PAWTDAWKNA 6:12 - PATHIEN LEKHABU THIENGTHO (BSI)

¹² Himahlele Mosi chun Lalpa kawmah, “Ngaitie, Israel chate’n ka thugen a ngaitha nuom puoh ngâl u a; kei mi kamthiem lo thugen hi Pharao’n bangti’n a a ngaihthak ding?” ti’n a dâwng a.

PAWTDAWKNA 6:12 ပူးပေါင်းရင်းမြစ်များ

PAWTDAWKNA 4:10

Himahlele Mosi chun, Lalpa kawmah, “Aw Lalpa, na suok kei hih tuma lam leh nei hopih nung hin le pau mat thiem ka hi kha puoh a; kamthiem lo leh dang-âwk tak ka hi ngâl a,” a ti a.

JEREMIA 1:6

Chun, kei chun, “E! Lalpa Pathien, ngaitie, thu ka gen thei puoi; ka naupang taluo ngâla,” ka ti a.

PAWTDAWKNA 6:30

Himahleh, Mosi’n Lalpa kawmah, “Ngaitie, kei mi genmawh tak ka hi ngâl a, tichun kei thugen pi hih lengpa’n bangti’n a a ngaihthak ding?” a ti a.

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

THIEMPUDANTE 26:41

Melmate khuta pie a, amau haw do ding khawpa ei suklungnat ziek un a gitlohnau chuh phuong un au. Atawp a, na tu leh chateu chuh a hung kingaihniem u a, a helnau leh a gitlohna ziek u a gawt a hih nung u chuleh,

PAWTDAWKNA 6:9

Chun, Mosi’n Israel chate kawmah zie thu chuha va gen a, himahlele suok a hihnau a a lungthim uh gimtheih na leh nasa taka sukgimtheihna haw ziek chun Mosi thugen chuh ana ngaitha nuom puou hi.

PAWTDAWKNA 3:13

Chun, Mosi’n a dâwng a, “Ngaitie, Israel chate kawm a ka chieh tieng leh a kawm u ah, ‘Na pileputeu Pathien chun na kawm u a ei sawl ahi,’ va ti leng, amau chun, na min ei dawng taleu bangti’n ka dâwng die?” a ti a.

JEREMIA 9:26

Aigupta, Juda, Edom, Amon mipite leh Moab te, chuleh gamthip a cheng baksam met muih chengcheng chuh zektan loh ahiu a, Israel inkuonte chengcheng le lunggil zektan loh ahiu hi.”

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

PAWTDAWKNA 3:11

Himahlele Mosi chun Pathien kawmah, “Kei Pharaoh kawma chieh a, Israel chate Aigupta gam apat a puidawk dingin kuo ka hi a ahi?” a ti a.

PAWTDAWKNA 4:1

Chun, Mosi chun “Ngaitie, Israel chate chun ei gingcha puou intin, ka aw le ngaitha puou intin, ‘Lalpa chuh na kawmah a kilak puoi,’ ti mai ding ahi ngâl u a,” ti’n a dâwng a.

PAWTDAWKNA 6:13

Chun, Lalpa’n Mosi leh Aron chuh a hopih a, “Israel chate leh Aigupta lengpa kawm achun, ‘Israel chate chuh Aigupta gama pata puihdawk dingin thu ka pie tai,’ ti’n hilh in,” a ti a.