PAWTDAWKNA 7:17 - PATHIEN LEKHABU THIENGTHO (BSI)

¹⁷ Zieziekchun Lalpa’n “Zie ahin kei Lalpa chuh ka hi tih he’n la; en in, zie ka tiengkhut hin lui a tui, Nile lui tui hi khên ing ka ting, tichun thisan hungsuok in a.

PAWTDAWKNA 7:17 ပူးပေါင်းရင်းမြစ်များ

PAWTDAWKNA 4:9

Melchikna nih te nasan hi a ginchak loh u a, na thugen chu le a pawm loh u chun, Nile luipi a tui va suok inla, lei hul ah buntha’n, tichun tui chuh lei hul achun thisan hungsuok in a,” a ti a.

PAWTDAWKNA 7:5

Chun, Aigupta chunga ka khut ka vak zak a, a lak u apat a Israel chate ka puihdawk tieng le chuh, Aigupta mite chun kei hi Lalpa chuh ka hi tih hun he ta’n au,” a ti a.

PAWTDAWKNA 5:2

Pharaoh chun, “Lalpa chuh kuo ahi a, a thu ka zawpa Israel suonte ka vak pawtsak mai ding ahim? Lalpa chuh ka he puoh a, chun Israel chate le pawtsak puo’ng ka,” a ti a.

EZEKIEL 39:28

Namte lak ah salin ka sawl a, himahlele, khatchale nutsieh umlo a, a gam uh a ka puih khawm kit ziekin, Kei hi Lalpa a Pathien uh ka hi tih he ta’n au.

EZEKIEL 38:23

Chun, ka lopi zie leh ka thientho zie sulang ing ka ting, chun, nam tamtak te mitmuh ah kisulang ing ka, chun, kei hi Lalpa chuh ka hi tih he ta’n au.

SAM LEHKHABU THE PSALMS 9:16

Lalpa chuh a kiphuonga vai a hawm ta a, Mi dukdaklo chuh amah khutsuok ngêi chun a âwk sak a. Selah. (Higgaion hi ngaihtuoh tihna ahi)

THUPHUON 11:6

Ziete chun a thugen sung chenguh guoh zu lo dinga van khâk chak theihna thu a nei ui. Chuleh, tui thisan suoh sak theihna thu neihna le a nei uh a, lei hile gawtna tin chenga a ut phat phat uh a gawt theihna thuneihna le a nei uh ahi.

THUPHUON 8:8

Chun, vânsâwlchâk nihna chun a pengkun chuh a vak mût a; tichun, tâng lienpi meikâk lai tawbang hi tuisuohgiet ah a paih lut uh a. Tichun, tuisuohgiet, mun thuma khena mun khat chuh thisan a hung suok ta a,

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 5:21

Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

DANIEL 4:32

Mihing lak apat a nawhdawk hin na tin, gamsate lak ah um in na tin, bâwngchal guolin hampa pet ding na hi a, na chungah hun sagih bei ina. Chungnung pên pa chun mihingte lalna gam ah vai a hawm a, a deihsak taphawtte kawmah a pie sek ahi tih na het ma cheng chun,” ti’n.

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

EZEKIEL 32:15

Aigupta gam a hawma ka umsak a, A sunga um cheng ka sukbeih a, A sunga chêngte ka gawt mang tieng leh, Lalpa chuh ka hi tih he’n au.

EZEKIEL 30:19

Hitibang hin Aigupta gam ah gawtna tunsak ing ka ting, khutichun Lalpa chuh ka hi tih hun he ta’n au.”

EZEKIEL 30:8

Aigupta gam meia ka hâla, a kizawppih chengcheng ka suksiet tieng leh Lalpa chuh ka hi tih he’nau.

EZEKIEL 29:9

Chun, Aigupta gam chuh gam hawmngawn leh thawmhau hung hi’n tin, khutichun, kei hi Lalpa chuh ka hi tih hun he’n au; ‘Luipi hi keia ahi a, ka siem ahi’, na tih ziek khan.

SAM LEHKHABU THE PSALMS 105:29

A tui hawu chuh thisan a suok sak a, A nga hawu chuh a thih zawh sak ta a.

SAM LEHKHABU THE PSALMS 83:18

Nang mah mai hi JEHOVAH min pu, Lei chung chengcheng chunga Chungnung pên na hi, tih a het theihna dingun.

SAM LEHKHABU THE PSALMS 78:44

A luipi teu chuh thisan a suoh sak a, Tichun, a luicha tui hawu chu a dâwn thei ta puou hi.

2 LENGTE 19:19

Tuhin, Lalpa ka Pathien uh, Asuria te apat hin ei hukdawk tei in, ti a chu, khawvel a namtin in, Nang chauh hi Lalpa Pathien na hi tih a hun het theihna dingun,” a ti a.

1 LENGTE 20:28

Chun, Pathien mi khat a hung a, Israel leng kawm achun, “Lalpa’n hiti hin a tii: ‘Suria te hin Lalpa chu tâng pathien ahi a, phaicham pathien ahi puoi a tiu hi; zieziekchun zie mipi tamtak haw hih na khut ah hun pie ding ka hi, tichun kei hi Lalpa chu ka hi tih he’n lau,’ a tii” ti’n.

PAWTDAWKNA 6:7

Chun, ka mi dingin nanguh hun nei ing ka ting, nang uh dingin na Pathien uh hi’ng ka. Tichun kei hih Jehovah na Pathien uh, Aigupta suok a pata hun puidawkpa ka hi tih he’n lau.

PAWTDAWKNA 1:22

Ziephet chun Pharao’n, “Pasal naupang hung pieng taphawt chuh Nile luipi ah paih un la, numei taphawt chuh na hinghawih dinguh ahi,” ti’n a mite chengcheng chuh thu a pie ta a.

PAWTDAWKNA 7:20

Mosi leh Aron chun Lalpa thupiek bang chun a vak hih u a; chun, tiengkhut chuh a vak tungdawk a, Pharaoh mitmuh leh a suokte mitmuh chun Nile luipi chuh a vak khên a; tichun lui a tui chengcheng chuh thisan a suok zo ta a;

PAWTDAWKNA 10:2

Chun, Aigupta te chunga ka thilhih dân haw leh a lak u a ka thilmak hihhaw hi na chapateu leh na chapate chate zaka na gen ding ahi; kei hi Lalpa chuh ka hi tih na hettheih na dingun,” a ti a.

EZEKIEL 25:17

Lungna taka hilh gaih in a chung u ah phuba lang ka ting, khutia a chungu a ka phubalakna ka tunsak tieng chuleh Lalpa chuh ka hi tih he tan au,” a ti a.

EZEKIEL 32:6

Na thisan in gam chuh chap suok ina, tâng tin chanin, Guom tin le dim ina, nangmah in.