PAWTDAWKNA 6:1 - PATHIEN LEKHABU THIENGTHO (BSI)

¹ Chun, Lalpa chun Mosi kawmah, “Tu’n vang lengpa chunga ka hih ding chuh mu ta ding na hi, khut hattak ziekin ka mite chuh pawtsak intin, chun, khut hât tak ziek chun amau haw chuh a gam apat chun nawhdawk ina,” a ti a.

PAWTDAWKNA 6:1 ပူးပေါင်းရင်းမြစ်များ

2 LENGTE 7:19

sepaih lawiupa khatin Elisha chu a dâwng a, “Zie chu tung thei puo’n tin, Lalpa’n le guoh hun zuk sak diek puo’n a,” ti a a gen guol leh; Elisha chun, “Na mit in vang mu’n na tin, a nek vang ne lo ding na hi,” ti a a gen guol khan.

2 LENGTE 7:2

Chun, sepaih lawiupa leng kithuohpih pên pa chun Pathien mi chu a dâwng a, “Ngaitie, Lalpa’n van ah tukvan hawng ding ahi chu uo; zie bang thil chu ahi thei maizen dinga ahim?” a ti a. “Ngaitie, na mit in vang mu ngêi in na tin, a nek chu vang nelo ding na hi,” ti’n, Elisha chun a dâwng a.

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

SAM LEHKHABU THE PSALMS 12:5

“Chagahte a sukgimtheih ziek u leh, tasamte chuh a thum-amau ziekun, Tuhin kipan ding ka hi a: A utchak uh bitna mun achun kawih ding ka hi,” Lalpa’n a tii.

SAM LEHKHABU THE PSALMS 12:6

Lalpa thutiem haw hi thu thiengtho tak ahi; Dangka lei chunga hâltuina mei a etchet a, Sagih vei sukthientho sa nung tawbang ahi.

SAM LEHKHABU THE PSALMS 136:12

Khut hât leh bân zaka puidawkpa kawm achun: A zahngaihna chuh kumlekhuo a um ding ahi ngâl a.

SAM LEHKHABU THE PSALMS 89:13

Nang chun bân thilhih thei tak na nei a; Na khut a hât a, na khut changlam chu limbawl in a um a.

PAWTDAWKNA 11:1

Chun, Lalpa’n Mosi kawm achun, “Pharaoh chung leh Aigupta chung ahin khatvei chuh hi vak lênsak kit ing ka; zie nung chuleh vang hun pawtdawk sak in au; a hun pawtdawk sak phat chuleh, zie apat hin na bawn un hun nawhdawk thawh hiel ina.

PAWTDAWKNA 12:31

Chun, zie zan mah mah chun Pharaoh chun Mosi leh Aron chuh a sap sak a, “Kipan unla, ka mite lak apat hin pawt un, nang u leh Israel chate haw hi tawh; chieh unla, na gen bang u khan Lalpa chuh va ho tau in.

PAWTDAWKNA 12:33

Chun, Aigupta mite chun, “Nei pawtsan loh u chun thi suok ding ka hiu hi,” ti’n mipite chuh a gam uh kintaka pawtsan dingin a nawh tau a.

PAWTDAWKNA 12:39

Aigupta gam apat a chângthâk chawl sawhloh a puok hawu chun chângthâk a siem u a, Aigupta gam apat a kintaka delhdawka a um ziek u leh a um sawt theih takloh ziekun nek ding nasan le a guonggalh man ta puou hi.

PAWTDAWKNA 13:14

Chun, hiti hi hung hi’n tin hun hungtung dinga na chapateu in, ‘Ziehi bangti dân ahi?’ ti a a hun dawt tak u leh, nang un a kawm u ah, ‘Khut hattak in Lalpa’n Aigupta gama suok a ka um u khah ei puihdawk ahi:

PAWTDAWKNA 13:16

Chun, zie hi na khut u a nang uh dingin melchikna leh na mit uh kikala chal kânna hi’n tin; khut hattak in Lalpa’n Aigupta gam apat in ei puidawk ta ngâl a,” a ti a.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 13:9

Lalpa Dan chuh na kam u a a um zing theihna ding in, na khut u a melchikna leh, na mit u kikala hetzingna guola na neih ding uh ahi, khut hattak a Lalpa’n Aigupta gama pata a thilhih theihna a a hun puihdawk na hiu hi.

PAWTDAWKNA 14:13

Ziephet chun Mosi’n mipite kawm achun, “Lau kiu in, um hiet hiet mai un, Lalpa hukdamna tuni a a hun hih sak ding hih en mai un, tuni a Aigupta mi na muh teu hih kumkhuo’n mu kit ta puo’n lau.

PAWTDAWKNA 15:6

“Na khut changlam chuh, aw Lalpa, thilhih theihna’n a lopi a, Na khut changlam chun, aw Lalpa, melma chuh a sunel vek ta a.

PAWTDAWKNA 7:4

Himahlele Pharao’n na thuu pawm nuom puo’n tin, Aigupta chung ahin gawtna tunsak ing ka ting, ka mi Israel chate, ka mipite hi Aigupta gam apat chun puidawk ing ka.

PAWTDAWKNA 7:5

Chun, Aigupta chunga ka khut ka vak zak a, a lak u apat a Israel chate ka puihdawk tieng le chuh, Aigupta mite chun kei hi Lalpa chuh ka hi tih hun he ta’n au,” a ti a.

ISAI 63:12

Mosi manga thilhih theihna a thil lopitak hih sek Lalpa kha khawia um a hi ta’m? Kumlekhuo a a min sulopi dinga tuipi zêp khen a, a mite tui thuk tak a pui galkai pa kha khawitaka um a hi ta’m?”

KISIMNA 11:23

Chun, Lalpa’n Mosi kawmah, “Lalpa khut chuh sukchawm ahim? Ka gen chuh a guitung em, a guitung puo’m, hun mun la,” a ti a.

KISIMNA 23:23

Dawi thil hihtheihna himhim leh, dawithiem te himhim, Israel chate do dinga mat theih a um lo ahi.

NASEPTE 13:17

Zie Israel Pathien hin, ei uh ei suonte a tel a, Aigupta gama a tham lai u khan nam lopi takin a siem a; a khut thilhih thei tak chun tak apat chun a puidawk ta a.

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?