo takin hih intin, Lalpa lopina chuh mu diek puo’n a.

HEBRAI 3:15

“Tunia a aw na zak u chun, A suklungnat lai guol u khan, Na lung uh sukhauh kiu in,” a tih sung cheng hin.

HEBRAI 3:8

Gamthip a patep a um a, A suklungnat lai guol u khan, Na lung uh sukhauh kiu in;

THUGENPA 8:11

Thil phalo hihte chunga thutanna kintaka bawl ahih sek loh ziekin, mihing lungthim chuh thil phalo hih nawpna’n a dim hi.

PAWTDAWKNA 7:4

Himahlele Pharao’n na thuu pawm nuom puo’n tin, Aigupta chung ahin gawtna tunsak ing ka ting, ka mi Israel chate, ka mipite hi Aigupta gam apat chun puidawk ing ka.

PAWTDAWKNA 14:5

Mipite chuh a taimang zo tau hi tih Aigupta lengpa chuh a hilh u a; a lunggil leh a miliente lunggil chuh a kitheng kit ta a, tichun, “Israel mite, I nasem lai uh I pawtdawk sak mai u hih bangti dana zie tawbang hi hih I hi tau em,” a tiu a.

PAWTDAWKNA 4:21

Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.

THUPHUON 16:9

Khutichun, mite chuh sa taka haih in a um tau a, tichun, zie gawtna chunga thuneitu Pathien min chuh a gensie tau a. Himahlele, a lopina pakcha dingin, a gitlohnau apat chun a lunghei nuom diek puou hi.

HOSEA 6:4

Himahleh Lalpa chun, “Aw Ephraim, bang ka hun lawh die? Aw Juda, bang ka hun lawh ta die? Nei lungsietnau chuh zingkala tuimei leh dâitui mang pai zieng sek bang hi a hi ngâl a.

THUCHINGTE 29:1

Kuole, hilhgaih a um zing sa ale, a lungthim hihkhauh tei tei chuh, thakhat a suksiet in um intin; sukdamna um kit ta puo’n a.

PAWTDAWKNA 8:8

Khutichun Pharao’n Mosi leh Aron chuh a sap saka a, a kawm u ah, “Kei leh ka mite kawm apat ukeng hi lamang dingin Lalpa kawmah ngên tiem u; tichun, Lalpa kawma na kithawih theihna dingun mihaw hi pawtsak ing ka,” a ti a.

PAWTDAWKNA 8:14

Chun, a luokkhawm u a, a sieh vum vel vul mai u a; tichun a gam chuh a uih in a uih ta a.

PAWTDAWKNA 8:16

Chun, Lalpa’n Mosi a hopih a, Aron kawmah, “Na tiengkhut kha lam inla, lei a leivui hi zêp in, Aigupta gamsung a leivui cheng hi hik a hung suok theihna dingun, ti’n,” a ti a.

PAWTDAWKNA 8:28

Chun, Pharaoh chun, “Thalek a Lalpa na Pathien kawm u a na va kithawih theihna dingun hun sawl ta veng ka ti leh; mahleh na chieh gamlat loh ding uh ahi; kei a dingin nei ngetsak in,” a ti a.

PAWTDAWKNA 8:29

Chun, Mosi chun, “Ngaitie, na kawm apat hin pawt ding ka hi a, zinga Pharaoh leh a suokte leh a mite chuh tho in a pawtsan theihna dingun Lalpa kawmah ngên ing ka; mahleh, mite Lalpa kawma a kithawih u chuh Pharaoh hin phal lo in, lepbawl kit ta hiel kihen,” a ti a.

PAWTDAWKNA 8:32

Himahleh Pharaoh chun zie chung hinle a lungthim chuh a hihkhauh kit a, tichun a mite chuh a pawtsak nuom diek puoh a.

1 SAMUEL 6:6

Aigupta mite leh Pharaoh’n a lunggil uh a suktak guol uh a khah, bang zieka na lunggil uh sutak na hiu em? A lak uh a thilmak tak a hih phet khan mite chuh a chieh sak uh a, a pawt tau hilo ahim?

THUCHINGTE 26:11

Uicha a luok lama a vaihkit guolin; mingawl chun a ngawl dân a sulang kit sek hi.

1 SAMUEL 6:3

Chun, amau chun, “Israel te Pathien bawm hi thak mang ding na hih hiel u lele a ngawnin vang chiehsak hiel kiu in; a kawmah sukkhelh kithawihna thilpiek pie tei tei un, tichun sukdam in um in na tin un, bang zieka a khut chu nanguh apat a lâkdawk loh ahim tih he’n lau” a tiu a.

1 SAMUEL 6:9

Khutichun, amah gam lam zawtna lampi hawh in Bethsemesh-ah a chieh em en un, a chieh chun, I chung uh a thil phalo tak hi amah hih hi’n tin, a chieh loh chun ei uh ei gawt hih amah khut ahi puoi tih hêi tingun, I chung uh a hung tung mawngmawng hi’n a,” a tiu a.

1 SAMUEL 6:12

Chun, bâwngpite chun Bethsemesh lam zuonin lampi chu a hawh zel zel tau a; chun hâm kawm zingin lampi achun a chieh uh a, changlam ahim veilam ahim ah a pet hiel puou a; chun, Philistia lengte chun Bethsemesh gamgi tiengin a zui uh a.