PAWTDAWKNA 7:3 - PATHIEN LEKHABU THIENGTHO (BSI)

³ Chun, Pharaoh lunggil chuh sukhauh ing ka ting, melchikna leh thilmak haw Aigupta gama ka hihsa’n le na thugen chuh ngaitha lo ding ahi.

PAWTDAWKNA 7:3 ပူးပေါင်းရင်းမြစ်များ

PAWTDAWKNA 4:21

Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.

PAWTDAWKNA 11:9

Chun, Lalpa’n Mosi kawm achun, “Pharao’n na thuu zawp puo’n a: ka thilmak haw Aigupta gam ahin hihpuna a um theihna dingin,” a ti a.

ROME 15:19

Ziehaw chuh, thu leh thilhih in leh, melchikna leh thilmakte leh, Pathien Thagau Thiengtho mang in a hih a. Chun, Jerusalem apat a, Illurikam gam tienga ka zin lai in le, Krista Chanchin Pha chuh bukim takin ka gen zo tai.

NASEPTE 7:36

Amah chun, Aigupta gam ale, Tuisuohgiet San ale, Thalek haw achun, kum sawmli sungin, thilmak leh melchiknate a muh sak zet a, amau haw a pui dawk ta a.

NASEPTE 2:22

“Nanguh Israel mite haw, zie thu haw hi zau in! Nazareth Isu, Pathien in amah manga na lak u a thil lopihaw, thilmak haw, melchikna haw a hih ngêi khan, a hun hêtchet sak na hiu hi. Nangmau ngêi in ziehaw khah na he ngâl u a, na lak u a hungtun tâk ziekin.

JOHAN 4:48

Isu’n a kawmah, “Melchikna haw leh thilmak haw na muh loh u chun, gingcha hiel puo’n lau,” a ti a.

SAM LEHKHABU THE PSALMS 135:9

Aw Aigupta gam, amah chun tiemtehna te leh thilmakte na sung ah a hun sawl a, Pharaoh leh a sawntawlawi te chengcheng chung achun.

MIKA 7:15

Aw Lalpa, Aigupta gam apat a nei puih dawk laia, thilmak na hih bang khan, tuhin le ka kawm u ah hih in.

ISAI 51:9

Aw Lalpa tho in, tho in! Na khut in ei panpih in; malai nite bang khan na thilhih theihna mang in keihaw ei hukdam in! Nang chuh Rahab satnelpa Dragon sunpa kha hilo na him?

NEHEMIA 9:10

Tichun, Pharaoh leh a suokte leh a gama mi chengcheng te chungah melchikna leh thilmak haw na latsak a. Chapo taka a chung u a thil a hih teu chuh na he a, tichun, tuni tieng hin min in na nei ta a.

DAN NIHNA 7:19

Patepna nasatak na mit ngêi u a na muh hawu, melchikna haw, thilmak haw, khut hattak haw leh bân zaka Lalpa na Pathien un a hun puihdawkna kha; Lalpa na Pathien un na mi lauhteu chung achun zie guol khan hih zel ina.

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

PAWTDAWKNA 9:16

Himahlele, zie ding ahih ka hun tundin na hi, ka thilhih theihna hun etsak ding leh khawvel chengchenga ka min a hung kithan theihna dingin.

PAWTDAWKNA 4:29

Khutichun Mosi leh Aron chun Israel upahaw chengcheng a samkhawm suok kêi u a.

PAWTDAWKNA 4:7

Lalpa chun, “Na khut kha na puonâk nuoi ah gawlh lut tie,” a ti a. Tichun a khut chuh a puonâk nuoi achun a vak gawlh lut kita; chun, a lâkdawk kit phetin, ngaitie, a taksa dang bang chun a hung dam kit ta a.

ROME 9:18

Khutichun, Pathien in a deih cheng chuh a khuotuoh sek a, a ut leh a sulochal sek hi.

PAWTDAWKNA 3:20

Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

PAWTDAWKNA 7:13

Chun, Lalpa’n a gen sa bang khan, Pharaoh lunggil chuh sukkhauh in a um a, tichun a thugen u chuh a ngaitha nuom ta puoh a.

PAWTDAWKNA 11:10

Chun, Mosi leh Aron chun Pharaoh masang achun zie thilmak chengcheng chuh a hih u a: chun, Lalpa’n Pharaoh lunggil chuh a sukkhauh sak a, tichun Israel chate chuh a gam apat chun a pawtdawk sak nuom puoh a.

PAWTDAWKNA 14:4

Chun, Pharaoh lunggil chuh sukkhauh sak ing ka ting, tichun hun delh intin; chun, ken Pharaoh leh a sepaih haw chengcheng akipat chuh limbawlna lawh ing ka; tichun Aigupta mite’n kei hi Lalpa chuh ka hi tih he’n au,” ti’n. Tichun, zie tawbang chun ahih ta a.

SAM LEHKHABU THE PSALMS 78:12

A suonteu mitmuh in thilmak mak a hih sek a, Aigupta gama, Zoan phaicham achun.

THUCHINGTE 21:1

Lalpa chun leng lungthim chuh a thunun a, luicha tui luong bangin a ut dân dân in a pui kawi sek hi.