PAWTDAWKNA 7:5 - PATHIEN LEKHABU THIENGTHO (BSI)

⁵ Chun, Aigupta chunga ka khut ka vak zak a, a lak u apat a Israel chate ka puihdawk tieng le chuh, Aigupta mite chun kei hi Lalpa chuh ka hi tih hun he ta’n au,” a ti a.

PAWTDAWKNA 7:5 ပူးပေါင်းရင်းမြစ်များ

PAWTDAWKNA 14:18

Tichun, lengpa leh a kangtalaite leh a sakawl chung chuong mite apat limbawlna ka lawh tieng chuleh Aigupta mite’n kei hi Lalpa chuh ka hi tih he’n au,” a ti a.

PAWTDAWKNA 8:22

Chun, zie ni chuleh ka mite umna Gosen gam chuh khenchuom ing ka ting, zie chun tho himhim um puo’n a; tichun, lei chung ahin kei hi Lalpa chuh ka hi tih hun hethei in lau.

PAWTDAWKNA 7:17

Zieziekchun Lalpa’n “Zie ahin kei Lalpa chuh ka hi tih he’n la; en in, zie ka tiengkhut hin lui a tui, Nile lui tui hi khên ing ka ting, tichun thisan hungsuok in a.

PAWTDAWKNA 14:4

Chun, Pharaoh lunggil chuh sukkhauh sak ing ka ting, tichun hun delh intin; chun, ken Pharaoh leh a sepaih haw chengcheng akipat chuh limbawlna lawh ing ka; tichun Aigupta mite’n kei hi Lalpa chuh ka hi tih he’n au,” ti’n. Tichun, zie tawbang chun ahih ta a.

PAWTDAWKNA 3:20

Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

EZEKIEL 39:22

Zie ni akipat chuh Israel inkawte chun Kei hi Lalpa a Pathien uh ka hi tih he tau in tin,

EZEKIEL 39:7

Chun, ka mi Israel te lak achun ka min thiengtho sulang ing ka ting, ka min thiengtho sukbuok kit chuh phal ta puo’ng ka: tichun, namte chun Kei hi Lalpa, Israel Mi Thiengtho chuh ka hi, tih he ta’n au,” ti’n.

PAWTDAWKNA 8:10

Chun, amah chun, “Zing a ding in hi hen,” a ti a. Mosi chun, “Na thu bang chun hi hen; tichun Lalpa ka Pathien uh tawbang himhim hi kuomah a um puoi tih he’n la,

EZEKIEL 36:23

Ka min lopi tak, namte laka gensieta um, amau haw lak ngeia na gensiet u chuh hih thiengtho ding ka hi; khutichun, a mitmuh u a nangmau a hih thientho a ka um tieng chuleh Lalpa chuh ka hi tih he’n au, Lalpa Pathien chun a tii.

EZEKIEL 28:22

Lalpa Pathien chun hiti hin a tii: Ngaiin, ka hun do ahi, Aw Sidon; Limbawl in hung um ing ka, na sung ah; Lalpa chuh ka hih zie hun he’n au, a chunga gawtna ka tunsak a, a sunga thiengtho a ka kitaklat tieng.

EZEKIEL 25:17

Lungna taka hilh gaih in a chung u ah phuba lang ka ting, khutia a chungu a ka phubalakna ka tunsak tieng chuleh Lalpa chuh ka hi tih he tan au,” a ti a.

SAM LEHKHABU THE PSALMS 9:16

Lalpa chuh a kiphuonga vai a hawm ta a, Mi dukdaklo chuh amah khutsuok ngêi chun a âwk sak a. Selah. (Higgaion hi ngaihtuoh tihna ahi)

PAWTDAWKNA 8:19

Khutichun mitvaidawi thiemte chun Pharaoh kawmah, “Ziehi Pathien thilhih ngêi ahi hi,” a tiu a. Himahleh, Pharaoh lungthim chuh sukkhauh in a um a, a thuu chuh a ngaitha nuom puoh a; Lalpa’n Mosi leh Aron kawma a na gen tâksa guol khan.

PAWTDAWKNA 6:1

Chun, Lalpa chun Mosi kawmah, “Tu’n vang lengpa chunga ka hih ding chuh mu ta ding na hi, khut hattak ziekin ka mite chuh pawtsak intin, chun, khut hât tak ziek chun amau haw chuh a gam apat chun nawhdawk ina,” a ti a.

PAWTDAWKNA 10:2

Chun, Aigupta te chunga ka thilhih dân haw leh a lak u a ka thilmak hihhaw hi na chapateu leh na chapate chate zaka na gen ding ahi; kei hi Lalpa chuh ka hi tih na hettheih na dingun,” a ti a.

PAWTDAWKNA 10:7

Chun, Pharaoh miliente chun a kawmah, “Zie pa hin bang chan ahim ei sukbuoi zing ding? Ziete hin Lalpa a Pathien uh a ho theihna dingun chiehsak mai ta’n la. Aigupta gam hi suksiet ahi tai tih helo na him?” a tiu a.

PAWTDAWKNA 18:8

Lalpa’n Israel te hukdawkna ding a Pharaoh leh Aigupta te chunga a hih zie chengcheng leh, lamkal a gimtheih a thawk zieu chengcheng leh, Lalpa’n amau haw a hûkbit zie haw chuh Mosi’n a puzawnpa a hilh a.

SAM LEHKHABU THE PSALMS 138:7

Buoina lak ah leng mahleng le, ka melmate lungnatna lak apat nangin nei vengbit a: Ei dote lungnatna suol ding in na khut zak in na tin, Na khut changlam in nei hukdam in la.

EZEKIEL 32:15

Aigupta gam a hawma ka umsak a, A sunga um cheng ka sukbeih a, A sunga chêngte ka gawt mang tieng leh, Lalpa chuh ka hi tih he’n au.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.