PAWTDAWKNA 7:22 - PATHIEN LEKHABU THIENGTHO (BSI)

²² Chun, Aigupta gama mitvaidawi thiem haw chun le a dawi un zie tawbang mah chun a hih u a, chun, Lalpa’n ana gensa bangin Pharaoh lunggil chuh sukkhauh in a um a, tichun, a thuu chuh a ngaitha nuom ta puoh a.

PAWTDAWKNA 7:22 ပူးပေါင်းရင်းမြစ်များ

PAWTDAWKNA 7:11

Khutichun, Pharaoh chun le mipil haw leh dawithiemte chuh a sama: chun, Aigupta gama mitvaidawi thiem haw chun le, a dawi u chun a hun hih u a.

2 TIMOTHE 3:8

Janne leh Jambre te’n, Mosi a dodal bang u khan, ziete chun le thutak a dodal sek uh a; lungthim siesa, taksanna lam achun Pathien deih loh lam mi ahiu hi.

JEREMIA 27:18

Himahleh, amau chuh thiemgau ahi ngâl u a, Lalpa thu a kawm u a um ahih takzet chun Lalpa In leh Juda leng In leh Jerusalem a ûmlebel nutsieh a umte chuh Babulon a puoklut a hihloh na’n Sepaihte Lalpa kienga nget hi’n a.”

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

PAWTDAWKNA 7:13

Chun, Lalpa’n a gen sa bang khan, Pharaoh lunggil chuh sukkhauh in a um a, tichun a thugen u chuh a ngaitha nuom ta puoh a.

PAWTDAWKNA 7:21

Chun, Nile luipi a ngahaw chuh a thi zo vek u a; Nile luipi chuh a uih vengvung zieng ta a. Aigupta mite chun lui a tui chuh a dâwn thei ta puou a; Aigupta gamsung chengcheng chuh thisan in a dim suok ta a.

PAWTDAWKNA 7:23

Chun, Pharaoh chuh a kiheia, a In lam ah a chieh ta a, zie thil haw chuh a lungthim in a lungkham pih diek puoi.