PAWTDAWKNA 6:7 - PATHIEN LEKHABU THIENGTHO (BSI)

⁷ Chun, ka mi dingin nanguh hun nei ing ka ting, nang uh dingin na Pathien uh hi’ng ka. Tichun kei hih Jehovah na Pathien uh, Aigupta suok a pata hun puidawkpa ka hi tih he’n lau.

PAWTDAWKNA 6:7 ပူးပေါင်းရင်းမြစ်များ

THILSIEMBUL 26:3

Zie gam ahin um tadih inla, tichun na kawmah um zing ing ka ting, hun vangsak ing ka ting; zie gam chengcheng hi nang leh na suonte pien, na pa Abraham kawma ka kihâksiel na kha sudet ing ka.

THILSIEMBUL 28:13

Chun, ngaitie, a sip achun Lalpa a dinga, “Kei hi Lalpa, na pu Abraham Pathien leh Isak Pathien chuh ka hi: na kuolna lei khah nang leh na suonlepak te hun pie’ng ka.

1 LENGTE 20:28

Chun, Pathien mi khat a hung a, Israel leng kawm achun, “Lalpa’n hiti hin a tii: ‘Suria te hin Lalpa chu tâng pathien ahi a, phaicham pathien ahi puoi a tiu hi; zieziekchun zie mipi tamtak haw hih na khut ah hun pie ding ka hi, tichun kei hi Lalpa chu ka hi tih he’n lau,’ a tii” ti’n.

1 LENGTE 8:60

a mi Israel te chung thu ahin amah theih dân bang zela a tawih theihna dingin zie ka thugen haw, Lalpa masanga ngetna ka tut hi sun leh zan in Lalpa I Pathien uh masanga chun châm zing hen.

NEHEMIA 1:10

Chun, ziehaw hi na suok te leh na mite, na thilhih theihna nasa tak leh na khut hattak a na puihdawk te ahiu hi.

SAM LEHKHABU THE PSALMS 100:3

Lalpa chuh Pathien ahi tih heu un: Ei siempa chuh amah chuh ahi a, amah a I hiu hi; A mite leh a gantatna muna belam haw chuh I hiu hi.

SAM LEHKHABU THE PSALMS 81:6

“Na liengko u a thil giksak chu ka dâwnzâng u a Na khut haw chu bawm dawm lo in ka siem a,

PAWTDAWKNA 13:14

Chun, hiti hi hung hi’n tin hun hungtung dinga na chapateu in, ‘Ziehi bangti dân ahi?’ ti a a hun dawt tak u leh, nang un a kawm u ah, ‘Khut hattak in Lalpa’n Aigupta gama suok a ka um u khah ei puihdawk ahi:

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 14:18

Tichun, lengpa leh a kangtalaite leh a sakawl chung chuong mite apat limbawlna ka lawh tieng chuleh Aigupta mite’n kei hi Lalpa chuh ka hi tih he’n au,” a ti a.

PAWTDAWKNA 14:4

Chun, Pharaoh lunggil chuh sukkhauh sak ing ka ting, tichun hun delh intin; chun, ken Pharaoh leh a sepaih haw chengcheng akipat chuh limbawlna lawh ing ka; tichun Aigupta mite’n kei hi Lalpa chuh ka hi tih he’n au,” ti’n. Tichun, zie tawbang chun ahih ta a.

PAWTDAWKNA 15:16

Tizatna leh lauhna’n a buokkhum a, Na khut hatna’n suong bangin a suthip kêi a; Aw Lalpa, na mite a galkaih masieh u chun.

PAWTDAWKNA 15:2

Lalpa chuh ka hatna leh la ahi, Amah chuh ka hukdamna le a hung hii; Ka Pathien ahi a, amah chuh pakcha’ng ka. Amah chuh chawisâng ing ka.

PAWTDAWKNA 16:12

“Israel chate phunchiekna haw kha ka na za a; a kawm u ah, ‘Nitâk lam leh sa ne’n na tin uh, chun, zingkal lam leh chângthâk vah set in ne ta’n lau,’ a tii hun tih,” a ti a.

PAWTDAWKNA 16:6

Chun, Mosi leh Aron in Israel chate chengcheng kawm achun, “Nitâk lam leh Lalpa chuh Aigupta gam apat a hun puidawkpa ngêi chuh ahi tih hun he’n lau;

PAWTDAWKNA 2:11

Chun, zielai chun hiti hi ahi a, Mosi a hung pitin phet chun, Hebrai mi a suohpihte veh dingin a pawtdawk a, pawngbawl a haksa taktak na a sep dân teu chuh a va mu ta a; Aigupta mi khatin a suohpite laka khat Hebrai mi a thah lai tak hih a vak mu a.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.

PAWTDAWKNA 7:17

Zieziekchun Lalpa’n “Zie ahin kei Lalpa chuh ka hi tih he’n la; en in, zie ka tiengkhut hin lui a tui, Nile lui tui hi khên ing ka ting, tichun thisan hungsuok in a.

ISAI 41:20

Chun, zie chuh mi’n a muh tieng u leh, Kei, Lalpa ngêi hin ka hih ahi tih he ta’n au. Tichun, Israel Pathien Thiengtho hin, zie chuh a hun umsak ngêi ahi tih hechien kei ta’n au.” ti’n.

ISAI 49:23

Tichun, lengte chun na chateu chuh dâwn un tin; lengnute chun le na chateu enkawl un au. Amau haw chun maia lei si’n chibai hun bûk un tin, na kêngpêk u a leivui chuh liek un au. Tichun, Kei hi Lalpa chuh ka hi tih hun he ta’n au; kuole ka panpihna ngakte chuh muolpho in um puo’n au,” ti’n.

ISAI 49:26

Nang haw hun bawl gimtheite chu amau leh amau kithah tuoh sak ka ting; lungnatna leh tuolthahna thisan chun uain guolin dâwn kham un au. Khutichun, Kei hi Lalpa, nang haw hun hukdawkpa leh, Jakob mihat chuh ka hi tih micheng in he ta’n au,” ti’n.

ISAI 51:15

“Himahleh, kei hi Lalpa na Pathien, tuipi kinawk gi zungzung te sukhenpa chuh ka hi ngâl a. Ka min chuh Bangakai hihthei Lalpa ahi.

ISAI 60:16

Chun, namte nawitui chuh chên ta’n na tin, lengte hauhsakna achun kivak in na tin, Namte leh lengte’n hun enkawl un tin; Zie tieng chuleh, Kei Lalpa hi na hukdampa leh a hun Tandawkpa, Jakob mihat chuh ka hi tih hun heta’n la.

ISAI 63:8

Lalpa chun, “Ka mite ahiu a, ei thêm ngei puo’n au,” ti’n. Khutichun, amau haw chuh a gimtheih thuoknau apat chun a hukdam ta a.

JEREMIA 30:22

Chun, ka mite hi tau u’ntin. Kei a Pathien uh hing ka.”

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

EZEKIEL 20:19

kei hi Lalpa na Pathien u chuh ka hi a: Ka dân siem haw chuh hawh unla, ka thutanna haw zui unla, hih un;

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

THIEMPUDANTE 11:44

Kei hi, Lalpa na Pathien uh ka hi a, zieziekchun, kihihthiengtho un, kei ka thiengtho ngâl a. Lei chunga chêng a bawka vak thawh chi himhim chun kisubuok kiu in.

THIEMPUDANTE 11:45

Kei hi, Lalpa na Pathien uh hi dinga, Aigupta gam apat a hun puidawkpa chuh ka hi. Na thientho dinguh ahi, Kei ka thiengtho ngâl a.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

KISIMNA 15:41

Na Pathien uh hi dinga, Aigupta gam apat a hun puidawkpa Lalpa na Pathien uh ka hi. Kei hi Lalpa na Pathien u chuh ka hi,” ti’n.

MATTHAI 22:32

‘Kei Abraham Pathien, Isak Pathien, Jakob Pathien chuh ka hi,’ Pathien chuh mithi Pathien ahi puoh a, mihing Pathien ahi zawi” a ti a, a dâwng a.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

DAN NIHNA 14:2

Lalpa na Pathien u a dinga nam thiengtho na hi ngâl u a, khawvel a nam chengcheng lak apat amah a ding chuom a a hun teldawk na hih ziekun.

DAN NIHNA 26:18

Chun, tuni hin a hun tiem guol khan, a thupiek chengcheng te zuia, amah a chuom hi ding leh,

DAN NIHNA 29:12

Lalpa na Pathien un na pawm ding u a thuthun a siem ahin tuni hin lut ding na hi tau a,

DAN NIHNA 29:13

Na pileputeu Abraham leh Isak leh Jakob kawma ana kihâksiel guol leh nang u kawma ana tiem guol a na Pathien uh ahih theihna dingin amah mite hi dinga tunia hi a hun namdet na hiu hi.

DAN NIHNA 29:5

Gamthip ah kum sawmli ka hun na pui ta a; na niklepuon teu chuh na silh chul puou a, na kengtawbek teu le na but chul puou.

DAN NIHNA 4:20

Lalpa chun a mite, a go hiding in thik hâltuina apat, Aigupta gam apat chuh ahun puihdawk zawk na hiu hi, tu a na hih na bang u hin.

DAN NIHNA 7:6

Lalpa na Pathien uh a dinga nam thiengtho na hi ngâl u a; lei chunga nam chengcheng laka amah a ding chuom a Lalpa na Pathien un a hun têl na hi ngâl u a.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

1 PETER 2:10

Ma khan, Pathien mi na hi puou a, tuhin chuh, a mite na hung hi tau a; makhan chuh, Pathien zahngaihna na mu puou a, tuhin chuh, Pathien hehpihna na mu ta ngâl uh a.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

THUPHUON 21:7

A zo ta chengin zie chuh ka kawm apat muu un tin; Kei a Pathien u hi’ng ka ting, amau chuh ka chate hi’n au.