PAWTDAWKNA 7:13 - PATHIEN LEKHABU THIENGTHO (BSI)

¹³ Chun, Lalpa’n a gen sa bang khan, Pharaoh lunggil chuh sukkhauh in a um a, tichun a thugen u chuh a ngaitha nuom ta puoh a.

PAWTDAWKNA 7:13 ပူးပေါင်းရင်းမြစ်များ

PAWTDAWKNA 4:21

Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.

PAWTDAWKNA 8:15

Himahlele, Pharaoh chun ukeng chuh a bei tai tih a het phet chun a lungthim a sukhauh a, tichun a thuu a zawp nuom ta puoh a; Lalpa’n a gen tâksa guol khan.

HEBRAI 3:13

“Tuni,” a tih sung u hin, ni chengin kitîlkhoh tuoh zing zawu in, khutilochun, na lak uh a khatto hi, gitloh thepthak a, lungkhauh deuh deuh hung um kha’n lau.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

PAWTDAWKNA 10:27

Himahlele, Lalpa’n Pharaoh lunggil chuh a sukkhauh sak a, tichun, a pawt sak phal ta puoh a.

PAWTDAWKNA 10:20

Himahlele, Lalpa’n Pharaoh lunggil chuh a hihkhauh sak a, tichun, Israel chate chuh a pawtdawk sak nuom ta puoh a.

PAWTDAWKNA 10:1

Chun, Lalpa’n Mosi kawmah, “Chieh inla, Pharaoh va kimuhpih in. A lunggil leh a suokte lunggil chuh ka sukkhauh sak ta a, zie ka thilmak hih haw hi a kawm u a ka etsak theihna dingin;

DAN NIHNA 2:30

Ahihziekin, Heshbon lengpa Sihon chun a gam chuh ei hawhsak nuom puoh a; Lalpa na Pathien un na khut u a a piek theihna dingin a lungthim chuh a sukkhauh saka, a suktak sak ta a, na hetsau guol ngêi in.

PAWTDAWKNA 14:17

Chun, ngaitie, ken Aigupta mite lunggil chuh sukkhauh sak ing ka ting, tichun hun delhzui un au; chun, lengpa leh a sepaihte leh, a kangtalaite leh a sakawl chung chuong mite apat chun lopina chang ing ka.

PAWTDAWKNA 7:12

A mawlhhawu chuh a vak septha chiet u a, gûl a suok chiet ta a: amahvang chuh Aron tiengkhut chun amau haw mawlh chuh a valh zo vek ta a.

PAWTDAWKNA 7:14

Chun, Lalpa’n Mosi kawmah, “Pharaoh lunggil hi suktak in a na um ta a, mihaw chuh a pawtsak nawp loh ahi.

PAWTDAWKNA 7:22

Chun, Aigupta gama mitvaidawi thiem haw chun le a dawi un zie tawbang mah chun a hih u a, chun, Lalpa’n ana gensa bangin Pharaoh lunggil chuh sukkhauh in a um a, tichun, a thuu chuh a ngaitha nuom ta puoh a.

PAWTDAWKNA 8:19

Khutichun mitvaidawi thiemte chun Pharaoh kawmah, “Ziehi Pathien thilhih ngêi ahi hi,” a tiu a. Himahleh, Pharaoh lungthim chuh sukkhauh in a um a, a thuu chuh a ngaitha nuom puoh a; Lalpa’n Mosi leh Aron kawma a na gen tâksa guol khan.

PAWTDAWKNA 9:7

Chun, Pharao’n mi a sawl a, chun, ngaitie, Israel mite gancha chuh khat chale ana thi puoh a. Himahleh Pharaoh lunggil chuh suktak in a um a, mihaw chuh a pawtsak phal kit ta puoh a.

PAWTDAWKNA 9:12

Himahlele, Lalpa’n Pharaoh lunggil chuh a sutak a, tichun, a thuu chuh a ngaitha nuom diek ta puoh a; Lalpa’n Mosi leh Aron kawma a gen tâksa guol khan.

1 SAMUEL 6:6

Aigupta mite leh Pharaoh’n a lunggil uh a suktak guol uh a khah, bang zieka na lunggil uh sutak na hiu em? A lak uh a thilmak tak a hih phet khan mite chuh a chieh sak uh a, a pawt tau hilo ahim?

PAWTDAWKNA 8:11

Chun, ukeng haw chun nang leh na Inhaw leh na suokte leh na mite chuh pawtdawk san vek untin, Nile lui mai achun um ta’n au,” a ti a.

PAWTDAWKNA 8:28

Chun, Pharaoh chun, “Thalek a Lalpa na Pathien kawm u a na va kithawih theihna dingun hun sawl ta veng ka ti leh; mahleh na chieh gamlat loh ding uh ahi; kei a dingin nei ngetsak in,” a ti a.

PAWTDAWKNA 9:35

Tichun, Pharaoh lunggil chuh sukkhauh in a um a, Israel chate chuh a pawtdawk sak nuom ta puoh a; Lalpa’n Mosi manga a na gen tâksa guol khan.

2 KHANGTHUBU 36:13

Chun, Pathien min a kihâksiel sak lengpa Nebuknezar chung ale a hel a, a genhak a, Lalpa Israel te Pathien lam ngalo dingin a lunggil a sukhauh a.