PAWTDAWKNA 7:19 - PATHIEN LEKHABU THIENGTHO (BSI)

¹⁹ Chun, Lalpa’n Mosi a hopih a, “Aron kawmah hiti hin gen in, Na tiengkhut chawi inla, Aigupta gama tui chunghaw ah, a dîl chunghawu ah, a tuikulhaw chung achun thisan a hung suok vek theih na dingin na tiengkhut kha tungdawk in; tichun Aigupta gamsung cheng chuh thisan in dim in tin, thing leh suong a kisiem kuong haw chule thisan in dim vek ina,” hun tih, a ti a.

PAWTDAWKNA 7:19 ပူးပေါင်းရင်းမြစ်များ

THILSIEMBUL 1:10

Pathien in lei hul chuh “Lei” a vawh a; tui um khawm haw chuh Tuisuohgiet haw a vawh a; chun, Pathien in zie chuh a en a, pha a sa mah mah a.

2 LENGTE 4:29

Tichun, Elisha chu, Gehazi lam achun a kihei a, a kawmah, “Na puon chêng inla, ka mawlh hi na khut in chawi inla, kin takin chieh inla, mi na kituokpih ahim, a hun hopih ahim chule, kihopih sawt ki’n. In chu zang takin zuon inla, ka mawlh hi naupangpa maichang achun zam in,” a ti a.

PAWTDAWKNA 10:12

Chun, Lalpa’n Mosi kawmah, “Aigupta gamsung a hi khaupe lênsak dingin na khut zak in, tichun hung untin, zie gama thaichi tincheng, giel seh siet mâwk chengcheng hi ne zo vek in au,” a ti a.

PAWTDAWKNA 10:21

Chun, Lalpa’n Mosi kawmah, “Van lam ah na khut vak tungin, ti a chuh thim nasatak mai a hung um a, Aigupta gam hi a hun khuh theihna dingin,” a ti a.

PAWTDAWKNA 14:16

Himahleh, nangin na tiengkhut kha hun chawi inla, chun, tuipi chungah na tiengkhut dawm inla, tui chuh hung kikhen u hen; tichun, Israel suonte chuh tuipi sunga lei hul ah chieh in au.

PAWTDAWKNA 14:21

Chun, Mosi’n tuipi chungah a khut a vak zak a; chun, Lalpa’n suohlam huih hattak zânkhuo’n a nun sak a; chun, tuipi chuh lei hul a suok sak a, chun, tui haw chuh a hung kikhen tau hi.

PAWTDAWKNA 14:26

Lalpa’n Mosi kawmah, “Aigupta mite, a kangtalai teu, a sakawl chung chuong miteu chuh tui in a hun chup kit theihna dingin tuipi chungah na khut kha vak zak in,” a ti a.

PAWTDAWKNA 4:9

Melchikna nih te nasan hi a ginchak loh u a, na thugen chu le a pawm loh u chun, Nile luipi a tui va suok inla, lei hul ah buntha’n, tichun tui chuh lei hul achun thisan hungsuok in a,” a ti a.

PAWTDAWKNA 8:16

Chun, Lalpa’n Mosi a hopih a, Aron kawmah, “Na tiengkhut kha lam inla, lei a leivui hi zêp in, Aigupta gamsung a leivui cheng hi hik a hung suok theihna dingun, ti’n,” a ti a.

PAWTDAWKNA 9:33

Chun, Mosi Pharaoh kawm apat leh khuo apat chun a pawt a, tichun, Lalpa lam ah a khut a zak a; tichun, van gi haw leh giel kie chuh a hung hai ta a, guoh chule a hai ta a.

ISAI 19:10

puongan mite leh nasem mi khutthiemte chuh lungkham in kêk gawp un au.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

HABAKKUK 3:8

Aw Lalpa, luipite chunga hi lungna a, tuipite chung ahih lungkim lo na him? Ahihloh leh tuisuohgiet chunga lung-awi lo na him? Ziehaw zieka chuh na sakawlte chunga hung chu a, na gâl zawhna kangtalai chunga hung chu sek na him?